HEBRUMEI 1:3 - KARANU KABI SAMTAM

³ Mpounii Saraamah pumtei kava tei seikalatsii leile sateichii mpounii nunuto kalei Saraamah jaitalui gotei njoichak thiile; Sazyii pouryiigo mpoumah teimaham kalei samkang teipii panglungsii leile. Sazyii pouryiimei mah kem jangpiinii kaleikapyii doukalu taito, dikaki teimaham, Sating gam Saraamah bah ajiilam teito mpounii bam takle.

HEBRUMEI 1:3 Iomraidhean Croise

METIU 22:24

“Madhiikapyiipii, Moses-nii tambamle, ‘nah kaga sapfiimei hangninanii tai aileponii, mpou-tai karhiimeinii mpou-nou gotei manou wosii mpou jangpii atii- anah mbam tang karamle.’

MARK 16:19

Aitiisii ahnyii dakii tam kalei tai Bangpii Jisugo sating gam pang makhii takle ninado mpounii Saraamah bah ajiilamto bam takle.

JONNII KARYII KABI RASAM JUKAMATI 1:14

Samtam teinii pumzai ndat totakle, sateichii jumage kapyii ninado kasang teipii tokryiisii nyiikak kito lungle, Pfii mah nah sapfiimei hangniniisang hangninii roinii tiisii kalei pumtei kava takumpii nyiinii mpoumah pumtei kava tei ngoutakle.

JONNII KARYII KABI RASAM JUKAMATI 1:29

Adoipiinei tei Jisunii mpoulam pang gongkalei tei ngouwosii mpounii tamle, “Julo, Saraa mah Jaonah, sazyii pouryiimei mah kem kama hang poitoi kapyii tei!

JONNII KARYII KABI RASAM JUKAMATI 1:4

Mpou dato karing tei leile, sateichii karing tei meinah mah kava teile.

TIILAMLWI KAPYIIMEI THA JUKAMATI 2:33

Teijangpiinii Saraa mah bah ajiilam pang teikii poisagoi kapyii taiswisii sateichii rangii kamateigo pyiitang lesii riishii tiikabam tei Pfii dato doukalu taiswisii, gonyiinii aitoi ngou kalei ninado shiikalei ai mpounii rui mpat pyiile.

TIILAMLWI KAPYIIMEI THA JUKAMATI 7:56

“Julo, Sating gam kamwi laatkapyii ninado meinah sapfii mpou teinii Saraa mah bah ajiilam pang teito satsii kalei tei Inii ngoutakle.”

ROMMEI 1:16

Kadaponii Inii kabi rasam jangpii ka-nrou gale; kadapochiinii teitei kamalum mei hangnii keikapyii karing doutang karam Saraa mah teimahamle; karei kito Jehudimei go sateichii Grikmei godole.

ROMMEI 8:34

Tanii tam mashyii tangpo? Taikapyii satei- chii teipyiiryiito katai kito ringkhiisii Saraamah bah ajiilamto bamsii nyiihang jangpii riita khangpyiisii kalei krista Jisu teipo?

2 KORENMEI 4:4

Ahnyiinii malum makle, dapokii sazyii pouryii mah sara kashyii teinii ahnyii lungswi tei kamyii kikii kai aitakle. Saraamah njoi karei takum sek katu Kristamah pumtei kavamah kaang kabi rasam kito kagong, ahnyii phyiiryiito vakalei kava tei mpounii ahnyiigo mangou sutakle.

KOLOSIMEI 3:1

Gonyiinii Kristago kaswisii ring- khii takle, Kristanii mpoumah sagongmah bam kito Saraamah bah ajiilamto bamsii kalei, sagoi gamto kalei mah pot hang gotei fiilo.

TAITAS 2:14

Mpounii nyiigo kakui kama hang kito poi mpatpyii tang karam jangpii satei- chii nyiigo mpou kuto kalei kama- teimei tiimatu tang karam jangpii sateichii tha kabi tiinyii matutang karam jangpii mpou pumsek tei mpounii nyiijangpii pyiile.

HEBRUMEI 1:13

Inii n-go ngou karoumeigo gopi kangkii kai kasuta “Gubah ajiilam aito bamlo sii Saraanii mpoumah Sating gamlui hangninii dakiido tamsang tam makle.”

HEBRUMEI 10:12

Nlenii Kristanii kem jangpii karat binii sek-kii kalui kaga jangpii pyiitoi aisanii Saraa- mah bah ajiilam teito bam takle.

