JEMS 2:18 - KARANU KABI SAMTAM

¹⁸ Nlenii mei kangkanii tam tangle, “Nangnii kamalum leile satei- chii Inii tha leile,” tha kito gomah kamalum tei taamsii gudakii mangoulo, sateichii Inii gumah tha teipiinii gumah kamalum tei godakii mangoule.

JEMS 2:18 Iomraidhean Croise

ROMMEI 14:23

Nlenii maning kariirhiimei teinii chii leponii, kama lwikai takle, kadaponii teitei kamalum kito tiimakle; kadapokii kamalum kito kasu hangteinii kemle.

ROMMEI 3:28

Kadaponii ajaitingshang mah atha tei haisupiinii mei hangniniigo tiimajyii pyiilesii nyiinii malumle.

ROMMEI 4:6

Atha haisupiinii Saraanii kasang kama- jyiilesii lukai kapyiimei tei sadoi bile, Devit sekpiiniido katam ai takumle.

ROMMEI 8:1

Teijangpiinii aitoinii Krista Jisudato kaleimeihang go tam kamashyii tei gatakle.

ROMMEI 9:19

Teitiileponii nangnii gudakii tam tangle, “Kadajangpii mpounii kama tei rei fiileipo? Kadapokii mpoumah kamaning kamarei gotei tanii mazhii kasu tiiwo tangpo?”

1 KORENMEI 13:2

Sateichii lungkakaling mah teimaham hangtei leikado satei- chii Inii Saraa sam tam ka-mpat mah luha tei dou kado, kamakum sam hang sateichii swirek kati hangtei tiwo kado sateichii zang hang go bam tii-nlai kabui mah kamalum hangtei Inii lei kado, lungkasyii tei galeponii Inii samah kado makle.

2 KORENMEI 5:17

Teijangpii mei kata hangninanii Krista dato leileponii, ahnii karanu baichemle; kaham tei tat maju aitakle; julo, karanu tei gong takle.

2 KORENMEI 7:1

Lungkasyii gukanghemei, riishii aihang ai nyii dakii pyii kabam taiswisii, nyiinii nyii roinapii nyii pum ninado nyii rangiigo tiihangsii kalei matum madum kito tiimatei aisii, Saraago dzyiirousii kahing kito nyii mah kamatei tei mashang matwileje.

GALATIMEI 5:6

Kadapokii Krista Jisu dato tiigyii kamalem mak-kii tiigyii malem kasu teipii mah kado tham kaki gale. Nlenii lungkasyii paito tha tiikalei kamalum teile.

1 TIMOTHI 1:5

Pyii kalei mwija aimah kaangnii lung kamatei kito kabi kasang kamajyii tikabui lungswi kito, ninado kasangpii kamalum kito kagong lungkasyii tei tiimakhii tang karam jangpiile.

TAITAS 2:7

Mahlyiihang kito goroinapii n-go tha kabi jangpii nda tiisii mangoulo.

HEBRUMEI 11:31

Kamalum kito shaat kasupei Ra- habnii makumpii meijai kajumeigo tiigatpii lukai kapyii jangpii Saraanii katam swikasumei hang go kaswisii mpoupeinii gatu makle.

HEBRUMEI 11:33

Ahnyiinii kamalum pai- kito sagong magongsii kalung sazyii hang go apum tiiwo takle, kasang kamajyii tha tiiwo takle, riishii tiikapyii doutakle, kou nongsa hang mah mwi makatneiwo takle,

HEBRUMEI 11:6

Sateichii ka- malum haisupiinanii mpougo dzyii- kabi tei tiipeiwo lakle; kadapokii Saraada manang kagongmei hang- teinii mpou ringleile ninado mpougo kafiimei hang dakii mpounii alangh pyii leile katu ai malum tang karamle.

JEMS 2:14

Gulungkasyii kangsanamei, mei kata hangninanii mpoumah kamalum leilesii tam takpokii, tha katii tei haisu leponii, teiteinii kadapei kabi leipo? Kamalum teinii mpougo kei- pyii wobuipo?

JEMS 3:13

Gonyii kak kito kasakai satei- chii kati tei tapo? Swirek kabimah kamanoi teipii, ahmah kabi tiilung kalung teipii, ahmah thalyii hangtei ahnii mangou matulo.