TIILAMLWI KAPYIIMEI THA JUKAMATI 26:18 - KARANU KABI SAMTAM

¹⁸ ahnyiinii kamyii kito kava ki sateichii sara kashyii mah teimaham kito Saraa Bangpiida nlaigongsii kem kalei kapyii sateichii n-gu kamalum paikito Saraanii kalai kalumei kak kito bam doumatu tang karam jangpii, Inii n-go ahnyii mik rak matutang karam jangpii ahnyii dakii langkai leile.’

TIILAMLWI KAPYIIMEI THA JUKAMATI 26:18 Iomraidhean Croise

METIU 4:10

Teito Jisunii mpou dakii tamle, “Tat tulo, Seitan; daponii aitiisii ryiibamle, ‘Nangnii Bangpii go Saraa gotei mata tang karamle, sateichii nangnii mpougo roinii nga-ngatangle!’ ”

METIU 4:16

Kamyii kito lungkaleimei teinii kava kadi tei ngoutangle. Katai mah kamyii sazyii kito lungsii kalei ahnyii phyiiryiito vaipyii tangle katu sam ai kasangpii gong matwi matutang karam jangpiile.

LUKNII KARYII KABI RASAM JUKAMATI 1:77

Mpoumeigo ahnyii mah kem kama tei kaleipyiisanii Keipyii tanglesii tam mangou matu tang karam jangpii.

LUKNII KARYII KABI RASAM JUKAMATI 1:79

Sateichii katai mah kamyii khii kito lung kalei meihang go Sating gamto vapyii tangle, nyii pikang ai kamajung pwidi kikii chyiitat pyiitang karam jangpii.”

LUKNII KARYII KABI RASAM JUKAMATI 2:32

Nangnii lui kakimei hang dakii gomah kamaning kamarei tei mangoutang karam jangpii, kava hangninii sateichii Gomei Isrelmei lui mah pumtei kava tei tiipyiile.”

LUKNII KARYII KABI RASAM JUKAMATI 24:45

Teito ahnyiinii kabi rasam tiwo kabwi jangpii mpounii ahnyii swi tei laatpyii takle.

LUKNII KARYII KABI RASAM JUKAMATI 24:47

Sateichii Jerosalem sekto haosii Lui kaki hang dakii mpou zei kito lung kakali ninado kem kama maga kapyii tei tamroi tang karamle;

LUKNII KARYII KABI RASAM JUKAMATI 4:18

“Bangpiimah rangii tei Guphyiiryii leile, Dapochiinii mpounii kagamei dakii kabi rasam tam matu tang karam jangpii n-gu thao manukpyii takle. Maringpouchyiimei hang go mpou rangra tiimatu katu sateichii mik kachet meigo nlailoisii mik ngou matu tang karam sam ai saa mpatpyii matu tang Karam jangpii, sateichii kamage kamarhii meigo laat mpatpyii tang karam jangpii,

JONNII KARYII KABI RASAM JUKAMATI 17:17

Kasang teipii ahnyiigo tiimatei pyiilo, go samnii kasangle.

JONNII KARYII KABI RASAM JUKAMATI 3:19

Sateichii samtak katii tei aile, katunii Kava tei sazyii pouryii gongtakle, nlenii meinahnii kava goteisung kamyii gotei kisii maraile, dapokii ahnyiimah tha hangtei shyiile.

JONNII KARYII KABI RASAM JUKAMATI 4:10

Jisunii mpoupeigo khekalatle, “Saraanii pyiikalei ninado n-gu saktang karam dwi seilosii godakii katam tei tapo katu nangnii tileponii, nangnii mpou dato khang tang karamle.”

JONNII KARYII KABI RASAM JUKAMATI 4:14

Nlenii Inii pyiitang karam dwitei sak kalumei hangteinii saryii- sang saryiiloi lakle; Inii pyiitang karam dwitei mpou lung kito kalui tiisupiinii ringtang karam jangpii pok kapat dwipok hangninii tiitangle.”

JONNII KARYII KABI RASAM JUKAMATI 8:12

Jisunii nlailoisii ahnyii dakii tamle, “Inii sazyii pouryii mah kavale; Gutai swikaleimei teinii kamyii kito tat lakle, nlenii karing mah kava tei doutangle.”

JONNII KARYII KABI RASAM JUKAMATI 9:39

Jisunii tamle, “Mik ngou kasumei teinii ngou matutang karam jangpii, sateichii mik kangoumei teinii mik chet matutang karam jangpii, Inii samtak tiitang karam jangpii sazyii pouryii gongle.”

