JEMS 2:5 - KARANU KABI SAMTAM

⁵ Gulungkasyii kangsanamei, shiilo, kamalum kito mah nimatu tang karam jangpii, sateichii Saraago lungkasyiimei hang dakii pyii- tanglesii riishii tiikabam sating gam sazyiimah matou katoumei tiimatu tang karam jangpii, sazyii pouryiito mah kagameigo mpounii kalaipyii makpo?

JEMS 2:5 Iomraidhean Croise

METIU 11:5

Mik kachet meinii ngou takle, pi katwimeinii tatlei takle, mpara tchii- sii kaleimei hangnii matei wotakle, khoi kapangmeinii shii wotakle, kataigo tiimaring wotakle, sateichii mah kagamei dakii kabi rasam ai tam ralipyii takle.

METIU 25:34

Teitinglangki sagong teinii mpou- bah ajiilam pang kabam meihang dakii tam tangle, ‘Patlo, Gu pfii mah satoi doukalumei, sazyii pouryii tii ka-mpat saroi sekto gonyii jangpiinii tiida kabam sagong sazyii tei douwolo.

METIU 5:3

“Rangii kasuimei sadoi bile, kadapokii sating gam sazyii tei ahnyii mahle!

MARK 7:14

Sateichii Jisunii meimoi gotei nlailoisii mpoudakii lat magongsii tamle, “Meihang khoiking wolo sateichii tiwolo.

LUKNII KARYII KABI RASAM JUKAMATI 12:21

Sateichii Jisunii tamle, “Saraa mah mik doito mah nisupiinii mpou- jangpii roinii kani kahii poi nkomsii kalei tei aitakumle.”

LUKNII KARYII KABI RASAM JUKAMATI 12:32

“Hing sulo, Jaonah kachengmei! Kadapochiinii gonyii dakii sating sazyii pyii katu tei gonyii Pfiinii kamarei teile.

LUKNII KARYII KABI RASAM JUKAMATI 16:22

“Mah kagapii tei taitakle sa- teichii mpougo Abrahamda kasang- kii Sating gamluinii pangkhii kaipyii takle. Mah kanipii teido taitakle sa- teichii poigoi takle;

LUKNII KARYII KABI RASAM JUKAMATI 16:25

“Nlenii Abrahamnii khekalatle, ‘Nah sapfii mpou, maning gonglo, katunii gotiilung kito nangnii kabi hangtei doutakle, sateichii Lazarus nii tei takumpii kashyii hangtei dou- takle. Nlenii aitoinii mpounii aikito samousii bam takle, sateichii nangnii kamage dousii bam takle.

LUKNII KARYII KABI RASAM JUKAMATI 22:29

Sateichii gu pfiinii Gudakii Sagong Sazyii hangninii julosii pyii kabam takumpiinii,

LUKNII KARYII KABI RASAM JUKAMATI 6:20

Sateichii Jisunii Mpou boumei dakii rajang matusii tamle: “Mah kagamei doibile; dapochiinii Saraa mah Sating Sazyii tei gonyii mahle.

JONNII KARYII KABI RASAM JUKAMATI 7:48

Teimaham kajum mei mak-kii Farasismei hangninii kado mpougo malum womakpo?

TIILAMLWI KAPYIIMEI THA JUKAMATI 7:2

Stifannii khekalatle, “Kang sana- mei ninado gu pfiimei hang, n-gu shii seilo! pumtei kava mah Saraa teinii nyii pfii Abrahamda gongsii mangou- pyiile, mpounii Haran sazyii ki maa lungtu kasunii, Mesopotamiya sazyii ki lung kaleidou,

ROMMEI 8:17

Sateichii Saraa nahmeile ponii mahtou katoumeido takle, mpougo kaswisii nyiinii pumtei kava tei dou njoitang karam jangpii Kristago kaswisii nyii kamage kalak pung njoi leponii, Saraa mahtou katoumei sateichii mpougo njoisii mahtou katoumei takle.

1 KORENMEI 2:9

Nlenii ryii kabam aita- kumpii: “Miknii ngou kasu, koinii shii kasu sateichii meinah lungki liit kasu, hangtei Saraanii mpougo lungkasyiimei jangpii tiikada aitakle.”

2 KORENMEI 4:15

Kadapokii Saraa- mah jumage kapyii tei mei moida kisii kisii gongtang sekchii, Saraamah pumtei kava kiteikii kisii hakalang- mah kariita tei nyiinii pyiitangle, ai kalei kaga hang ai gonyiimah kabi jangpiiniile.

2 KORENMEI 6:10

Nyiigo swi tiika- mage kado, tinglang kaleita nyiinii ntale; nyiinii mah kagamei takumle, nlenii mei hangkiigo nyiinii mah tiimani pyiile; nyiinii mah kado kaga takumle, nlenii kasangpii nyiinii mahlyii hangtei bamle.

