TIILAMLWI KAPYIIMEI THA JUKAMATI 6:7 - KARANU KABI SAMTAM

⁷ Sateichii Saraa mah sam tei dipat tutakle ninado Jerosalemto boumei tei hangkapii moibuibuitu takle sateichii kanat kanhii kajum Atingmei hangteinii kamalum kito sam swile.

TIILAMLWI KAPYIIMEI THA JUKAMATI 6:7 Iomraidhean Croise

METIU 19:30

Nlenii karei mei hangkanii natu tangle, sateichii kanamei teinii reitu tangle.

LUKNII KARYII KABI RASAM JUKAMATI 2:34

Simion nii ahnyiigo satoi pyiile sateichii mpou pwi Meri dakii tamle, “Julo, ai nah ai, Isrel kito kalei mei hangkii jangpii tiikakou sateichii tiikamatu jangpii Saraanii kalaibam takle, sateichii mpou ai Bangpii dato kagong siiti tiikamangou hangninii meihangkanii tam kamashyii tei tangle.

JONNII KARYII KABI RASAM JUKAMATI 12:42

Teitiikido Jehudimei ki teima- ham kajum mei hangkanii mpougo malum wotakle, nlenii Jehudimei mah ndwini teito paktoi kasu tiisii, Farasismeigo kahing jangpii ahnyiinii teimah kaang kito madupii rashii makle.

TIILAMLWI KAPYIIMEI THA JUKAMATI 12:24

Nlenii Saraa mah samtam tei dikhiitu takle, ninado moibuibuitu takle.

TIILAMLWI KAPYIIMEI THA JUKAMATI 13:8

Nlenii Eluma, kamadat mahai katiipii teinii (Grik lat kito mpou zei tei teile) mpoupiinago dangnaiwosii, dwipii maguisii kalei sazyii mah apum katiipii teinii malum tang karam kiteito karektoi tang karam pwidi fiitu takle.

TIILAMLWI KAPYIIMEI THA JUKAMATI 14:22

Bamlyii hang ki teito boumei lung tiisangting pyiisii kamalum kiteito taksupiinii bam matutang karam jangpii katwisii kamage kalak hangkago kaswisii nyiinii Saraa mah sating sazyiiki liit tang karamlesii tam ralipyiile.

TIILAMLWI KAPYIIMEI THA JUKAMATI 19:20

Aitiisii Bangpiimah kabi rasam tei katei teimaham lam- pangto tei buibuisii dipat takle.

TIILAMLWI KAPYIIMEI THA JUKAMATI 2:47

Ahnyiinii Saraago tam matoisii meihang doitodo tiikaha tei doule sateichii keikapyii dou kalumeihang gotei bangpiinii sating kata ahnyii dakii kai mpam pyiile.

TIILAMLWI KAPYIIMEI THA JUKAMATI 21:20

Sateichii ahnyiinii tei tei shii wosek-kii, Saraago tam matoile. Sateichii ahnyiinii mpou dakii tamle, “Kangsanapii Pol, nangnii ngoule, Jehudimei kak kito malum kalumei thang kadazii leipo? Sateichii ahnyii- hangnii ajai tingshang gotei kada- ziikapii lungliitpo?

TIILAMLWI KAPYIIMEI THA JUKAMATI 6:1

Sateichii ai tinglang aihang ki aito boumei tei moibuibuitu sek-kii, Grik lat katii Jehudimei nei Jehudimei sazyii nah ai hangna kak aito n-gee tei pat takle. Kadapokii Grik lat katii Jehudimei teinii ahnyiiki kamipwimei go tingnei tingneikii jaikapyii kito kaletle katupii,

ROMMEI 1:5

Mpou paito nyiinii mpou zei jangpii lui hang kak kito kamalum mah katam switang karam kalungset tei doutakle sateichii tiilamlwi kapyiimei mah bam tei doutakle,

ROMMEI 16:26

Tingkum tinglang katangkii ka- makum sam tei kabaisii kai kabam tei aitoinii matimangou pyii takle, sateichii Saraamah lungkakalingmei mah ryiikabam paikito kalui kaga Saraamah kakhatsam taiswisii luihang dakii kamalum mah katam switang karam jangpii mati mangoupyii takle.

GALATIMEI 1:23

“Nlenii tinglang kareiki nyiigo kaset kalak pyiisii kalei mpou teinii tinglang kareiki tiimaga aitanglesii tiisii kalei kamalum tei aitoinii mpou sekpiinii tam ralipyiisii lei takle” katu katam tei roinii ahnyiinii shiile.

GALATIMEI 6:10

Tei- jangpii nyiinii tinglang kabi kadouta tei, meihang dakii ninado routiisii kamalum kito ki kalungmei hang- ninii tiisii kaleimei dakii nyiinii kabi tei tiide.

KOLOSIMEI 1:6

Saraamah jumage kapyiimah kaang kito gonyiinii karei reisang ki shiiwosii teigotei tigong kalu sekpii gonyii kak kito pat kalei takumpii, kabi rasam teinii satoi tei taksupii punghumsii sazyii pouryii bamlyii kikii jai nhasii bamle.

2 THESOLONIKAMEI 1:8

tei tinglang kak Saraago mazhii kasumei ninado nyii Bangpii Jisumah kabi rasamgo swikasu meigo Saraanii powrui tangle.

2 TIMOTHI 2:9

Inii kabi rasam katam karali jangpii mei tiikanhii tiikaleimeigo takumpii reng kapei katang kamage kalak tei Inii leh takle; nlenii Saraamah samtam teinii peinei aimakle.

HEBRUMEI 11:8

Kamalum jangpii Abrahamnii, mpougo lat katu tinglang kak, mahtou toutang karam mei hangninii takumpii, mpounii doutang karam sazyiiki katang tei tatpat tang karam jangpii katam tei swiwo takle; sateichii mpounii kadaki tat tangpo katu tisupiinii tatpat takle.

HEBRUMEI 5:9

sateichii mpounii sajek gasii bimatui wokalu taiswisii, mpounii katam kaswimei hang jangpii kalui kaga keikapyii karing- mah kapat bam tei mpounii tiiwo takle,

JUD DATO KAGONG CHITI JUKAMATI 1:20

Nlenii lungkasyiimei, gonyiinii kamatei kamalum kiteikii gonyii roinapii gonyiigo makot makhiijousii leilo, rangii kamateimah teimaham haisii riitalo.

JUD DATO KAGONG CHITI JUKAMATI 1:3

Lungkasyiimei, kamalum mei- hangnii dousii kalei Kristenmei mah kamalum, keikapyii karingmah kaang kito gonyii dakii Inii chiti ryiinesii tiidasii leile. Nlenii Saraanii mpoumah meihang dakii pyii kabam gakalak kamalum jangpii saryii tiimatu tang karam jangpii gonyiigo lung tiimadi tang karam jangpii ryiisu kashyii ai aitoisekkii Inii kadou takle.