JONNII KARYII KABI RASAM JUKAMATI 9:5

Inii sazyii pouryiito kaleita, Inii sazyii pouryii mah kavale.”

TIILAMLWI KAPYIIMEI THA JUKAMATI 10:43

Lungkakalingmei hangnii mpou kaang kito sakchyii tiile, katunii mpougo kamalum meihangnii mpou zei kito kem maga kapyii tei doutangle.

TIILAMLWI KAPYIIMEI THA JUKAMATI 13:47

Kada- pokii Bangpiinii nyiidakii aitiisii kakhatpyiile, ‘Inii gonyiigo luikakimei jangpiinii kava hangninii tiipyii takle, sazyii pouryiimei hangnii keikapyii tei doumatu tang karam jangpii.’

TIILAMLWI KAPYIIMEI THA JUKAMATI 15:9

Sateichii kamalum mah paikito ahnyii lung tiimatei pyiisanii, mpounii nyii nei ahnyii ai samah kado tam kaki ai mbam makle.

TIILAMLWI KAPYIIMEI THA JUKAMATI 2:38

Pitarnii ahnyii dakii tamle, “Gonyii mah kem kaleipyii matutang karam jangpii gonyiinii lung kali wolo sateichii Jisu Krista zei kito gonyii hangnii dwi mpum wolo ninado gonyiinii rangii kamatei mah luha tei doutangle.

TIILAMLWI KAPYIIMEI THA JUKAMATI 20:21

mah kata bitang karam sam gonyii dakii tam ka-mpat kito sateichii mei machii doikii, aki-ki lungkado gonyii- go tam ralikapyii kito kada takumpii Inii nkhiimang makpo katu gonyiinii tile.

TIILAMLWI KAPYIIMEI THA JUKAMATI 20:32

“Sateichii aitoinii Inii gonyiigo Saraa dakii ninado mpou mah jumage kapyii mah samtam kikii pyiitoi leile; samtam aipiinii gonyiigo tiikamakhii ninado tiimatei kaleimei ahnyii hang kak kito dou kamajyii tei gonyii dakii pyii wobuile.

TIILAMLWI KAPYIIMEI THA JUKAMATI 26:19

“Teijangpiinii, he sagong Agripa, sating gamto mangou kapyii tei Inii swimakle makle,

TIILAMLWI KAPYIIMEI THA JUKAMATI 26:23

Kristanii kada takumpii kamage kalak leh tangpo, sateichii mpounii kada takumpii katai kito ringkhii karei tiisii, mpou lui dakiido, lui kakimei dakiido kalei kapyii kava rasam ai tam ralipyii tang karamlesii lungkakalingmei hangniido, Moses- niido pat tang karam tam kabam sam teisupiinii samah kado Inii tam makle.”

TIILAMLWI KAPYIIMEI THA JUKAMATI 3:19

Teijang- piinii gonyii mah kem hangtei tiimagapyii matu tang karam jangpii gonyiinii lung kali wosii nlaigonglo; teitei leponii Bangpii dato kamajung mah tinglang tei gongtangle.

TIILAMLWI KAPYIIMEI THA JUKAMATI 5:31

Isrel- meinah go lung kakali ninado kem tiimaga pyiitang karam jangpii, kaleikapyiipii ninado doimajang kapyiipii tiisii mpoubah ajiilam sek teipiinii poimakhii pyii takle.

ROMMEI 8:17

Sateichii Saraa nahmeile ponii mahtou katoumeido takle, mpougo kaswisii nyiinii pumtei kava tei dou njoitang karam jangpii Kristago kaswisii nyii kamage kalak pung njoi leponii, Saraa mahtou katoumei sateichii mpougo njoisii mahtou katoumei takle.

1 KORENMEI 1:2

katunii kamateimei tiisii lat kalu, Krista Jisu dato tiimatei kalei ahnyii dakii sateichii nyii Bangpii, ahnyii mahdo nyii mahdo tiisii kalei Jisu Krista zeigo bamlyii hang kito matasii kaleimei hang dakii mati leile:

1 KORENMEI 1:30

Nlenii Saraanii gonyiigo Krista Jisu dakii poi njapyii takle, sateichii Saraanii nyiijangpii Krista aigo nyiimah swirek kabi tiipyii takle, mpou paikito nyiihang go Saraa doito tiimadi pyiitakle; nyiinii Saraa mah kamateimei tiitakle sateichii matapii laat mpatpyii takle.

