TIILAMLWI KAPYIIMEI THA JUKAMATI 6:1 - KARANU KABI SAMTAM

¹ Sateichii ai tinglang aihang ki aito boumei tei moibuibuitu sek-kii, Grik lat katii Jehudimei nei Jehudimei sazyii nah ai hangna kak aito n-gee tei pat takle. Kadapokii Grik lat katii Jehudimei teinii ahnyiiki kamipwimei go tingnei tingneikii jaikapyii kito kaletle katupii,

TIILAMLWI KAPYIIMEI THA JUKAMATI 6:1 Iomraidhean Croise

METIU 23:13

“Nlenii Kabijai katii, ajaiting- shang kati ojamei ninado Farasismei gonyii, kadaziikapii kamage tangpo! Dapodinchii sating gam sazyii mah kikam tei mei liit kalak tiisii gonyiinii takam takle; kadapokii gonyii roinapii gonyiido liit-to makle, sateichii liit lesii tiikalei ahnyii goteido maliit sutakle.

TIILAMLWI KAPYIIMEI THA JUKAMATI 11:20

Nlenii Kaipras ninado Sairen kito kalei mei kangkanii Antiyok ki gong wosii Grikmei dakiido Bangpii Jisu mah kabi rasam tei tam ralipyiitu takle.

TIILAMLWI KAPYIIMEI THA JUKAMATI 11:26

Sateichii mpounii ahgo kadou wosek-kii, Antiyok ki pang gongtakle, sateichii ahnyiinii tingkum hangninii katang tei Kristanii latkalumei hang go kaswisii hangninii tiisii ndwisii, meihang go tam ralipyiile, sateichii Antiyok kito Boumeigo karei reisang tiisii Kristen sii latle.

TIILAMLWI KAPYIIMEI THA JUKAMATI 11:29

Sateichii Judiya kito kalei kangsanameigo meihangpii mpou mpounii kangam taiswisii tiiha kamaga matutang karam jangpii boumei teinii raangsii maning wotakle.

TIILAMLWI KAPYIIMEI THA JUKAMATI 2:41

Teijangpiinii mpou sam lukai kalu ahnyii hang gotei dwi mpum pyiitakle sateichii teipiinei leimik tei mei tangtumkii ahnyiida gong mpam wole.

TIILAMLWI KAPYIIMEI THA JUKAMATI 2:45

sateichii ahnyiinii ahnyiimah kabam hangtei joitoi aisii kagamei dakii jaipyii aitakle.

TIILAMLWI KAPYIIMEI THA JUKAMATI 2:47

Ahnyiinii Saraago tam matoisii meihang doitodo tiikaha tei doule sateichii keikapyii dou kalumeihang gotei bangpiinii sating kata ahnyii dakii kai mpam pyiile.

TIILAMLWI KAPYIIMEI THA JUKAMATI 4:35

Tiilamlwi kapyiimei dakii pyiitakle, sateichii mpou mpounii poikamajyii taiswisii meihang dakii jaipyii takle.

TIILAMLWI KAPYIIMEI THA JUKAMATI 4:4

Nlenii kabi rasam tei shiikalu meihang teinii malum wotakle sateichii mei tei moibuibuisii mei thang mangiikii kakum pat takle.

TIILAMLWI KAPYIIMEI THA JUKAMATI 5:14

Nlenii Bangpiigo kamalummei sapwimei sapfiimei hangkii kisii kisii meitei moibuibuitu takle;

TIILAMLWI KAPYIIMEI THA JUKAMATI 5:28

“Zei aikito ralipyii sulosii nyiinii gonyiigo tiigatpii kakhatpyii takle, sateichii julo, gonyiinii rali kapyii aipiinii Jerosalem bam hangki tokryiisek takle, ninado mei aipou mah zai ai nyii phyiiryiikii gonyiinii majou kainyiile.”

TIILAMLWI KAPYIIMEI THA JUKAMATI 6:2

teito Tiilamlwi kapyiimei keariisiinakhii teinii kamalum meihang gotei lat ndwi wosii tamle, “Sana jumtang karam jangpii nyiinii Saraa sam tam ralikapyii ai matou ai tang karam ai matou makle.

TIILAMLWI KAPYIIMEI THA JUKAMATI 6:7

Sateichii Saraa mah sam tei dipat tutakle ninado Jerosalemto boumei tei hangkapii moibuibuitu takle sateichii kanat kanhii kajum Atingmei hangteinii kamalum kito sam swile.

TIILAMLWI KAPYIIMEI THA JUKAMATI 9:29

Sateichii mpounii Grik lat katii Jehudimei go tampyiile ninado sam kajyiile, nlenii ahnyiinii mpougo gitang karam jangpii tiitu takle.

TIILAMLWI KAPYIIMEI THA JUKAMATI 9:39

Teito Pitarnii tusat tosii ahnyiigo kaswisii tat tutakle. Sateichii mpounii teiki tei gongliit takle sek-kii, ahnyiinii mpougo ki shang kasagoipii kitei pangtu takle. Sateichii kamipwimei hangteinii hatsii hatsii, Dorkasnii ahnyiigo kaswisii lungkalei kak peijou ninado kaki kaki peimani sarui kapyii hangtei mangousii mpou dato sat takle.

TIILAMLWI KAPYIIMEI THA JUKAMATI 9:41

Teito Pitarnii mpoupei go bahpii chyii matu masatpyii takle sateichii kamalum meigo ninado kamipwimei hang go lat tosii mpoupeigo ringsii dou malu takle.

ROMMEI 12:7

anga kanga mah leponii, nyiinii ngatang karamle; meigo karali mah leponii, nyiinii rali tang karamle;

1 KORENMEI 10:10

Sa- teichii kangkanii manam marang katu sateichii ahnyiigo katai mah rangii teinii tiimaga kalei takumpii, nyiinii manam marangh lak tang karamle.

2 KORENMEI 11:22

Ahnyii Hebrumei manii? I-dole. Ahnyii Isrelmei manii? I-dole. Ahnyii Abraham taa nahmei manii? I-dole.

PILIPIMEI 3:5

Inii leimik siisat kashang piinei tiigyii kamalem, Benjamin mah sadung kito kama Isrelmei, Hebrumei hang kak kito, Hebrumei hangninii tiisii kamanaa ajaiting- shang taiswisii kabijai katiimei,

1 TIMOTHI 5:3

Kamipwimei tiisii kaleimei hang go sadzyii ngariit tiilo.

1 TIMOTHI 5:9

Tingkum reksiirok tangkasu kamipwimei kata hangninii kagodo kamipwimei mah safiiki teikii fiikaihai matu sulo. Teiphyiiryiito mpoupeinii kalak tiibinii roitang karamle.

HEBRUMEI 13:1

Sung kating taikarhii mah kalungsyii katu tei taksupii leimatulo.

JEMS 1:27

Nyii Pfii Saraa doito kamatei ninado kahong kaga kanat teinii: pwi pfii kagamei sateichii kamipwimeigo ahnyiimah kamage kalak kito jukaha sateichii mpougo sazyii pouryiimah kashyii kahong kito rum matu kasu aile.

JEMS 4:5

Mak-kii “Saraanii nyii lung kikii kai kabam rangii ai hangkapiinii mahungsii doukanyiipii tokryiile sii kabi rasam kito tam kalei ai kasang maklesii gonyiinii maning leipo?”

JEMS 5:9

Kangsanamei, gonyiigo samtak tiikasu tiisii, gonyii hangninanii hangninii phyiiryiikii tam mashyii sulo, julo, samtak katiipii teinii kikam kuto satsii leile.