2 KORENMEI 8:9

Kadapokii nyii Bangpii Jisu Kristamah jumage kapyii tei gonyiinii tile, katunii mpounii mah nisii leikado mpoumah mah kaga teipii gonyiinii mahni kabui tiisii, gonyii jangpii mpounii mah kagamei tiipyii takle.

IPISAMEI 1:18

Mpoumah kava tei ngoukabui tiisii gonyiimah lungswi hangtei laatpyii matusii, mpounii gonyiigo lat kalu tei kadapei maning kamalum jangpiipo katu sateichii mpoumah meigo pyii tanglesii riishii tiikabam kamadat satoi hangtei kadaziikapii dipo katu tikabui jangpii,

IPISAMEI 3:8

Saraago kamalum meihang kak kito ka-nkhii khiisang tei I-le, teitii kido fiipei kalak Kristamah kani kahiimah kaang kito luikakimei dakii kabi rasam ai tam ralipyii matu tang karam tinglang kabi ai Saraanii n-gu pyiile.

1 THESOLONIKAMEI 2:12

nyiinii gonyiigo tam katwisii, lung tiimakhiisii sateichii sakchyii pyiisii, Pfiinii mpou nahmeigo tiikalei takumpii nyiinii gonyii hang go tiipyii takle.

2 THESOLONIKAMEI 1:5

Saraamah samtak tei kasangle katu tei ai hang ainii matile, katunii, gonyiinii Saraamah sating sazyii ki lung kabui tiitang karam jangpiile, teijangpii gonyiinii kamage kalaktei pung leile.

1 TIMOTHI 6:18

Ahnyiinii kabi tei tima- tulo, kabi tha kito mahni matulo, meigo pyiiti matu katu ninado seiti matulo;

2 TIMOTHI 4:18

Sateichii Bang- piinii kashyii kahong hang kiteito n-gu keipyiisanii mpoumah sating gam sagong sazyii jangpii n-gu keipyii tangle. Mpou dakii kalui gasii tam kamatoi tei matulo. Amen.

2 TIMOTHI 4:8

Aitoisekpiinii kasang kamajyii mah phyiihung tei gujangpiinii kaidek- bam takle, teitei kasang kamajyii samtak katii Bangpii teinii teipiinei leimik gudakii pyiitangle, sateichii teitei gudakii roinii makle, nlenii mpoumah nlai kagong maraisii koikalei meihang dakiido pyiitangle.

HEBRUMEI 11:26

Izip mah kani kahiigo sungnii Krista mah ngou kasaba teinii kisii mai teeng kile sii mpounii poi wotakle. Kadapokii tinglang kanaki doutang karam alangh tei mpounii jubamle.

JEMS 1:12

Jaikaju lehsii kaleimei sadoi bile, kadapokii jaikaju kiteito mpounii satto sekchii, mpougo lungkasyii meigo Saraanii pyiitanglesii riishii tiikabam karingmah phyiihung tei mpounii doutangle

JEMS 1:16

Gulungkasyii kangsanamei, go- nyiigo kasang kasu tei piinii chuisii hem malu sulo.

JEMS 1:19

Gulungkasyii kangsanamei, ai ai maning wolo, meihangnii kashii kito kamaring, katam kito kamanyii, sateichii rakarhii kito manyii matulo,

JEMS 1:9

Nlenii mah kaga kangsanapii gotei Saraanii poikasagoi tinglang kak, mpounii nta tang karamle,

1 PITAR 1:4

Teipiinii Saraanii mpoumah mei jangpii kaidek kabam raguiga kalak maikateeng gotei doutang karam jangpii nyiinii doilamkii ra- jangsii leile; gonyii jangpii gakalak, tiimahongwo kalak, ninado ragui- gawo kalak tei sating gamto mpounii kaidek bamsii leile.

2 PITAR 1:11

Kadapokii aitii- sanii nyiimah Bangpii ninado nyiigo keikapyiipii Jisu Kristamah kalui kaga sagong sazyiiki liit tang karam majyii tei gonyiigo pyiitangle.

MATIMANGOU KAPYII 2:9

“‘Gonyiimah kamage kalak ninado kaga tei Inii tile–Nlenii gonyiinii kasangpii mah nile! Satei- chii Jehudimei kasangsupii, ahnyii roinapiinii ahnyii Jehudimei lesii tamsii kalei, Seitanmah abemei tiisii kaleimei teinii gonyii phyiiryiikii samlat kashyii tam kalei tei Inii tile.

MATIMANGOU KAPYII 21:7

Ngam kalumei hangteinii aihang ai doutangle, sateichii Inii ahmah Saraa ninado ahnii gunah sapfii mpou tei tiitangle.

MATIMANGOU KAPYII 3:18

Teijangpii gonyiinii mah nikabui tiisii mipiinii rumatei kalei sona sateichii gomah peimani kaikasu mah ka-nrou tei ngoumatu kasu tiisii sateichii gomik ngoumatu tang karam jangpii, gomik kikii thei tang karam thao tei, gudato lyii wolosii Inii gonyiigo tam leile.