2 KORENMEI 4:4

Ahnyiinii malum makle, dapokii sazyii pouryii mah sara kashyii teinii ahnyii lungswi tei kamyii kikii kai aitakle. Saraamah njoi karei takum sek katu Kristamah pumtei kavamah kaang kabi rasam kito kagong, ahnyii phyiiryiito vakalei kava tei mpounii ahnyiigo mangou sutakle.

2 KORENMEI 4:6

Tii mpat kareiki Saraanii kakhatle, “Kamyii kito kava tei vamatulo.” Aimah njoi Saraa ainii mpoumah kava tei nyii lung kitodo vamatule. Kava ainii Krista ju kito vakalei Saraamah pumtei kava tei nyiigo timatule.

2 KORENMEI 6:14

Malum kasumeigo masam katu takumpiinii kaswisii tha tiisulo, kadapokii teitei tiipeiwo lakle. Kasang kamajyii nei kakui kama tei kada takumpiinii kaswisii tha tiiwo tangpo? Kava nei kamyii tei kada takumpiinii kaswisii lungwo tangpo?

GALATIMEI 2:20

Teipiinii ringkalei ai I-makle, nlenii gulungto ringkalei ai Kristale. Inii aitoi ringsii kalei tiilung ai, n-gu lungsyiipyiisii gujangpii mpoumah karing kapyii, Saraa nah sapfii mpougo kamalum kito Inii ring leile.

GALATIMEI 3:14

Teipiinii Krista Jisu paito Abraham dakii Saraanii satoi pyiitanglesii riishii tiikabam tei Jehudimei kasu luikakimei hang dakii gong matu tang karam jangpii, sateichii nyiinii kamalum paito ra- ngiimah rashii tiikabam tei doutang karam jangpiile.

GALATIMEI 3:2

Gonyii dato Inii airoinii tinhyiile, katunii ajaitingshang tei gonyiinii ryiikalu swikalu jangpii rangii tei doumanii mak-kii, gonyiinii shiiwosii malum kalu kito rangii tei gonyiinii doupo?

IPISAMEI 1:11

Saraanii tiikanyii kamaning kamarei taiswisii mahlyii hang ai tiibam takle; sateichii saroi roisang kito mpounii kamaning gotei jubam- sii, mpoumah tiikanyii kamaning kamarei roinii jangpii, Kristago nyiinii njasii kalei kito, mpoumah mei tiimatu tang karam jangpii, Saraanii nyiigo kalai wotakle.

IPISAMEI 1:14

Saraanii mpoumeigo pyiitanglesii riishii tiikabam, nyiinii doutang karam soikalak tei rangii teile. Sateichii mpoumah tiisii kalei hang go matwi mashangsii arangra katii pyiitangle katumah lung kalum tei Saraanii nyiigo pyiile. Mpoumah pumtei kava gotei tam matoileje!

IPISAMEI 1:18

Mpoumah kava tei ngoukabui tiisii gonyiimah lungswi hangtei laatpyii matusii, mpounii gonyiigo lat kalu tei kadapei maning kamalum jangpiipo katu sateichii mpoumah meigo pyii tanglesii riishii tiikabam kamadat satoi hangtei kadaziikapii dipo katu tikabui jangpii,

IPISAMEI 1:7

Kadapokii Kristanii karatsii taikapyii teipii nyiihang go matapii laat mpatpyii takle, katunii, nyii kem kama hangtei magapyii takle. Saraamah jumage kapyii tei kadaziikapii dipo,

IPISAMEI 2:8

Kadapokii kamalum paikito Saraamah jumage kapyii teipii gonyiigo keipyii takle. Teiteinii gonyiinii mahungsii tha katiihang kito doukalu mah makle, nlenii Saraanii kapyii luhale, teijangpii tei kaang kito meikaniido detdi wolakle.

IPISAMEI 4:18

ahnyii teinii ahnyiimah swi kati kiteito tii m-myii aitakle. Ahnyii lung katei jangpii, ahnyiimah lungswi tei myiigongsii ahnyii Saraamah rangii dato sapum- nah mitutakle.

IPISAMEI 5:11

Sateichii riiti mati kasu kamyii- mah tha hang kiteito njai poihai sulo, nlenii teitungpii kama tei laat mpat matulo.

IPISAMEI 5:14

Teijangpii aitiisii tamle, “Gungkhii wolo; O, ziitsii kalei nang, sateichii katai kiteito ringkhii wolo, sateichii Kristanii go phyiiryiito vapyii tangle.”

IPISAMEI 5:8

Kadapokii tinglang kareiki gonyiinii kamyii kito leile; nlenii aitoinii Bangpii zei kito gonyiinii kava kito leitakle, teijangpiinii kavamah nahmei takumpii tatlo.

