HEBRUMEI 1:2 - KARANU KABI SAMTAM

² nlenii ai kalui tinglang leimik aikito nah sapfii mpou paikito nyii dakii mpounii sam rashiile. Mpougo mahlyii hangmah matou katou tei tiipyii takle, sateichii mpounii mpou paikito sazyii pouryiido tiipyiile;

HEBRUMEI 1:2 Iomraidhean Croise

METIU 13:39

ahnyiigo ralikai kapyii ngou karoumei teinii sara kashyii teile, karachet tinglang teinii, sazyii pouryii mah kalui teile, sateichii lu karachet mei teinii sating gamlui hang teile.

METIU 17:5

Mpounii tam leibangpii julo, vakabi mongjyii hangninanii ahnyiigo gomnei wotakle, sateichii julo, mongjyii kiteito rok hangninanii tamle, “Ai ai Inii lungkasyii gunah sapfii mpou teile; Inii mpougo hangkapii lung mangle, gonyii mpounii katam tei shiilo!”

METIU 21:38

Nlenii lulapai mei teinii nah sapfii mpou gotei ngou wosek-kii, ahnyii karapii tamle, ‘ai ai mahtou toutang karampii teile; nje patlo, nyiinii mpougo gi aisii mpou mah luha tei dou woleje.’

METIU 26:63

Nlenii Jisunii malhii sutakle sateichii Tingditupii teinii mpou dakii tamle, “Saraa nah sapfii mpou Krista tei nangle katu, nang makle katu nyii dakii tam matutang karam jangpii karing Saraa zei kito Inii n-go riishii n-nhii leile.”

METIU 28:18

Jisunii ahnyiida manang gongsii tamle, “Sating ninado sazyii pouryii lungto kalei teimaham hangtei gudakii pyiibam takle.

METIU 3:17

sateichii’ julo, sating gamto rok hangninanii tamle, “Ai ai Inii lungkasyii gunah sapfii mpou teile, Mpougo Inii hangkapii lung- mangle.”

MARK 1:1

Ai ai Saraa nah sapfii mpou Jisu Krista mah kabi rasam abangle.

MARK 12:6

Mpoumah kaki hangninii lei loile, teiteinii mpounii lungsyii kaki mpounah sapfii mpou teile; ahnyiinii gunah sapfii mpou aigonii sadzyii ngariit tiitang manasii maningsii kalui luisang kito mpougo ahnyii dakii langkai takle.

MARK 12:7

Nlenii lu liipei mei teinii ahnyii rangtiisii karashiitu takle, ‘Ai ai mahtou toutang karampii teile, patlo, nyiinii mpougo gi aileje, teito nyiinii mpou mah kabam hangtei tou wobuile.’

JONNII KARYII KABI RASAM JUKAMATI 1:10

Mpounii sazyii pouryiito leile sateichii sazyii pouryii tei mpou paikito tii-mpat takle, nlenii sazyii pouryii meinii mpougo timakle.

JONNII KARYII KABI RASAM JUKAMATI 1:14

Samtam teinii pumzai ndat totakle, sateichii jumage kapyii ninado kasang teipii tokryiisii nyiikak kito lungle, Pfii mah nah sapfiimei hangniniisang hangninii roinii tiisii kalei pumtei kava takumpii nyiinii mpoumah pumtei kava tei ngoutakle.

JONNII KARYII KABI RASAM JUKAMATI 1:3

mahlyii hangtei mpou paikito tiile sateichii tii mpat kabam kito mpou haisupiinii mah hangninii kado tii mpat makle.

JONNII KARYII KABI RASAM JUKAMATI 13:3

tingkhii malot poileibangpii Jisunii, Pfiinii mpou bah kikii kalei kaga pyii aitakle ninado mpounii Saraa dato gongle ninado Saraada tat tutang takle katu tei tiwosanii,

JONNII KARYII KABI RASAM JUKAMATI 13:32

Mpou paikito pumtei kava tei mangou takleponii, meinah sapfii mpou mah pumtei kava tei mpouda sekto Saraanii mangoupyii tangle sateichii mpounii teitei kalangsii tiipyii tangle.

JONNII KARYII KABI RASAM JUKAMATI 15:15

Nlailoisii Inii gonyiigo ki kaleimei latloi lak takle, kadapokii ahmah pumpiinii katii tei kikaleimeinii timakle; nlenii gonyiigo kangmei lat takle; kadapokii Inii Pfii dato shii kalu hangtei Inii gonyii dakii mati takle.