HEBRUMEI 12:2

Sateichii nyiimah kamalum mah abang ninado tiimatui kapyiipii Jisugo jusii, nyiidoi kalei pak maga tang karam tei lung leh kati tei kaswisii pakde. Ah doito kalei ka-nta jangpii ahnii kasangbam gotei samah kado maning supii Krosh tei leh wosii, Saraamah sagongbam bah ajiilam teito bam wotakle.

HEBRUMEI 4:14

Saraa nah sapfii mpou Jisu, sating gam hang ki pitang kalu kadi kanat kajum tingdipii nyiimah kalei taiswisii, nyiinii tam ka-mpat tei sangtingsii jumde.

HEBRUMEI 7:27

Kanat kajum Tingditupii teinii karei reisang kito ahnyii mah kem jangpii, sateichii tei taito meihangmah jangpii sating kata kakarat pot pyiitoi kalei takumpiinii, mpounii tiitang karam kabi tei gale, mpounii mpou roinapii mpougo pyiikatoi tinglang kak, mpounii ai ai binii ahang jangpiinii tiitakle.

HEBRUMEI 8:1

Nyiinii tam kalei sam aikito kaang hangteinii aile: sating gam pumtei kava kadi mah sagongbam mah ajiilapangto kabam,

HEBRUMEI 9:16

Kadapokii kamaning kamazhii leikatu nitei, teitei tam katupii mei hangninii mah katai tei pat matu tang karamle,

HEBRUMEI 9:26

Teitii leponii, mpounii sazyii pouryii tii mpat saroisekto nlai nlai loisii kamage kalak tei pungsii lei tangle. Nlenii aitoinii meilui meiha kalui kito mpouroinapii mpougo karat kapyii teipiinii kem tei poitoi matu tang karam jangpii mpounii kalei kaga hang jangpiinii binii tat liitpyii takle.

1 PITAR 1:21

Katai kito tiimaring kapyii sateichii pumtei kava kapyii Saraa gotei, mpou paikito gonyiinii malumle; teijangpii gonyii mah kamalum ninado maning kama- lum tei Saraa dakii mik leeng bamle.

1 PITAR 3:22

Mpounii sating gam khiisii Saraamah bah ajiilamto bam takle. Sating gamlui hangdo, sating gam mah teimaham kajum hangdo, sateichii pumtei kalei hangdo, mpoukang nkang matu takle.

2 PITAR 1:16

Kadapokii nyiinii nyii Bangpii Jisu Kristamah teimaham ninado gongkalei tei gonyii dakii kamati tinglang kak meinahnii likalu rasam hang taitei nyiinii swimakle, nlenii nyiinii mpoumah teimaham kadi tei mik sekpiinii kangoumei hang takle.

2 PITAR 1:17

Kadapokii mpounii Pfii Saraa dato sadzyii ngariit katii ninado “Ai ai Inii lung kamaang, lungkasyii gunah sapfii mpou teile!” Sii tam kalei rok tei kasagoi pumtei kava dato mpouda kagong tinglang kaktei nyii leile.

1 JON 1:7

Nlenii mpounii kava kito kalei takumpii nyiinii kava kito tat leileponii nyiinii hangninanii hang- niniigo nja katumah njai dou njoi katu tei leile, sateichii mpounah sapfii mpou Jisumah zai teipiinii kem hang kito nyiigo tiimatei pyiile.

1 JON 3:5

Sateichii kem hang poitoipyii tang karam jangpii mpounii gongle, sateichii mpouda kem gasangle gale katu gonyiinii tile.

JUD DATO KAGONG CHITI JUKAMATI 1:25

Nyii Bangpii Jisu Krista zei kito hangniniisang hangninii roinii kalei Saraa, nyiigo keikapyiipii dakii pumtei kava, magong kalei kadi kathang, apum katii, ninado teimaham kajum tei ndou karei tinglang hang kito, aitoi ninado kalui kaga tei matulo, Amen.

MATIMANGOU KAPYII 3:21

Inii ngam wosii gu pfiimah sagongbam kiteito ahgo kaswisii bam kalei takumpiinii, ngam kalu ahgodo n-gu kaswisii sagongbam kiteito kaswisii bam matutang karam mah amajyii tei Inii pyiitangle.

MATIMANGOU KAPYII 4:11

“Nyii Bangpii, nyiimah Saraa, gomah pumtei kava sadzyii ngariit katii, ninado teimaham tei doumajyiile. Kadapokii nangnii mahlyiihang tii mpatpyiile, sateichii gomah kamaning kamazhii kito mahlyiihang ringleile ninado tii mpatpyii takle.”