TIILAMLWI KAPYIIMEI THA JUKAMATI 3:14 - KARANU KABI SAMTAM

¹⁴ Mpounii mateile ninado bile, nlenii gonyiinii Mpougo mazhiisu wole; ninado gonyiinii gonyii jangpii meigo kagi kabamei hangniniigo mpat pyiilosii gonyiinii Pailat dato khangle.

TIILAMLWI KAPYIIMEI THA JUKAMATI 3:14 Iomraidhean Croise

METIU 27:20

Tingdimei ninado katingmei hangteinii Barabas go mpatseilosii khang wosii, Jisugo tiimaga maleilo katupii meihang gotei katwisii tam takle.

MARK 1:24

“Nang nyiigo dapei tiinyiipo, Nazaret ki Jisu? Nang nyiigo tiima- shyiilesii aiki gong leipo? Nang tapo katu I tile, Nang Saraa mah kamatei sam katam meile.”

MARK 15:11

Nlenii tei tei supiinii Barabas go mpounii ahnyii jangpii mpatpyii matu tang karam jangpii, Ating- meihang teinii mei machii gotei kathwitu takle.

MARK 15:7

Sateichii Barabas katu mei hangninii siiset saryii tiikakaimeigo kaswisii bang bamle, teisam kapat kiteito tei mei teinii meigo gitakle.

LUKNII KARYII KABI RASAM JUKAMATI 1:35

Teito Sating gamlui teinii mpoupei dakii tamle, “Rangii kama- tei teinii go phyiiryii humpyii tangle, Sateichii sagoi kaki mah teimaham teipii n-go akhii lakpyii tangle; teijang teipii lungtang karam nah tei Saraa nah, kamatei sii lat tangle.

LUKNII KARYII KABI RASAM JUKAMATI 23:25

Sateichii n-gi nrong tii ka-mpat jangpii sateichii meigo kagi jangpiinii Kabang kikii bang kabam, ahnyiinii kakhang mei tei mpounii mpatpyii aitakle; nlenii ahnyiinii kamaning tei tiipyii tang karam jangpii Jisugo mpounii ahnyii dakii pyii aitakle.

JONNII KARYII KABI RASAM JUKAMATI 16:10

kasang kamajyii mah kaang kito, dapodinchii Inii Pfiida tat tutang takle sateichii gonyiinii n-gu ngoukai lak takle;

JONNII KARYII KABI RASAM JUKAMATI 18:40

Ahnyiinii nlailoisii saasii tamle, “Mei aipougo makle, nlenii Barabas gole!” Barabas tei karagameile.

TIILAMLWI KAPYIIMEI THA JUKAMATI 13:28

Sateichii ahnyiinii gitang karam kaang mpou dato doumak kido mpougo gitoi aitang karam jang- pii ahnyiinii Pailat dato khangtakle.

TIILAMLWI KAPYIIMEI THA JUKAMATI 2:27

Kadapokii nangnii gu rangii go kataibam kikii toipyii lakle, mak-kii gomah kamateimeigo kashyii kahong tei ngoumatu lakle.

TIILAMLWI KAPYIIMEI THA JUKAMATI 22:14

Teito mpounii tamle, Nyiipei nyii- paomei mah Saraa teinii n-go mpoumah kamaning tikabui, kasang kamajyiipii gotei ngoumatu tang karam sateichii mpou mwi kito mpou roktei shii matutang karam jangpii kalai mpatpyii takle;

TIILAMLWI KAPYIIMEI THA JUKAMATI 4:27

Kadapokii nangnii thao manuk kapyii goki kaleipii kamatei Jisu kaswisii Herotniido, Pontios Pai- latniido,

TIILAMLWI KAPYIIMEI THA JUKAMATI 5:28

“Zei aikito ralipyii sulosii nyiinii gonyiigo tiigatpii kakhatpyii takle, sateichii julo, gonyiinii rali kapyii aipiinii Jerosalem bam hangki tokryiisek takle, ninado mei aipou mah zai ai nyii phyiiryiikii gonyiinii majou kainyiile.”

TIILAMLWI KAPYIIMEI THA JUKAMATI 7:52

Gonyiipfii gonyiipou meinii tiikamage kasu Lungkakalingmei hangninii kado leigapo? Mpou mah kasang kama- jyiipii gongtanglesii gong kasunato reipii mati kapyii Saraamah sampao kapungmei hang gotei ahnyiinii gitoi aitakle sateichii aitoinii gonyiinii mpougo schoi choikaipyiisii mpougo gitoi aitakle.

2 KORENMEI 5:21

Krista teinii kem tiisang tiimakle, nlenii nyiinii mpougo kaswisii hangninii tiisii nja kalu kito, Saraamah kasang kamajyii tei nyiinii jaihai matu tang karam jangpii Saraanii mpougo nyii jangpii nyiimah kemtei dou njoi matu takle.

JEMS 5:6

Kasang kamajyiimeigo gonyiinii tam ma- shyiile sateichii gido gi aitakle, sateichii mpounii gonyiigo mazhii kasu tiimakle.

1 PITAR 3:18

Kadapokii Saraa dakii pang gong pyii tang karam jangpii, kakui kama meihang jangpii kasang kamajyii katunii, Kristaniido kem jangpii binii taipyii takle hang jangpii; mpougo pumpot lamto tai malei takle, nlenii rangii lamto ringkhii matu takle;

1 JON 2:1

Gunahmei, gonyiinii kem tiikasu tiisii Inii ai ai gonyii dakii ryii leile; nlenii mei kata hangninanii kem tiileponii, Pfii doito nyii jangpii satsii sam tampyii tang karam, kasang kamajyii Jisu Krista leile.

MATIMANGOU KAPYII 3:7

“Philadelphiya kito kalei charsh- mah rangii dakii ryiilo, kamatei, kasang, Devit mah chabyii jumsii kalei, laat aisekchii mei kaniido takam kalak, sateichii takam aisekchii mei kaniido laat kalak ah teinii sam hang ai tam leile.