JEMS 3:13 - KARANU KABI SAMTAM

¹³ Gonyii kak kito kasakai satei- chii kati tei tapo? Swirek kabimah kamanoi teipii, ahmah kabi tiilung kalung teipii, ahmah thalyii hangtei ahnii mangou matulo.

JEMS 3:13 Iomraidhean Croise

METIU 11:29

Gonyii gamkii gumah twom-pot tei kai wolo, sateichii gudato rali wolo; kadapokii Inii lung manoile ninado lung sanale; sateichii gonyiinii gonyii mah rakot jangpii ka-ntak tei doutangle.

METIU 21:5

“Zion kito kalei ralhiimeinah dakii tam pyiilo, Julo, gonyii mah sagong tei gonyiida gong leile! Mpounii lung sanale ninado takoi gam tong leile, sateichii takoi nah gamto gong leile.”

METIU 5:5

“Lungkamanoi meitei sadoi bile; kadapokii sazyii pouryii ai ahnyiinii towtangle!

METIU 7:24

“Teipiinii gumah samkang hang ai shii wosii katam swikalu meihang teinii kasakaimei hangninanii kuitu kadi gamkii mpou-ki tiimakhii kalu takumle.

1 KORENMEI 6:5

Gonyiigo tii-nrou tang karam jangpii Inii ai ai tam leile. Kangsanamei kak kito samlat kamoigo samtak tiipyii tang karam kasakaimei hangninanii soi- supii leitangle,

2 KORENMEI 10:1

Inii gonyiigo kaswisii kalei kikaknii lung manoile, nlenii Inii gonyiigo kaswisii bamsupii mpaasii kaleiki kaknii gonyii dato riishii shyiilesii kahi kalei, I, Pol, gupum sekpiinii Kristamah lung kamanoi ninado lung kasana paikito Inii gonyiigo khangleile.

2 KORENMEI 8:24

Teijangpiinii gonyiimah lungkasyii ninado gonyii- mah kaang kito nyiimah detkadi ai Charsh hang doito maning riirhii katu tei gasii kasangle katu ai mangou tang karam jangpii aimei dakii mangou pyiilo.

GALATIMEI 5:23

lung kamanoi, mpouroinapii mpoupumgo jum kati, tei kakum hang phyiiryii teikii, mazhii kalak ajaitingshang gale.

GALATIMEI 6:1

Kangsanamei, kem kamaki takliit kaleimei hangniniigo jum woleponii, rangii lamto kalei, gonyii- nii ahgo tiimajyiipyii tang karamle. Nlenii teitei gonyiinii sotniimakpii tiitang karamle, sateichii n-godo hemwo kasu tiisii, goroinapii n-go julo.

GALATIMEI 6:4

Nlenii mei nsang nsangnii mpou mpoumah tha tei samtak tiimatulo, mei kakimeinii tiikabam gotei ka-nda supii, tha tei bileponii, mpounii tiikabam kabi jangteipii mpounii detdi wobuile.

IPISAMEI 4:2

Tinglang kaleita lung sanalo, manoilo, sateichii lung leh tilo. Hangninanii hangniniigo lung leh kati teipii kaswisii gonyiimah lungkasyii tei mangoulo.

PILIPIMEI 1:27

Inii gonyiigo gong kadou kado, kadoumak kado, gonyiinii lungswi hangninii tiisii kabi rasam kito kamalum jangteipii kamagasii rangii hangninii kito sangtingsii satle katu gonyiimah kaang kito Inii shiiwo kabui tiisii gonyiinii lungkalei gonyii tiilungmah tingshang rali tei Kristamah kabi rasamgo masam matulo.

KOLOSIMEI 3:12

Teijangpiinii Saraamah kalei kalu kamatei ninado lungkasyiimei hang takumpiinii, lungset kati, lung- kasyii, lung kasana, lung kamanoi lung leh kati, tei gonyiinii nat kaikalei takumpii kai wolo.

1 TIMOTHI 4:12

Nang karanumeile sii mei kata hangninaniido maning kamajaang tei tiimatu sulo; nlenii kamalum jangpii samtam kito, jairali kito, lungkasyii kito, kamalum kito, kamatei kito meigo tiikamangou hangninii tiilo.

1 TIMOTHI 6:11

Nlenii Saraamah mei, gojang- piinanii aihang ki aito pakgalo; sateichii kasang kamajyii, Saraa kamaning, kamalum, lungkasyii, lung leh kati, ninado lung kamanoi kiteikii mik leenglo.

2 TIMOTHI 2:25

ngou karoumeigo manoisii tiima- jyiipyii tang karamle; ahnyiinii lung kalisii kasang tigong matu tang karam jangpii. Saraanii ahnyiigo tinglang kabi pyii leido malahle.

TAITAS 3:2

mei kata hangninii phyiiryii kado tam mashyii kasu tiisii, nlenii lung manoi majung kabui tiisii sa- teichii meihang dakii lung kamanoi tei mangou kabui tiisii ahnyiigo tam maningpyiilo.

HEBRUMEI 13:5

Gonyiimah tiilung tei sanah marei matusulo, gonyiinii gonyiimah kabam teipii lung kashaat tei dou- matulo; kadapokii Saraanii tamle, “Inii n-go mpatsang mpat lakle sateichii Inii n-go toisang toipyii lakle.”

JEMS 1:21

Teijang- piinii katham karaam ninado kaikashyii jairali hangtei rat toi aisii, gonyii rangiigo keipyii kabui lingkai kabam samkang tei lung kamanoi tei njasii lukai wolo.

JEMS 2:18

Nlenii mei kangkanii tam tangle, “Nangnii kamalum leile satei- chii Inii tha leile,” tha kito gomah kamalum tei taamsii gudakii mangoulo, sateichii Inii gumah tha teipiinii gumah kamalum tei godakii mangoule.

JEMS 3:1

Gu kangsanamei, madhiikapyii- mei nyiinii kisii kamaswi samtak katii tei doutangle katu tei tisii, gonyii mei hangkanii madhiikapyiimei tiilak tang karamle.

JEMS 3:17

Nlenii sagoi gamto kahum swirek kabi teinii karei rei- sang kito kamateile, teito kama- jungle, lung kamanoi, kariita kito kalei, lungsyii kati, ninado kabi hang- tei piinii katokryii, meigo maning mashyii kasu, kabijai tiinyii kasu teile.

1 PITAR 1:15

gonyiigo lat kapyii ahnii kamatei takumpii gonyiimah jairali hang kito mateilo,

1 PITAR 2:12

Gonyii kashyii tha katiimei lesii gonyiigo ahnyiinii tam tuleponii, gonyiimah tha kabi hangtei ngoukabui tiisii sateichii mpounii kagong piinei leimik nyiinii Saraago tam matoi wokabui tiisii lui kakimei hang kak kito gonyiimah jairali tei bitang karamle.

1 PITAR 2:9

Nlenii gonyiigo kamyii kito mpounii sung kaga kava kikii lat mpat kapyii mpoumah kamadat tha hangtei saa mpat matutang karam jangpii, kalai kalumei lui, sagong- mah atingmei, kamatei lui Saraamah mei tei gonyiile.

1 PITAR 3:4

Nlenii gonyiimah ngou kabi tei gonyii lungto kalei mikpii ngou kasu kasangmei, kamanoi ninado kamajung mah gasang gakalak ngoukabi jairali tei haitang karamle, hangkapii maikateeng tiisii Saraanii kapoi tei ai kakum ngoukabi aile.