JEMS 3:1 - KARANU KABI SAMTAM

¹ Gu kangsanamei, madhiikapyii- mei nyiinii kisii kamaswi samtak katii tei doutangle katu tei tisii, gonyii mei hangkanii madhiikapyiimei tiilak tang karamle.

JEMS 3:1 Iomraidhean Croise

METIU 10:24

“Taikaswimei hangninanii ahgo Madhiikapyiipii sung dibui makle, sateichii ki kalei mei hangninanii Mpou-pumpii sung dibui makle.

METIU 23:13

“Nlenii Kabijai katii, ajaiting- shang kati ojamei ninado Farasismei gonyii, kadaziikapii kamage tangpo! Dapodinchii sating gam sazyii mah kikam tei mei liit kalak tiisii gonyiinii takam takle; kadapokii gonyii roinapii gonyiido liit-to makle, sateichii liit lesii tiikalei ahnyii goteido maliit sutakle.

METIU 23:14

(Kabijai katiimei, ajaitingshang kati ojamei ninado Farasismei gonyii kadazii- kapii kamage tangpo! Kadapokii gonyiinii katiijai tiitang karam jangpii gonyiinii thaangsang riitasii, kamipwimei ki ramle; teijangpii malesii kisii tam kamashyii tei gonyiinii doutangle.)

METIU 9:11

Sateichii Farasismei teinii ai ngou wosii, mpou boumei dakii tamle, “Gonyiimah Madhiikapyiipii ainii aha kahamei ninado kem katiimei hang go dajangpii kaswisii chii njoi leipo?”

LUKNII KARYII KABI RASAM JUKAMATI 16:2

Teipiinii mpounii mahbam kajupii gotei lat tosii mpou dakii tamle, ‘Inii go-kaang kito shii kalei ai kada takumpo? nangnii mahbam jukalei hangtei gubah lungkii pyiilo, kadapochiinii nang mahbam kajumei tiipeiwo lakle.’

LUKNII KARYII KABI RASAM JUKAMATI 6:37

“Meigo samtak tiisulo, sateichii Saraanii gonyii go samtak tiilakle. Meigo kama kikii lwikai sulo; sateichii Saraanii gonyiigo kama kikii lwikai pyii lakle. Kaleipyiilo, sateichii Saraanii gonyiigo kaleipyii tangle.

JONNII KARYII KABI RASAM JUKAMATI 3:10

Jisunii mpou dakii khekalatle, “Nang Isrelmei mah ralikapyiimei hangninii tiisanii aihang ai timakde?

TIILAMLWI KAPYIIMEI THA JUKAMATI 13:1

Sateichii Antiyok kito kalei Charsh datei Lungkakalingmei ninado ralikapyiimei: Barnabas, Niger sii kalat Simion ninado Sairen mpfii Lusiyas, sateichii Herot sagong mah samtak katiiki kahaipii Manaen ninado Sol tei leile.

1 KORENMEI 12:28

Sateichii Saraanii charsh kak kito mei kang- kiigo, karei reisang kito, tiilamlwi kapyiimei, hangna kashang kito lungkakalingmei, hangtum kashang kito madhiikapyiimei tei kalaipyii takle; sateichii teidoi tei kamadat tha katiimei, ara kanimeigo tii ka-mbimei, tiikahamei, doimajang kapyiimei, lat kataam kataam katam mei pyiibam takle.

2 KORENMEI 5:10

Kadapokii mpougo samtak tiimatu tang karam jangpii, Kristamah samtak katiibam doitei nyiihangnii gongtang karamle; sateichii pum- potmah tiilung kito mpou mpounii tiikabam hang katunii, kabi kado kashyii kado, mpou mpounii douka- majyii taiswisii mei nsang nsangnii doutangle.

IPISAMEI 4:11

Sateichii mpounii mei kangkago tiilamlwi kapyiimei, kangkago lungkakalingmei, kangka- go kabi rasam katam mei, kangkago jao kakoimei, sateichii ralikapyiimei tiimatu tang karam jangpii mpoumah luha hangtei pyiitakle.

1 TIMOTHI 1:7

Ahnyii teinii Sa- raamah ajaitingshang rali kapyiimei tiinyiile, nlenii ahnyiinii hangkapii maning malumsii tam kaleimah kaang mak-kii ahnyiimah samtam hangtei kadapeipo katu tei ahnyiinii timakle.

1 TIMOTHI 2:7

teijangpii lui kakimeimah kabi rasam katam mei ninado tiilamlwi kapyiimei hangninii tiisii kamalum ninado kasangmah sam tam matu tang karam jangpii n-gu kalaiwo takle. I-chuimakle, I-kasang tei tam leile!

2 TIMOTHI 1:11

Kabi rasam aijangpii n-gu kabi rasam katam mei, tiilamlwi kapyii- mei ninado madhiikapyii mei tiilosii kalei wotakle.

HEBRUMEI 13:17

Gonyiimah doimajang katatmei sam swilo, sateichii ahnyii kang nkanglo, kadapokii gonyiinii tha tiikabam mah azhii mashak kabam tei ahnyiinii Saraa dakii pyiitang karam taiswisii, ahnyiinii ntasupii gonyiimah rakot hang go jupyiisii leile. Ahnyiinii katam tei gonyiinii swileponii, ahnyiinii ahnyii tha tei nta ntasii tiitangle, teisu dinchii ahnyiinii lung magesii tiitangle, sateichii tei teinii gonyii jangpii kabi tei gatangle.

JEMS 1:16

Gulungkasyii kangsanamei, go- nyiigo kasang kasu tei piinii chuisii hem malu sulo.

JEMS 1:19

Gulungkasyii kangsanamei, ai ai maning wolo, meihangnii kashii kito kamaring, katam kito kamanyii, sateichii rakarhii kito manyii matulo,

JEMS 3:10

Hakalang katamdo, meigo kasheengdo njoi katu mwi hangninii kito patle. Gukang sana- mei, aihang ai tiilak tang karamle!

1 PITAR 5:3

sateichii gonyii dakii julosii pyiikabam teihang phyiiryii teito apum katiimei takum supii, jaokoimah tiikamangou nda tei gonyii tiipyiilo.