JONNII KARYII KABI RASAM JUKAMATI 16:15

Pfii mah kalei hangtei gumahle; teijangpii ahnii gudato gumah tei poisanii gonyii dakii teitei matipyii tanglesii Inii tamle.

JONNII KARYII KABI RASAM JUKAMATI 17:2

Kadapokii nangnii mpou dakii kapyii hang gotei mpounii kalui kaga karing tiilung pyiimatu tang karam jangpii meilui kalung hang phyii- ryiito nangnii mpougo teimaham tei pyiibam takle.

JONNII KARYII KABI RASAM JUKAMATI 3:16

Kadapokii Saraanii sazyii pou- ryiigo hangkasii lungkasyii jangpii, mpounah sapfii mpou hangniniisang hangninii roinii kalei go tei pyiitakle, teipiinii nah sapfii mpou gotei malum kalumei hang teinii gasupii, kalui kaga karing tei doutang karamle.

JONNII KARYII KABI RASAM JUKAMATI 3:25

Aitoinii Jon mah boumei nei Jehudimei hangninii tiikamatei mah kaang kito kajyiipat tutakle,

JONNII KARYII KABI RASAM JUKAMATI 5:26

Kadapokii Pfii dateito roinii karing tei kalei takumpiinii mpounii nah sapfii mpou datei kado mpou dato roinii karing tei leimatu tang karam pyiitakle.

JONNII KARYII KABI RASAM JUKAMATI 5:27

Sateichii nah sapfii mpou tei meinah sapfii mpou katu taiswisii samtak katii tei mpounii mpou dakii teimaham pyiitakle.

JONNII KARYII KABI RASAM JUKAMATI 9:29

Saraanii Moses go sam rashii takle katu nyiinii tile, nlenii sapfii mpou ainii kada kitopo nyiinii timakle.”

TIILAMLWI KAPYIIMEI THA JUKAMATI 10:36

mpounii Isrelmeinah hang dakii samtei lang magongpyiile, (Mpounii mahlyiihang mah Bangpiile.)

TIILAMLWI KAPYIIMEI THA JUKAMATI 2:17

‘Sateichii Saraanii tamle, kana tinglang hang kitei aitiisii pat tangle, Inii meihang phyiiryiikii gumah rangii tei rui m-mangpyii katuni Inii meihang phyiiryiikii gu rangii tei rui mpat tangle, gonyii nah sapfiimei ninado sapwimei hangteinii gusam saa mpat tangle sateichii gonyii nah karanumei hangteinii madhangkapyii tei ngoutangle; sateichii kating kateimei hangnii mang mai tangle.

ROMMEI 1:4

sateichii kamateimah rangii reng lamgpangto mpounii katai kito ringkhii kalu kito teimaham go kaswisii Saraa nahle katu tei mangoupyii takle, teitei nyii Bangpii Jisu Kristale;

ROMMEI 8:17

Sateichii Saraa nahmeile ponii mahtou katoumeido takle, mpougo kaswisii nyiinii pumtei kava tei dou njoitang karam jangpii Kristago kaswisii nyii kamage kalak pung njoi leponii, Saraa mahtou katoumei sateichii mpougo njoisii mahtou katoumei takle.

1 KORENMEI 2:7

Nlenii sazyii pou- ryiihang tii-mpat kasuniito Saraanii nyiimah pumtei kava jangpii ndouto reipii tiida kabam kamakum satei- chii kabai kabam Saraamah swirek kabi tei nyiinii tam mpat leile.

1 KORENMEI 8:6

nyiijangpiinii Saraa hangninii, katunii, Apfii tei leile; mpou dato mahlyii hang patle, sateichii nyiinii mpou jangpii ring leile, sateichii Bangpii hangninii katunii, Jisu Krista tei leile; mpou paikito mahlyiihangdo nyiihangdo ring leile.

GALATIMEI 4:4

Nlenii kadou tinglang tei kagong kak, Saraanii mpounah sapfii mpougo lang m-mangpyiile. Mpounii meinah sapfii mpou hangninii tiisii gongle, sateichii Jehudimei mah ajaiting- shang kangto lungle,

IPISAMEI 1:10

Tinglang tei gongsekchii Saraanii tiimatui tiimashang tang karam, tiitang karam ainii, Krista go aphyiikii kaikabam tei kaswisii, sating ninado sazyii lungto kalei Saraa baichem hang go poigong ndwitang karam teile.

