TIILAMLWI KAPYIIMEI THA JUKAMATI 8:4 - KARANU KABI SAMTAM

⁴ Sateichii tat marou maruktu kaleimei hang teinii kabi rasam tei tamsii tamsii bamlyiihang ki tat tutakle.

TIILAMLWI KAPYIIMEI THA JUKAMATI 8:4 Iomraidhean Croise

METIU 10:23

Ahnyiinii gonyiigo namdi aikito kaset kalak kapyii tinglang kak; kaki hangniniiki pak galo; kadapokii Inii gonyii dakii kasangpii tam leile, meinah sapfii mpou teinii gong kasunakii gonyiinii Isrel mah nam hang kitei gong mashangpei wolakle.

LUKNII KARYII KABI RASAM JUKAMATI 1:2

Karei kito mik sekpiinii kangoumei sateichii teisam tamsii kalei meinii nyii dakii tam kapyii tei ahnyiinii ryiisii leile.

TIILAMLWI KAPYIIMEI THA JUKAMATI 11:19

Aitoinii Stifan go gikalei jangpiinii pak marou maruk kaleimei teinii Phonisiya ninado Kaipras, ninado Antiyok sazyii ki katang liitsii, Jehudimei dakii roinii samtei tam tutakle.

TIILAMLWI KAPYIIMEI THA JUKAMATI 15:35

Nlenii Pol nei Barnabasnii mei kakimeigo kaswisii Antiyok kito Bangpii mah kabi rasam ralipyiisii ninado tam ralipyiisii bam takle.

TIILAMLWI KAPYIIMEI THA JUKAMATI 8:1

Sateichii mpougo kagi tei Solnii ahnyiigo kaswisii mazhiitakle.

TIILAMLWI KAPYIIMEI THA JUKAMATI 8:12

Nlenii Filipnii Saraa mah sating sazyii ninado Jisu Krista mah zei kito kabi rasam tam ralikapyii tei ahnyiinii malum wosek-kii, sapwi- meido sapfiimeido ahnyii hang dwi mpum wotakle.

1 THESOLONIKAMEI 2:2

Nyiinii Thesolonika ki gong kasunii Philipi kito kada takumpii nyiigo tiikamage pyiipo ninado tii-nrou pyiipo katu gonyiinii tile. Nlenii teikito nyiigo mazhii kasu kadaziikii leikado, mpou dato kagong kabi rasam tei gonyii dakii tam mpat matu tang karam jangpii, nyii Saraa teinii lungkadi tei nyiigo pyii takle.