JEMS 1:19 - KARANU KABI SAMTAM

¹⁹ Gulungkasyii kangsanamei, ai ai maning wolo, meihangnii kashii kito kamaring, katam kito kamanyii, sateichii rakarhii kito manyii matulo,

JEMS 1:19 Iomraidhean Croise

METIU 5:22

Nlenii Inii gonyii dakii tamleile, mei kata kangkanii mpou sanapiigo rarhii leponii, samtak tiitangle, sateichii kata kangkanii sanapiigo kalet kalou katiisam tam leponii, samtak katiibamki pangkhii tangle, sateichii kata kangkanii ‘ka- pang kamangpii nang sii’ tamleponii, sadoi kashyii mibamki liit tangle.

MARK 12:37

Devit sekpiinado Mpougo Bangpii latle; teipiinii mpou ai kada takumpii Devit nah sapfii mpou tangpo?” Sateichii meimoinii mpou sam tei ntasii shiipyiisii leile.

MARK 2:2

Binasek- kii mei hangka gong ndwi wotakle, teipiinii ahnyiigo mbam tang karamni tei gatakle, ki kajang kamwi katang piinii ani gatakle, sateichii mpounii ahnyii dakii ralipyiitu takle.

LUKNII KARYII KABI RASAM JUKAMATI 15:1

Aitoinii aha-kahamei sateichii kem kama katiimei hangnii sam shiitang karam jangpii mpouda gongle.

LUKNII KARYII KABI RASAM JUKAMATI 19:48

Nlenii ahnyiinii tiitang karam pwidi hang- ninii kado gatakle, kadapochiinii mei hang teinii mpougo lung liitsii shiile.

TIILAMLWI KAPYIIMEI THA JUKAMATI 1:15

Sateichii leimik teihang kak kiteito, Pitarnii kangsanamei sumto tusat tosii tamle, (ndwi kalu meihang tei mei haisii makaikii kakumle.)

TIILAMLWI KAPYIIMEI THA JUKAMATI 10:33

Teijangpiinii Inii tei- tinglang sek-kii, godakii lang mpatle, sateichii nangnii lungsyiisii gong kapyii ai hangkapiinii bitakle, teijangpii Bangpiinii godakii kakhat kabam samhang tei shiitang karam jangpii nyii meihangnii aitoi Saraa doito sat leile.”

TIILAMLWI KAPYIIMEI THA JUKAMATI 13:48

Sateichii lui kakimei hangnii ai ai shiiwo sek-kii, ntado nta takle, Saraa mah kabi rasam godo tam matoile sateichii kalui gasii lungtang karam jangpii kalai kalumei hangnii malum wotakle.

TIILAMLWI KAPYIIMEI THA JUKAMATI 17:11

Toinii ahnyii teinii Thesolonika kito kalei Jehudimei sung kisii hangkengle. Kadaponii kabi rasam tei ahnyiinii hangkapii shiinyiisii, samhang ai kasang manii mahkupo sii sating kata kabi rasam tei tiigatpii fiile.

TIILAMLWI KAPYIIMEI THA JUKAMATI 2:42

Sateichii ahnyiinii tam ralikapyii kito, riita ndwi kiteito, tiirok tiirak katu kiteito sateichii kariita kiteito taksupiinii lungliitsii tiile.

IPISAMEI 4:26

Rarhiilo, nlenii kem tei tiisulo, gomah rakarhii tei leimik liit kasunakii ga ailo.

IPISAMEI 4:31

Kiikha, hungsii rakarhii, raikapat, saa nrung katu, sateichii kalet kalou katii, meigo kangourou katu hang ai gonyii dato poitoi maleilo.

KOLOSIMEI 3:15

Sateichii Kristamah kamajung teipii gonyii hang lung kito apum tiimatulo; gonyiigo teijangpii apum hangninii tiisii latdo latpyii takle; sateikii gonyiinii hakalangdo tamlo.

KOLOSIMEI 3:8

Nlenii aitoinii rakarhii, raikapat, kamaimhii kalet kalou katii sateichii gonyiimwi kito tamjyii kasu katam kamalhii hang ai matou ailo.

1 THESOLONIKAMEI 2:13

Sateichii kaang aijangpii tak- supiinii Saraago halangle, katunii gonyiinii nyii dato shiikalu Saraamah samtam tei dou wosek-kii, meinah mah samtam tei supii, gonyii kamalum mei kak kito tha tiipyiisii kalei Saraa samlesii gonyiinii lukai wotakle, teitei Saraa samtam ka- sangle.

JEMS 1:16

Gulungkasyii kangsanamei, go- nyiigo kasang kasu tei piinii chuisii hem malu sulo.

JEMS 1:2

Gu kangsanamei, gonyiida jai- kaju kataam kataam kagong tinglang kak gonyii ai doibilesii gonyii roinapii poi wolo.

JEMS 1:26

Mei kata hangninanii mpou ai kanat kanhii kabimeilesii maning takpokii, mpoumah malyii ai jum majyii jum matwi suleponii, mpou- mah kanat ai kadakle ninado mpounii mpouroinapii mpougo chuisii hem wotakle.

JEMS 2:1

Gu kangsanamei, pumtei kavamah Bangpii, nyii Bangpii Jisu Kristago kamalum mei tiisii, meinah mah apouju taiswisii gonyiinii kaghu kaphang tei tiisang tiilak tang ka- ramle.

JEMS 2:5

Gulungkasyii kangsanamei, shiilo, kamalum kito mah nimatu tang karam jangpii, sateichii Saraago lungkasyiimei hang dakii pyii- tanglesii riishii tiikabam sating gam sazyiimah matou katoumei tiimatu tang karam jangpii, sazyii pouryiito mah kagameigo mpounii kalaipyii makpo?

JEMS 3:10

Hakalang katamdo, meigo kasheengdo njoi katu mwi hangninii kito patle. Gukang sana- mei, aihang ai tiilak tang karamle!

JEMS 4:11

Kangsanamei, hangninanii hang- ninii phyiiryiikii sam kashyii tam sulo, Kangsanapii phyiiryiikii sam kashyii katam mak-kii kangsanapii go samtak katii ah teinii ajaiting- shang go tam mashyii leile sateichii samtak tiileile, gonyiinii ajaiting- shang go samtak tiileponii, gonyiinii ajaitingshang tai kaswimei makle, nlenii ajaitingshang go samtak katiimeile.

JEMS 5:12

Nlenii kangsanamei, mahlyii hang phyiiryiito, sating sazyiipii mak-kii, mah kata hangninii piiniido riishii riisat poisulo. Nlenii gonyii- mah nle katu tei nle matulo, sateichii gonyiimah makle katu tei makle matulo. Teitiileponii gonyiinii Sa- raamah samtak katii kangtei liit lakle.

JEMS 5:19

Gu kangsanamei, gonyii kak kito mei kata kangkanii kasang kito dhiisii tat tuleponii, sateichii mei kata kangkanii ahgo pang nlaigong leponii,

1 JON 2:21

Gonyiinii kasang tei tikasu jangpii Inii ryiimakle, nlenii gonyiinii teitei kati jangpii sateichii kachui katu ai hangninii kado kasang kito gong makle katu kati jangpii ryiile.