IPISAMEI 3:9

Sateichii mahlyii hang go tii mpat kapyii Saraa dato tat tukalei tinglang kareiki Saraamah tiitang lesii raang kabam kamakum kabai kabam tei kadapeipo katu meihang go ngoumatu tang karam jangpii,

HEBRUMEI 1:5

“Kadapokii nang gunah sapfii mpoule, tingnei Inii go pfii tiiwo takle,” mak-kii nlailoisii “Inii mpoumah Pfii tei tangle, sateichii mpounii gunah sapfii mpou tei tangle,” sii Saraanii mpoumah sating gamlui hangninii dakiido tamsang tam makle.

HEBRUMEI 1:8

Nlenii Nah sapfii mpoumah kaang kito mpounii tamle, “O, Saraa, gomah sating sazyii tei kalui tiisang tiimakle, sateichii kagu kapang gasii nangnii gomeigo apum tiisii lungle.

HEBRUMEI 11:3

Sazyii pouryii ai Saraamah sam- kangpii tii mpatpyii takle, teipiinii ngoukalei mahlyii hang ai ngoukabui mah pot hang kito patmakle katu tei, kamalum teipii nyiinii tile.

HEBRUMEI 2:3

Teitii leponii tei kakum kadi keikapyii karing gotei nyiinii alung liit suleponii, kada takumpii nyiinii nlek wotangpo? Bangpii sekpiinii karei reisang kito keikapyii karing ai saa mpat takle, sateichii mpounii katam swikasumei hang teinii maning kariirhii gasii ai ai kasangle katupii nyii dakii ma- ngoutakle,

HEBRUMEI 3:6

Nlenii Saraamah ki kalung teito nah sapfii mpou tei tiisii Kristanii malum kabui tei tiile. Nyiinii maning malumsii kalei kiteito nyiinii lung kadi ninado nyiimah lung kalum tei jumsii lei leponii, nyiinii mpoumah ki teile.

HEBRUMEI 4:14

Saraa nah sapfii mpou Jisu, sating gam hang ki pitang kalu kadi kanat kajum tingdipii nyiimah kalei taiswisii, nyiinii tam ka-mpat tei sangtingsii jumde.

HEBRUMEI 5:8

Mpounii Saraa nah sapfii mpou tei tiiwo kido mpounii kamage kalak leh katu teipiinii katam kaswi tei rali wotakle,

HEBRUMEI 7:28

Moses mah ajaitingshang teinii meinahgo ahnyiimah kasui kiteito kanat kajum Tingditupii tiisii kalaile, nlenii ajaitingshang tainii kagong riishii mah samkang teinii kalui gasii bikamatui nah sapfii mpou gotei kalaile.

HEBRUMEI 7:3

Melkizedek pfii mak-kii, pwi mak-kii, mpoumah peipaomei hangninii mah kado ryiidek kabam tei gale, mpougo kalung mak-kii katai tinglang mah ryiidek kabam tei gale, mpounii Saraa nah sapfii mpou takumle; kalui gasii mpounii kanat kajum atingmei hangninii tiisii bamle.

HEBRUMEI 9:26

Teitii leponii, mpounii sazyii pouryii tii mpat saroisekto nlai nlai loisii kamage kalak tei pungsii lei tangle. Nlenii aitoinii meilui meiha kalui kito mpouroinapii mpougo karat kapyii teipiinii kem tei poitoi matu tang karam jangpii mpounii kalei kaga hang jangpiinii binii tat liitpyii takle.

1 PITAR 1:20

Sazyii pouryii tii mpat kasunato Saraanii mpougo kalaiwo takle, nlenii kalui tinglang kinii gonyii jangpii mangoupyiile.

2 PITAR 3:3

Karei reisang kito gonyiinii ai ai tilo, katunii, kalui tinglang ki hoksii kanuimeinii ahnyii pumzainii kamarei ka-ntha hang teitei swisii, hoksii kanui tei njasii gong tam tangle,

JUD DATO KAGONG CHITI JUKAMATI 1:18

katunii, “Kana tinglangki ahnyiimah Saraa haikasu pumzainii kamarei ka-ntha-tai tei swisii kalei hoksii kanuimei leitang lesii.” Ahnyiinii gonyii dakii tambamle.