TIILAMLWI KAPYIIMEI THA JUKAMATI 27:1 - KARANU KABI SAMTAM

¹ Sateichii nyiinii Itali ki maatang karam jangpii sat kalutai, ahnyiinii Pol go ninado kaki kaki kabang kikii bang kabam meigo sagong mah saryiimei mei hai pyiiryiito apum katiipii Juliya sii kalat mei hangninii dakii pyiitoi aitakle.

TIILAMLWI KAPYIIMEI THA JUKAMATI 27:1 Iomraidhean Croise

METIU 27:54

Sateichii saryiimei mei hai phyiiryii kasatpii nei mpougo kaswisii Jisugo koikalei mei teinii malyii kachyii ninado pat kalei hangtei ngou wosek-kii, hangkapii hingsii tamle, “Kasangpii mpou ai Saraa nah sapfii mpoule!”

LUKNII KARYII KABI RASAM JUKAMATI 23:47

Sateichii Saryiimei mei hai phyiiryiito phyii kasatpii teinii pat kalei tei ngouwo sek-kii, Saraago tam matoisii tamle, “Madou supii sapfii mpou ai kama kagameile.”

LUKNII KARYII KABI RASAM JUKAMATI 7:2

Sateichii saryiimei mei hai mah Aphyiikasatpiinii hangkapii lungkasyii mpouki kaleimei hang- ninii bamle, mpou tei arani mahung- sii taina nasii bamle.

TIILAMLWI KAPYIIMEI THA JUKAMATI 10:1

Sateichii Kaisariya ki Itali- yamei mah saryiimei sii kalat saryiimei mei hai phyiiryiito kadi tiikaleipii, zei Kornilius sii kalat sapfiimei hangninii leile.

TIILAMLWI KAPYIIMEI THA JUKAMATI 10:22

Sateichii ahnyiinii tamle, “Saryiimei mei hai phyiiryiito apum tiikaleipii Kornilius, kasang ninado Saraago kahing sateichii Jehudimei lui hangnii tam ka-mbipii dakii, mpou kikii n-go pang gong matutang karam jangpii ninado godato sampao tei shii tang karam jangpii kamatei sating gamluinii tampyii ralipyii takle.”

TIILAMLWI KAPYIIMEI THA JUKAMATI 16:10

Madhang kapyii tei ngouwo sek-kii Saraanii ahnyii dakii kabi rasam tam ralipyii matutang karam jangpii nyiigo latpyii takle katu tei tigong wosanii, teisek-kii nyiinii Mesidoniya ki maa tang karam jangpii tiikada wotakle.

TIILAMLWI KAPYIIMEI THA JUKAMATI 18:2

Sateichii mpounii Jehudimei hangninii Akuila sii kalat, Pontas ki mei hangninii kadou wotakle. Klo- diusnii Jehudimei hang kalei kaga Rom kito tat matutang karam jangpii kakhat kapyii jangpiinii mpou nou Prescilla go kaswisii mpounii Itali kito kagong tei thang makle; teito Polnii ahnyiida gong takle.

TIILAMLWI KAPYIIMEI THA JUKAMATI 19:21

Sateichii tha aihang ai sang kaleitai Polnii Misidoniya ninado Akaiya tat majupat tosii Jerosalem ki katang maatang karam jangpii rangiinii maning wosii tamle, “Inii teiki tei gongwosii Romdo jutang karam takle.”

TIILAMLWI KAPYIIMEI THA JUKAMATI 21:32

Teito mpounii saryiimei ninado saryiimei hai phyiiryiito apum katii katii- meihang go pangsii ahnyiida katang tei pak hum takle; teito ahnyiinii kasagoi kadipii ninado saryiimei gotei ngou wosek-kii, Polgo dat kalei tei toutakle.

TIILAMLWI KAPYIIMEI THA JUKAMATI 22:26

Teito mei hai phyiiryiito apum katiipii teinii teitei shii wosek-kii, mpounii saryiimei mei thang mah apum katii kadipiida maasii tam takle, “Nang dapei tiilesii bam takpo? Kadaponii mei aipou ai Rom meile.”

TIILAMLWI KAPYIIMEI THA JUKAMATI 23:11

Sateichii adoipiinei tinghum tei Bangpiinii kuto satsii mpou dakii tamle, “Lung dilo, kadapokii nangnii Jerosalem kito, gumah kaang kito sakchyii kapyii takumpiinii Rom kitodo nangnii tei takumpii sakchyii pyiitang karam takle.”

TIILAMLWI KAPYIIMEI THA JUKAMATI 23:17

Teito Polnii saryiimei mei hai mah apum katiimei hangniniigo lat tosii tamle, “Ai nah sapfii mpou aigo pum katii kadipii dakii pangmaa pyiilo, mpounii mpou dakii sam tam mangou tang karam leile.”

TIILAMLWI KAPYIIMEI THA JUKAMATI 24:23

Mpounii mwija pyiisanii koikalei kadipii dakii Pol gotei koi mbilosii tam takle. Nlenii mpougo mpou rangra katii sateichii mpou kangmeinii mpougo nga ngakajyii kito nam matu sulosii tam takle.

TIILAMLWI KAPYIIMEI THA JUKAMATI 25:12

Sateichii Festasnii samtak katii katingmeigo sam karashii wosii khekalatle, “Nangnii Kaisar dato riita takle, nang Kaisarda tat tang karam takle.”

TIILAMLWI KAPYIIMEI THA JUKAMATI 25:25

Nlenii mpounii tai kamajyii tha samah kado tiimakle katu tei Inii doutakle sateichii mpou pum sekpiinii sagong dato samtak katii kakhang taiswisii mpougo Inii lang mpat tang taklesii sat totakle.

TIILAMLWI KAPYIIMEI THA JUKAMATI 27:11

Nlenii saryii- mei mei hai phyiiryiito apum katiipii teinii Polnii katam sam gotei sungnii malyii kalipii nei malyii garyii mah apumpii mah sam goteipou kisii malum takle.

TIILAMLWI KAPYIIMEI THA JUKAMATI 27:43

Nlenii Polgo keipyii nyiisii saryiimei mei hai phyiiryiito aphyii kasatpii teinii ahnyiimah rashii kalu samtei nam aitakle; sateichii dwi lak pat kabuimei teinii malyii kito sokpatrei wosii, sazyii kathang ki kaapat malulo katupii tam kakhat- pyii takle.

TIILAMLWI KAPYIIMEI THA JUKAMATI 27:6

Teiki teito saryiimei hai phyiiryiito apum katiipii teinii Itali ki katang hoitang karam Alekjendriya mei mah malyii hangninii dou wosii, nyiigo malyii teigam tei tong malu wotakle.

TIILAMLWI KAPYIIMEI THA JUKAMATI 28:1

Teitiisii dwijai kutei nyiinii kaapat tosek-kii, dwipii maguisii kalei teiki sazyii kathang zei tei Melita sii lat leile katu nyiinii titakle.

TIILAMLWI KAPYIIMEI THA JUKAMATI 28:16

Sateichii nyiinii Rom kitei liit sek-kii, Polgo kakoi saryiimei gotei kaswisii mpou roinapii mbam tang karam jangpii mazhiipyii takle.

HEBRUMEI 13:24

Gonyiinii doimajang katatmei hang go sateichii kamateimei hang go nyii mah salam tei pyiiseilo.