HEBRUMEI 1:1 - KARANU KABI SAMTAM

¹ Ndou kareiki Saraanii lungka- kalingmei paikito nyiipei nyii- paomeigo jairali kataam kataam kito nlai nlailoisii sam rashiile,

HEBRUMEI 1:1 Iomraidhean Croise

LUKNII KARYII KABI RASAM JUKAMATI 1:55

Nyii pei nyii paomei dakii tam kabam takumpiinii, mpouki kaleimei, Isrelmeinahgo tiiha takle.”

LUKNII KARYII KABI RASAM JUKAMATI 1:72

Nyii pei nyii paogo jumage kapyii tei mangou tang karam jangpii, sateichii mpoumah sat tang karam karanu samtam hangtei maning matu tang karam jangpii,

LUKNII KARYII KABI RASAM JUKAMATI 24:27

Sateikii Moses dato sateichii Lungkakalingmei hang dato haosii mpou kaang kito kabi rasam hang kito kalei tei mpounii ahnyii dakii laat mpatpyii takle.

LUKNII KARYII KABI RASAM JUKAMATI 24:44

Sateichii mpounii ahnyii dakii tamle, “Inii gonyiigo kaswisii lung kalei kak, Inii gonyiigo kaswisii karashii kalu samkang hangtei aile, katunii, gu kaang kito Moses mah ajaitingshang kito, Lungkakalingmei sateichii tam kamatoi lhiibung kikii ryii kabam matum madum hangtei madou gong matu tangle.”

JONNII KARYII KABI RASAM JUKAMATI 16:13

Nlenii kasang mah rangii teinii gongsekchii, ahnyiinii gonyiigo kasang hang kiteikii chyiitatpyii tangle; kadapokii ahnii mpou teimaham kito roinii kito tam lakle, nlenii ahnii shiikalu hangtei ahnii tam tangle sateichii gongtang karam hangtei ahnii gonyii dakii tam matipyii tangle.

JONNII KARYII KABI RASAM JUKAMATI 7:22

Mosesnii go- nyiigo tiigyii kamalem tei pyiitakle (tei tei Moses dato makle, nlenii pei- paomei datole) sateichii gonyiinii nah sapfiimei hangniniigo bam ntak piinei leimik tiigyii malemle.

JONNII KARYII KABI RASAM JUKAMATI 9:29

Saraanii Moses go sam rashii takle katu nyiinii tile, nlenii sapfii mpou ainii kada kitopo nyiinii timakle.”

TIILAMLWI KAPYIIMEI THA JUKAMATI 13:32

Sateichii peipaomei dakii riishii tiikabam mah kabi rasam tei nyiinii gonyii dakii pung gong pyii leile.

TIILAMLWI KAPYIIMEI THA JUKAMATI 2:30

Teijangpiinii mpounii Lungkakalingmei hangninii tiisii, mpouki tatreng hangninanii mpoumah sagongbam ki bam tang karamle sii Saraanii mpou dakii riishii hangninii tiipyii takle katu tei mpounii tiwo takle.

TIILAMLWI KAPYIIMEI THA JUKAMATI 28:23

Sateichii ahnyiinii mpou dakii tingneikii leimik karet kalu kito, ahnyiimei moi mpounii kazyiibam kitei gong takle. Mpounii ahnyii dakii Moses mah ajaitingshang kiteito sateichii Lungkakalingmei mah larek kiteito Saraa mah sating sazyii mah kaang kiteito sakchyii tiisii, sateichii Jisu mah kaang kiteito ahnyiigo malum tang karam jangpii hemsii tingchoito tingkhii katang tam ralipyiile.

TIILAMLWI KAPYIIMEI THA JUKAMATI 3:21

Saraanii kamatei Lungkakalingmei mah mwi kito ndouto reipii tam kabam takumpiinii mpougo sating gamkii mbam tang karamle, mahlyii hang tiikaranu tinglang tei gong kasuta.

HEBRUMEI 11:18

ah mah kaang kito aitiisii tamle, “Isak paikito gotaa gonahmei hang go zei lat tangle.”

HEBRUMEI 11:2

Kadapokii ndou kareimei hangnii ahnyiimah kamalum tei- piinii Saraamah kamazhii sakchyii tei douwole.

HEBRUMEI 12:25

Tamkalei ah gotei gonyiinii mazhii kasu tiisii sakai wolo. Kadapokii sazyii pouryiito ahnyiigo tiilosii tam kakhat katu ah gotei ahnyiinii mazhii kasu kito ring sutakleponii, sating gamto tiilosii tam kakhatpyiisii kalei ah dateito nyiinii nlek wosekchii, nlailoisii kadaziikapii kisii ringlak takpo!

HEBRUMEI 2:2

Nyiipei nyiipaomei dakii sating gamluinii pyii katu samtam tei kasangle katu mangou takle, sateichii teigo tei swikasu mak-kii katam swikasumei teinii mpounii doukamajyii kadwi karat tei doutakle.

HEBRUMEI 2:3

Teitii leponii tei kakum kadi keikapyii karing gotei nyiinii alung liit suleponii, kada takumpii nyiinii nlek wotangpo? Bangpii sekpiinii karei reisang kito keikapyii karing ai saa mpat takle, sateichii mpounii katam swikasumei hang teinii maning kariirhii gasii ai ai kasangle katupii nyii dakii ma- ngoutakle,

HEBRUMEI 3:5

Ki kaleimei hangninii tiisii Mosesnii Saraa kilungto malum kabui tha tei tiile, sateichii gong tang karam tinglang kanaki Saraanii tam tang karam mah hang mah kaang kito mpounii tamle.

HEBRUMEI 4:8

Kadapokii Saraanii pyii tanglesii riishii tiikabam ka-ntak tei Joshu- wanii ahnyiigo pyii aitakleponii, Saraanii ataito leimik kaki mah kaang kito tamlak takle.

HEBRUMEI 5:5

Teitakumpii Kristaniido kanat kajum Tingdimei hangninii tiitang karam jangpii mpou roinapii mpougo poisagoi makle, nlenii mpou dakii, “Nang gunah sapfii mpoule, tingnei leimik Inii n-go manaapyii takle” sii katam mpouniile.

HEBRUMEI 9:19

Kadapokii ajaitingshang hangmah kakhatsam hangtei Mosesnii meihang dakii saa ka-mpat tinglang kak mpounii twomnah ninado amyiinah hangmah zai tei dwi, langkong kaghang, ninado hyssop tei kaswisii poisii larekbung ninado meihang gamkii kajuikai pyiisanii tamle,