JEMS 1:22 - KARANU KABI SAMTAM

²² Nlenii samtei kashiimei roinii tiisii, gonyii roinapii gonyiigo kasang kasu teipii chuisii hemwo kasu tiisii, gonyiinii samtei shii wosii tiikatu tiilo.

JEMS 1:22 Iomraidhean Croise

METIU 12:50

Kadapokiisating gamto kalei gu pfiinii kamaning kamazhii katiimei hangtei gu sanamei, gu taipwimei ninado gu pwile.”

METIU 28:20

Inii gonyii dakii pyii kabam kakhatsam hangtei switang karam jangpii ahnyiigo ralipyiilo, sateichii julo, sazyii pouryii nlai katang tei Inii gonyiigo taksupii kaswi leile.”

LUKNII KARYII KABI RASAM JUKAMATI 11:28

Nlenii Jisunii tamle, “Nle, teitii kido Saraa mah samtam tei shii wosii swikalu mei teinii doibile!”

JONNII KARYII KABI RASAM JUKAMATI 13:17

Gonyiinii ai hang ai tiwosanii, teihang tei tiiwo leponii, gonyii sadoi bile.

ROMMEI 2:13

Kadaponii ajai- tingshang gotei shii kalumei teinii Saraa doito kasang kamajyii tei makle, nlenii ajaitingsang taiswisii atha katiimei gotei tiimajyii pyiitangle.

1 KORENMEI 15:33

Gonyiigo choi malu sulo: “Kashyiimeigo kaswi katu teipiinii tingshang kabi tei tiimagale.”

1 KORENMEI 3:18

Mei kaniido ah roinapiinii ahgo schoi choi matu sulo; gonyii kak kito aiha ki aito mei kata hangninanii ah ai sakailesii maning leponii, ahnii sakai tang karam jangpii ahnii maning matulo.

1 KORENMEI 6:9

Kasang kamajyii tha tiikasumei teinii Saraamah sating sazyii doulakle katu gonyii timakpo? Maningma sulo; kashyii kahong tha katii mak-kii, tingtugo kamata, mak-kii mashung kamaha, mak-kii pwimei pfiimei meijai tiikasu,

GALATIMEI 6:3

Kadapokii samah kado kasu mei kata hangninanii ah roinapii ahgo mah hangninii tiisii maning leponii ah roinapii chui aitakle.

GALATIMEI 6:7

Gonyii roinapii gonyiigo chui- sulo, Saraago hoksii nuilei makle, dapokii meinahnii mpoumah ling kakai ziikii rachetdo rachet tangle.

PILIPIMEI 4:8

Kalui kito kangsanamei, kasang kasang, sadzyii ngariit tiikabui hangtei, kamajyii hangtei, kamatei hangtei, ngoukabi hangtei, samlat kabi hangtei, kabi jaishang kado leileponii, sateichii dzyiirou kabui kado leileponii, aihang ai swi ma- shaklo.

KOLOSIMEI 3:17

Sateichii gonyiinii katalyii hang katii kito, samtam kito, mak-kii katii kapung kito pfii Saraa Jisu paito hakalang tamsii, Bangpii Jisu zeikito mahlyiihang tei tiilo.

2 TIMOTHI 3:13

Sateichii kashyii kahongmei sateichii ashoi katimei ahnyii roinapii ahnyiigo kasang kasu choisii hem wosii mei kakimeigo kasang kasu teipii choisii hemsii kashyii kiteito kisii kashyii kitei tatsii leitangle.

TAITAS 3:3

Dapokii ndounii nyiido kapang kamang, katam swikasu, dhiisii tat katu, kathaam kathaam pumzai mah kamarei ka-ntha ninado kasamou hang mah kikaleimei tiisii kem ninado kamaimhii kito nyii tiilung lungsii meihangpii nyiigo ngourousii ninado nyiinii ahnyiigo ngourousii leile.

JEMS 1:26

Mei kata hangninanii mpou ai kanat kanhii kabimeilesii maning takpokii, mpoumah malyii ai jum majyii jum matwi suleponii, mpou- mah kanat ai kadakle ninado mpounii mpouroinapii mpougo chuisii hem wotakle.

JEMS 4:11

Kangsanamei, hangninanii hang- ninii phyiiryiikii sam kashyii tam sulo, Kangsanapii phyiiryiikii sam kashyii katam mak-kii kangsanapii go samtak katii ah teinii ajaiting- shang go tam mashyii leile sateichii samtak tiileile, gonyiinii ajaiting- shang go samtak tiileponii, gonyiinii ajaitingshang tai kaswimei makle, nlenii ajaitingshang go samtak katiimeile.

JEMS 4:17

Teijangpii kadapei tiichii bipo katu tisii kabi tei tiikasu ai ah jangpiinii kamale.

2 PITAR 2:13

Sateichii ahnyiinii kamage kalak tii ka-mpat jangpii ahnyiigo kamage kalak teipii pow ruitangle. Tingna kava kito mah kata hangninii tiisii ahnyiimah pum- zainii kamarei ka-ntha hang gotei kashaat pyiitang karam tei ahnyii jangpii kasamou teile; ahnyiinii gonyiigo kaswisii malotdo chii njoile, nlenii ahnyiimah jairali teinii ka-nrou ninado kasangam teile. Gonyiigo kasang kasu sam tamsii hem kalei kiteito ahnyiinii samousii bamle!

1 JON 1:8

Nyiinii kem galesii nyiinii tam leponii, nyiinii nyii roinapii chuisii hem wotakle, sateichii kasang tei nyiida gatakle.

1 JON 2:3

Nyiinii Saraamah kakhatsam hang tei swileponii, nyiinii mpougo tile katu tei aipii nyiinii tile.

1 JON 3:7

Gunahmei, mei kaniido gonyiigo chuisii hem maluwo sulo! Kasang tiisii kaleimei tei mpounii kasang ka- majyii takumpiinii, kasang kamajyii meile.

3 JON 1:11

Lungkasyii gukangpii, kashyii jairali tei rali sulo, nlenii kabi jairali tei ralilo. Kabi katiimei hangtei Saraa mahle; Kashyii katiimei hang teinii Saraago ngou womakle.

MATIMANGOU KAPYII 12:9

Ndou peipaomei mah sanhii, mwigatpwi sii kalat sara kashyii ninado seitan–- kasang kasupii chuisii kahem ah gotei sazyii pouryiikii toi m-mang aitakle, sateichii ahmah sating gamlui hangtei ahgo kaswisii toi m-mang aitakle.

MATIMANGOU KAPYII 22:7

Sateichii, “Julo! I-kalangsii gong tangle! Larek aikito saa mpat kabam sam hang gotei ryiikalu ah teinii sadoibile!”