TIILAMLWI KAPYIIMEI THA JUKAMATI 8:7 - KARANU KABI SAMTAM

⁷ Kadapokii kashyii rangii hangteinii rok sagoisii saasii tatpat totakle; sateichii pum pei taisii kaleimei mak-kii pi katwimei hang go tii mbipyii takle;

TIILAMLWI KAPYIIMEI THA JUKAMATI 8:7 Iomraidhean Croise

METIU 10:1

Sateichii mpounii mpou boumei keariisiinakhii gotei mpouda lat magongsii, “Matei kasu rangii go baatoi matutang karam sateichii ra kashyii hang go tii mbipyii matutang karam jangpii mpounii ahnyii dakii teimaham pyiitakle.”

METIU 11:5

Mik kachet meinii ngou takle, pi katwimeinii tatlei takle, mpara tchii- sii kaleimei hangnii matei wotakle, khoi kapangmeinii shii wotakle, kataigo tiimaring wotakle, sateichii mah kagamei dakii kabi rasam ai tam ralipyii takle.

METIU 4:24

Sateichii mpoumah zei katat tei Sairiya bamlyii hangki kahitu takle; sateichii ahnyiinii mpouda rakani- mei hang, ra katham kathampii goisii ninado tchiisii kalei, sara kashyiinii jum kalu, tai taipi katu, pumpei katai meihang go pang gong takle, sateichii mpounii ahnyiigo tii mbipyii takle.

MARK 9:26

Teito rangii teinii saasii nah napou gotei tiimachii tiimanhii pyiisii pat-to takle. Nah napou tei kataimei takum takle, sateichii meimoinii tamle, “Mpounii taitakle.”

LUKNII KARYII KABI RASAM JUKAMATI 10:17

Sateichii mei reksana teinii ntasii nlaigong tamle, “Bangpii, gozei kito sara kashyii hang teinado nyiikang nkangle!”

JONNII KARYII KABI RASAM JUKAMATI 14:12

Kasang kasangpii Inii gonyii dakii tam leile, N-gu kamalum mei hang teinii, Inii katiihang tei tiitangle. Nle, ahnii teisung dikaki tha tei tiitangle, dapodinchii Inii Pfiida tat tutakle.

TIILAMLWI KAPYIIMEI THA JUKAMATI 5:16

Sateichii Jerosalem mah sazyii lungkoi kiteito kalei namdi namdi kito mei hangniido katii kanhiimeigo sateichii sara kashyiinii kaswi kalei meihang go pang gongsii ndwi wotakle ninado ahnyiihang gotei tii mbipyii takle.

TIILAMLWI KAPYIIMEI THA JUKAMATI 8:6

Sateichii meihangnii Filip mah samtam tei shiiwo sek-kii, sateichii mpounii tiikalu tiikamangou hang tei ngou wosek-kii, mpounii tam kalei gotei ahnyiinii lungswi hangninii tiisii lukai wole.

HEBRUMEI 2:4

Saraaniido tiikamangou siiti teipii, kamadat kamadatpii, sateichii kataam kataam sung kaga tha hang teipii, sateichii mpoumah kamaning taiswisii jaipyii kabam rangii kamateimah luha hang teipii sakchyii pyiile.