IPISAMEI 6:12

Kadapokii nyiigo ngoukarou saryiimei teinii pumzai phyiiryiikii makle, nlenii apum katiimei hang phyiiryiikii, teimaham kajum mei hang phyiiryiikii, kamyii ai sazyii pouryiimah apum katiimei phyiiryiikii, sating gam mah bam hang kito kashyii rangii tiisii kalei hang phyiiryiikii, saryii tiitang karam jangpiile.

2 TIMOTHI 2:26

Sateichii ahnyiinii ahnyiimah swi kitei swiling gongsii ahnyiigo jumsii mpoumah kamaning kamarei teitei swi matusii kalei seitan mah mphee kiteito ahnyiinii nlek aido malahle.

HEBRUMEI 10:10

Meihang jangpii binii Jisu Kristamah pumrong pyii katoi teimah kamaning kamazhii pai- kito nyiihang go tiimateipyii takle.

HEBRUMEI 10:14

Kadapokii mpounii binii pyiikatoi teipii tiimatei kaleimei hang go kalui kaga jangpiinii sajek kaga tei tiipyii takle.

HEBRUMEI 11:6

Sateichii ka- malum haisupiinanii mpougo dzyii- kabi tei tiipeiwo lakle; kadapokii Saraada manang kagongmei hang- teinii mpou ringleile ninado mpougo kafiimei hang dakii mpounii alangh pyii leile katu ai malum tang karamle.

HEBRUMEI 9:15

Teijangpii Saraanii lat kalumeihang teinii riishii tiikabam kalui kaga satoi hangtei doumatu tang karam jangpiinii sat tang karam karanu samtam kak kiteito kamajung tha tiisii kalei ai Kristale, sazyii pouryiimei hangnii sat tang karam karei samtam kangto tiikabam kama kito matapii laat mpat kapyii taikapyii hangninii kalei taiswisii ai ai tiiwo buile.

JEMS 2:5

Gulungkasyii kangsanamei, shiilo, kamalum kito mah nimatu tang karam jangpii, sateichii Saraago lungkasyiimei hang dakii pyii- tanglesii riishii tiikabam sating gam sazyiimah matou katoumei tiimatu tang karam jangpii, sazyii pouryiito mah kagameigo mpounii kalaipyii makpo?

1 PITAR 1:4

Teipiinii Saraanii mpoumah mei jangpii kaidek kabam raguiga kalak maikateeng gotei doutang karam jangpii nyiinii doilamkii ra- jangsii leile; gonyii jangpii gakalak, tiimahongwo kalak, ninado ragui- gawo kalak tei sating gamto mpounii kaidek bamsii leile.

1 PITAR 2:25

Kada- pokii gonyiinii Jaonah takumpii maga aisii tat tutakle, nlenii aitoinii Jaokakoipii ninado gonyii rangiigo jukapyiipii Kristada gonyiinii nlai gong takle.

1 PITAR 2:9

Nlenii gonyiigo kamyii kito mpounii sung kaga kava kikii lat mpat kapyii mpoumah kamadat tha hangtei saa mpat matutang karam jangpii, kalai kalumei lui, sagong- mah atingmei, kamatei lui Saraamah mei tei gonyiile.

1 JON 1:9

Nyiinii nyiimah kem tei tam mpat leponii, nyiimah kem hang kaleipyii tang karam ninado nyiimah tiikama hang kito nyiigo tiimateipyii tang karam jangpii, mpounii malum kabui ninado kasangle.

1 JON 2:12

Gunahmei, Inii gonyii dakii ryii leile, dapodinchii gonyiimah kem hangtei mpou-ju jusii magapyii takle.

1 JON 3:8

Kem katii ahteinii seitan datole, dapokii seitannii saroisekto kem tiile. Seitanmah tha tei tiimaga tang karam jangpii, Saraanah sapfii mpou gotei magongle.

1 JON 5:19

Nyiinii Saraamahle, sateichii sazyii pouryii hangnii sara kashyii kang nkangsii leile katu nyiinii tile.

JUD DATO KAGONG CHITI JUKAMATI 1:1

Jisu Krista kikalei ninado Jems sanapii Judnii, Pfii Saraamah lungkasyii ninado Jisu Kristamah koikapyii jukapyii kito lungsii kalei, Saraanii lat kalumei dakii:

MATIMANGOU KAPYII 21:27

Nlenii Jaonah mah karingmah larekbung kikii zei ryiikai kabam mei tei supiinii, matei kasu, ka-nrou tha katiimei, mak-kii kachuimei hang- teinii teiki lungtei liitsang liitlakle.