JEMS 1:25 - KARANU KABI SAMTAM

²⁵ Nlenii meinahgo laat mpat kapyii, sajek kaga ajaiting- shang kiteikii jusii kalei, teikikii lung pyiisii kalei sateichii mahkupii shiikasu ninado teigo tei mangai kasu, nlenii poisii tha katii, teimei gotei mpounii tha katii hang kito satoi pyii tangle.

JEMS 1:25 Iomraidhean Croise

LUKNII KARYII KABI RASAM JUKAMATI 11:28

Nlenii Jisunii tamle, “Nle, teitii kido Saraa mah samtam tei shii wosii swikalu mei teinii doibile!”

JONNII KARYII KABI RASAM JUKAMATI 13:17

Gonyiinii ai hang ai tiwosanii, teihang tei tiiwo leponii, gonyii sadoi bile.

JONNII KARYII KABI RASAM JUKAMATI 8:36

Teipiinii nah sapfii mpou teinii gonyiigo laat mpatpyii leponii, gonyiinii kasangpii laatbam takle.

TIILAMLWI KAPYIIMEI THA JUKAMATI 13:43

Sateichii Jehudimei mah ndwibam kito ndwi kalei mei tei tat n-noupat sek-kii, Jehudimeido, Jehudimei kanat kajum Saraago kamaningmeido meihang kanii Pol ninado Barnabas tai swiwo takle; ahnyiinii ahnyiigo karashii sii Saraa mah kalungset kito tiigatpii bamtang karam jangpii ahnyiigo tam katwipyii takle.

TIILAMLWI KAPYIIMEI THA JUKAMATI 2:42

Sateichii ahnyiinii tam ralikapyii kito, riita ndwi kiteito, tiirok tiirak katu kiteito sateichii kariita kiteito taksupiinii lungliitsii tiile.

TIILAMLWI KAPYIIMEI THA JUKAMATI 26:22

Teijangpiinii Saraa dato tiikaha tei dousii, kacheng kadihang dakiido sakchyii pyiisii tingnei katang Inii sat leile;

ROMMEI 11:22

Teijangpiinii Saraa mah lungkasyii ninado mpou sam kahung tei julo kou kalei meilamkii mpou sam kahung tei pyiile, nlenii nangnii Saraamah lungkasyii kiteito taksupii leileponii, golamkii mpou- mah lungkasyii teitangle; suleponii n-godo that ndangtoi tangle.

ROMMEI 2:13

Kadaponii ajai- tingshang gotei shii kalumei teinii Saraa doito kasang kamajyii tei makle, nlenii ajaitingsang taiswisii atha katiimei gotei tiimajyii pyiitangle.

ROMMEI 7:12

Teipiinii ajaitingshang teinii mateile, sateichii kakhatsam teinii mateile majyiile ninado bile.

ROMMEI 8:15

Kadaponii gonyii dakii Saraanii pyii kabam rangii teinii gonyiigo kabangnah tiimatu makle sateichii hingmatu makle, nlenii rangii teinii gonyiigo Saraa mah nahmei tiimatupyii takle, sateichii rangii mah teimaham teipii nyiinii Saraa dakii saa mpatle “Abba, Katunii Pfii-o.”

ROMMEI 8:2

Kadaponii Krista Jisu dato kalei karing mah rangii mah ajaitingshang teipiinii n-gu kem sateichii katai mah ajaitingshang kiteito laat mpatpyii takle.

1 KORENMEI 15:58

Teijangpiinii Gu kangsanamei, gonyii mah tha tiikalei tei Bangpii dato kadak makle katu tei tisii, gonyii sangtingsii, nlaisupiinii Bangpii mah tha katii kito tinglang kaleita tiilo.

2 KORENMEI 13:5

Gonyii mah kamalum kito gonyiinii satsii leimanii leimakpo, katu jutang karam jangpii, Gonyii roinapii jaijulo. Kristanii gonyii dato leile katu gonyiinii timakpo? jaikaju tei gonyiinii kasangpii kadoupeilak kasuta!

GALATIMEI 2:4

Mei kangkanii teitii matunyiisii leikado, nyiinii Jisu Kristago nja wosii hangninii tiiwo kalu kito nyiinii doukalu arangra katiimah kaang kito fii-mpat tang karam jangpii, aimei hang ainii mwi kashyiimei tiisii nyii bouki kak gongliit takle. Ahnyiinii nyiigo kabangmei tii- matunyiisii leile,

GALATIMEI 5:1

Mpou rangra tiimatu tang karam jangpii Kristanii nyiigo laat mpatpyii takle, tei jangpiinii tiigat- piinii satlo, sateichii kikalei mah kamaswi pot tei pungloi sulo.

GALATIMEI 6:2

Hangninanii hangninii mah pot kamaswi tei punghasii Kristamah ajaitingshang tei gong matwi matulo.

KOLOSIMEI 1:23

Nlenii gonyiinii kabi rasam shiikalu ting- lang kak doukalu gonyiimah maning kamalum kiteito nlai matusupii kasangting soikalak bangmaa kiteito malum kabui tei tiijousii leitang karamle. Pol, Inii nga ngakalei ai aimah kabi rasam katunii, sazyii pouryiito kaleihang go tam ralipyii kabam kitole.

1 TIMOTHI 2:15

Nlenii sapwimeinii lung kasana tei njasii, kamalum kito, lungkasyii kito, sateichii kamatei kito taksupiinii leileponii mpoupei nah ka-mpung kito keipyii tangle.

1 TIMOTHI 4:16

Goroinapii n-go julo sateichii gomah karali gotei julo. Aihang ai taksupii tiisii leilo, dapokii nangnii tiisii leileponii, nangnii goroinapii n-godo sateichii gosam shii kalumei godo keipyii tangle.

HEBRUMEI 12:15

Saraa mah jumage kati kiteito tai nlaitu kasu tiisii machyiigat wolo. Mei kado “kakaabang” hangninii tiisii pokpat ahmah hiikara teipiinii kaki hang- kiigo tiimashyii katu takum matu sulo.

JEMS 2:12

Arangra tiimatu tang karam mah ajaitingshang teipii samtak tiitang karam mei takumpii, gonyiinii tamdo tamlo, tiido tiilo,

1 PITAR 2:16

Laat kabam arangra katiimei takumlo, teitii kado gonyiimah laat kabam arangra katii kashyii kahong go gomtwum tang karam jangpiinii jum sulo, nlenii Saraamah kikaleimei takumpiinii lunglo.

1 JON 2:24

Gonyiinii saroisekto shiikalu tei gonyii dato taksupiinii leimatulo. Gonyiinii saroisekto shiikalu tei gonyii dato taksupii leileponii, gonyiiniido nah sapfii mpou dato sateichii Pfii dato taksupii leitangle.

MATIMANGOU KAPYII 14:13

Sateichiisating gamto rok hangninanii aitiisii katam Inii shiitakle, ai ryii wolo: Aitoisekpiinii Bangpii dato tai kaleimei hangtei sadoibile. Rangiinii tamle, “Nle, sadoibi kasangle. Ahnyiimah tha katii kito ntak matulo; kadapokii ahnyiimah tha tei ahnyiigo kaswi leile!”

MATIMANGOU KAPYII 22:14

Ahnyiinii karingmah ruibang dateito riiti chiitang karam majyii tei doukabui tiisii sateichii namdi lung tei takam kamjao kito liit kabui tiisii ahnyiimah peijou kathang tei shyii matei kaleimei hangtei sadoibile.