TIILAMLWI KAPYIIMEI THA JUKAMATI 3:6 - KARANU KABI SAMTAM

⁶ Nlenii Pitarnii tamle, “Gumah seh sana ninado kani kahii gale, nlenii gumah kabam hangtei Inii godakii pyii leile Nazaret ki Jisu krista zei kito gungtusii tat tulo.”

TIILAMLWI KAPYIIMEI THA JUKAMATI 3:6 Iomraidhean Croise

METIU 10:9

Sona kado, sanah raguiba kado, sanah-gyii kado gonyii mah haikak kikii pung sulo;

METIU 7:22

Teipiinei leimik mei hangkanii gudakii tam tangle, Bangpii, Bangpii, nyiinii gozei kito Saraa sam saa mpat makde, go zei kito sara kashyii go baatoi makde, sateichii go zei kito mei tiikalak sung kaga tha hangkii tiimakde?

MARK 14:8

Mpoupeinii tiikabuita tei tiitakle; poigoi tang karam jangpii mpoupeinii gu gamkii reipii thao manukpyii takle.

MARK 16:17

Sateichii tiikamangou siiti aihang aipiinii kamalum meihang go kaswi tangle katunii: Gu zei kito ahnyiinii sara kashyii hang go baatoi tangle lat ka- taam kataam tam tangle;

JONNII KARYII KABI RASAM JUKAMATI 19:19

Sateichii Pailatnii azei hangninii ryii wosanii krosh gamkii kaipyii takle, ryii kabam teinii: “Nazaret ki Jisu, Jehudimei mah sagong,” katu aile.

TIILAMLWI KAPYIIMEI THA JUKAMATI 10:38

teiteinii Nazaret ki Jisu rasam teile, kada takumpii mpougo Saraanii rangii kamatei ninado teimahampii thao manuk kaipyiisii mpounii tatsii tatsii tha kabi tei tiiwopo sateichii sara kashyiinii kaswi kaleimei go tii mbipyiipo katu teile; kadapokii Saraanii mpougo kaswipyiisii leile.

TIILAMLWI KAPYIIMEI THA JUKAMATI 16:18

Sateichii mpoupeinii tinglang kathangkii ai ai aitii takle. Nlenii Polnii samou supiinii nryiigong sii rangii dateikii tamle, mpoupei dato tatpat totang karam jangpii Inii Jisu Krista zei kito godakii mwija pyii leile. Tei tinglang sek-kii, rangii teinii patto takle,

TIILAMLWI KAPYIIMEI THA JUKAMATI 2:22

“He Isrelmeinah, sam hang ai shiipyiilo–Nazaretki Jisu, Saraanii gonyii kak kito mpou tha kadi ninado kamadat tha hang sateichii tiika- mangou hang kamangou, teipiinii mpou ai Saraanii mazhii kapyiimeile katu tei gonyii pum sekpiiniido tile.

TIILAMLWI KAPYIIMEI THA JUKAMATI 2:36

“Teijangpii gonyiinii krosh gamkii dhangsii gitoi kalei Jisu aigo Saraanii Abangpiido Kristado tiipyii takle katu Isrelmeinah hangnii tiigatpii timatulo.”

TIILAMLWI KAPYIIMEI THA JUKAMATI 3:16

Sateichii mpougo kamalum kito gonyiinii ngou kalei ninado tikalei sapfii mpou aigo mpou zei teipiinii tiisangtingpyii takle; nle mpou paikito kamalum tei piinii gonyiihang doito mpougo tii-mbi kapyii ai pyiitakle.

TIILAMLWI KAPYIIMEI THA JUKAMATI 3:5

teito mpoupiina dato mah kanii doutang karam jangpii maningsii, mpounii mpoupiina dakii lungliitsii jule.

TIILAMLWI KAPYIIMEI THA JUKAMATI 3:7

Teito mpounii ahgo bah ajii- lamto jum wosii chyiimatu masatpyii takle sateichii binasek-kii mpou pi ninado mpou kakok tei tiisangting- pyii takle.

TIILAMLWI KAPYIIMEI THA JUKAMATI 4:10

gonyiihangnii ninado Isrelmeinah hangnii ai ai timatulo, katunii gonyiinii Krosh gamkii dhangsii gitoi kalei, Saraanii kataimei kak kito tiimaring kapyii Nazaret ki Jisu zei kito, katunii mpou paikito mei aipou ainii biwosii gonyii doito sat leile.

TIILAMLWI KAPYIIMEI THA JUKAMATI 4:7

Sateichii ahnyiinii mpou- piinago asumkii masatsanii n-nhiile, “Kadapei teimahampii mak-kii kadapei zei kito gonyiinii ai tiileipo?”

TIILAMLWI KAPYIIMEI THA JUKAMATI 9:34

Teito Pi- tarnii mpou dakii tamle, “Ananiyas, Jisu Kristanii n-go tii mbipyii takle, gungtu sat tosii go-zyii tiiwolo.” Tei- sek-kii mpounii gungtu sat totakle.

1 KORENMEI 4:11

Aitoi katangdo nyiinii moimazyii sii, saryiisii, peikot peimani kaisii, datsii ki gasii luki luki tatsii bamle,

2 KORENMEI 6:10

Nyiigo swi tiika- mage kado, tinglang kaleita nyiinii ntale; nyiinii mah kagamei takumle, nlenii mei hangkiigo nyiinii mah tiimani pyiile; nyiinii mah kado kaga takumle, nlenii kasangpii nyiinii mahlyii hangtei bamle.

2 KORENMEI 8:12

Nangnii ntasii pyii leponii, nangnii kagatai tei swisupiinii, nangnii pyii kabam kangam taiswisii nangnii kapyii tei Saraanii lukaipyii tangle.

2 KORENMEI 8:9

Kadapokii nyii Bangpii Jisu Kristamah jumage kapyii tei gonyiinii tile, katunii mpounii mah nisii leikado mpoumah mah kaga teipii gonyiinii mahni kabui tiisii, gonyii jangpii mpounii mah kagamei tiipyii takle.

JEMS 2:5

Gulungkasyii kangsanamei, shiilo, kamalum kito mah nimatu tang karam jangpii, sateichii Saraago lungkasyiimei hang dakii pyii- tanglesii riishii tiikabam sating gam sazyiimah matou katoumei tiimatu tang karam jangpii, sazyii pouryiito mah kagameigo mpounii kalaipyii makpo?

1 PITAR 4:10

Mei nsang nsangnii Saraa dato luha doukalu taiswisii, gonyii hangninanii hangniniigo Saraamah kataam kataam luhamah kabi mahbam kajumei takumpii jum tang karamle.