TIILAMLWI KAPYIIMEI THA JUKAMATI 4:34 - KARANU KABI SAMTAM

³⁴ Kadapokii ahnyii kak kito tang kalak mei kado gale, kadaponii sazyii mak-kii ki mei- hangnii teitei joitoisii, joikalu amah teimah tei poigongsii,

TIILAMLWI KAPYIIMEI THA JUKAMATI 4:34 Iomraidhean Croise

METIU 19:21

Jisunii Mpou dakii tamle, “Nangnii bimatui bimasangnyii lepo- nii, tat tulo gomah kabam hangtei maa joisii mah kagameigo pyii ailo, teitiileponii nangnii sating gamto kani kahii tei doutangle; sateichii gonglo, gutai swi wolo.”

MARK 10:21

Teito Jisunii mpougo lungsyiisii jule ninado tamle, “Nangnii kaangkii tiitang makle rei; tat tulo, gomah kabam hangtei joilo, sateichii kamage meigo pyii ailo, teito nangnii sating gamto mah nitangle, sateichii patlo, gutai swi wolo.”

LUKNII KARYII KABI RASAM JUKAMATI 12:33

Gonyii mah kalei hangtei joitoisii sana tei kagameigo pyiitoi ailo, ham kalak sana takou tei gonyii jangpii tiiwolo; katunii kara- gameinii gongpeiwo kalak, karak niido tiimaga peiwo kalak, Sating gamkii gonyii mah kani kahii tei poi ndwi wolo.

LUKNII KARYII KABI RASAM JUKAMATI 16:9

Inii gonyii dakii tam leile: gonyiinii sazyii pouryii mah seh sana gotei kang tiilo, gonyiinii taisekchii ahnyiinii gonyiigo kalui gasii lung- tang karam bamniki pang gongsei matu tang karam jangpii.

LUKNII KARYII KABI RASAM JUKAMATI 22:35

Sateichii mpounii ahnyii dakii tamle, “Inii gonyiigo takou, pichot, sana takou pungtat sulosii lang ka- mpat kak, gonyiinii mah kado taang kalak tii tiimakpo?” Ahnyiinii tamle, “Samah kado taang kalak tiimakle.”

TIILAMLWI KAPYIIMEI THA JUKAMATI 2:45

sateichii ahnyiinii ahnyiimah kabam hangtei joitoi aisii kagamei dakii jaipyii aitakle.

TIILAMLWI KAPYIIMEI THA JUKAMATI 4:37

Joseph mah alu hangninii bamle, mpounii teitei joitoisii, sana tei poigongsanii tiiilamlwi kapyiimei dakii pyiitakle.

2 KORENMEI 8:14

nlenii gonyiinii aitoitoi moisii kabam tai- swisii, gasii kamagesii kalei ahnyii gotei gonyiinii tiiha tang karamle. Teitii leponii, gonyiinii gasii kama- gesii kalei kak sateichii ahnyiinii moisii kalei kak, ahnyiinii gonyiigo tiiha tangle. Aitiisii hangna gotei masamsii tiitang karam jangpiile.

1 THESOLONIKAMEI 4:12

majungsii lungtang karam tiilung, mpou mpou mah tha tiitang karam, sateichii gonyii bahpii tha tiitang karam jangpii, nyiinii gonyiigo reipiinii tam kabam takumpii gonyiinii tiilo.

1 TIMOTHI 6:19

ahnyiinii kasang karing tiilung tei doutang karam jangpii, gong tang karam tinglang jangpii kabi bangmaa takumpii ahnyii pumsek jangpii poi ndwi matulo.

JEMS 1:27

Nyii Pfii Saraa doito kamatei ninado kahong kaga kanat teinii: pwi pfii kagamei sateichii kamipwimeigo ahnyiimah kamage kalak kito jukaha sateichii mpougo sazyii pouryiimah kashyii kahong kito rum matu kasu aile.