TIILAMLWI KAPYIIMEI THA JUKAMATI 24:5 - KARANU KABI SAMTAM

⁵ Kadapochiinii sapfii mpou ainii tiikamashyii tha katii sazyii pouryii hang kito kalei Jehudimei hang kak kikii n-gi nrung tiikakai sateichii Nazaret bemei mah apum katiimeile katu tei nyiinii doutakle.

TIILAMLWI KAPYIIMEI THA JUKAMATI 24:5 Iomraidhean Croise

METIU 10:25

Taikaswimei hangninanii mpougo Madhiikapyiipii sateichii ki kaleimei hangninanii mpou mah ki pumpii takum takle leponii lung mangtang karamle. Ki pumgpii gotei Belzabul sii lat takleponii, mpouki kalung teito kaleimei hang goteinii teisung kisii zei kashyii kashyii tei lat tangle!

METIU 2:23

Sateichii Lungkakalingmeinii tam kabam: “Mpougo Nazaretmei sii lat tanglesii” katam tei gong matwi matutang karam jangpii Nazaretsii kalat namdi kitei mpounii gong lungtu takle.

MARK 1:24

“Nang nyiigo dapei tiinyiipo, Nazaret ki Jisu? Nang nyiigo tiima- shyiilesii aiki gong leipo? Nang tapo katu I tile, Nang Saraa mah kamatei sam katam meile.”

LUKNII KARYII KABI RASAM JUKAMATI 23:19

Mpounii Namdi kito n-gi nrong tii ka-mpat jangpii sateichii meigo kagi jangpiinii kabang kikii bang bamle.

LUKNII KARYII KABI RASAM JUKAMATI 23:2

Sateichii ahnyiinii mpougo kama luikaipyii sii tamle, “Ai sapfii mpou ai nyii luigo tiikarampou, Kaisor sagong dakii aha-kapyiigo kanam sateichii mpou roinapiinii Krista sagong lesii katam nyiinii kadoutakle.”

LUKNII KARYII KABI RASAM JUKAMATI 23:25

Sateichii n-gi nrong tii ka-mpat jangpii sateichii meigo kagi jangpiinii Kabang kikii bang kabam, ahnyiinii kakhang mei tei mpounii mpatpyii aitakle; nlenii ahnyiinii kamaning tei tiipyii tang karam jangpii Jisugo mpounii ahnyii dakii pyii aitakle.

LUKNII KARYII KABI RASAM JUKAMATI 23:5

Nlenii ahnyiinii kisii sangtingsii tamle, “Mpounii Judiya sazyii hang kikii, Galili kito aiki bam katangpii, meigo n-gi nrung tiikaile.”

TIILAMLWI KAPYIIMEI THA JUKAMATI 15:5

“Nlenii ahnyii tiigyii malem tang karamle sateichii Moses mah ajaitingshang tei jumtang karam jangpii ahnyii dakii kakhatpyii tang karamle” sii kabijai katiimei tai kaswimei kamalum mei kangkanii gungtu satsii tam takle.

TIILAMLWI KAPYIIMEI THA JUKAMATI 21:28

saa mpatle, “He Isrel ki sapfiimei, tiihalo! Bamlyii hang kito nyii meigo ajaitingshang go sateichii bam aigo tam mashyiisii meihang go rali- kapyiipii tei aile sateichii aidoito kisii mpounii Grikmeihang go Saraa kamaningki lung pangliitsii kamatei bam aigo tiimahong aitakle.”

TIILAMLWI KAPYIIMEI THA JUKAMATI 22:22

Sateichii ahnyiinii mpou sam ai aikatang shiitakle; teito ahnyiinii rok sagoisii tamle, “Ai kakum meigo sazyii pouryiito girang ailo!” kadaponii mpou ring kajyii makle.

TIILAMLWI KAPYIIMEI THA JUKAMATI 24:14

Nlenii ai ai Inii godakii tam mpat leile, katunii ajaitingshang taiswisii kabam ninado lungkaka- lingmei mah larek bung kikii ryii kabam hangtei malumsii, ahnyiinii matou maklesii katam pwidi taiswisii Inii nyiipei nyiipaomei mah Saraa gotei mata leile.

TIILAMLWI KAPYIIMEI THA JUKAMATI 24:4

Nlenii Inii gomah tinglang kathangkii tiikadak kasu tiisii, golung kasyii teipiinii nyii sam kadwi ai shiisei matu tang karam jangpiinii khang leile.

TIILAMLWI KAPYIIMEI THA JUKAMATI 25:7

Sateichii mpounii pat sek-kii, Jerosalem kito kahum Jehudimei hangteinii mpou kuto sat maguisii, malum kabui kasang teinii pyiipei laksii, jumtang karam sam kahung kahung tam kamashyii sam hangkii poi mpat takle.

TIILAMLWI KAPYIIMEI THA JUKAMATI 26:5

Ahnyiinii sakchyii pyii seinyii lepochiinii, nyii- mah kanat kito kisii tuksii swikalei bemei taitei swisii Inii Farasismei hangninii tiisii lungtule katu ndouto n-gu tile.

TIILAMLWI KAPYIIMEI THA JUKAMATI 28:22

Nlenii goswi golung kadapeipo katu nyiinii godato shii kajyiitakle katu maningle; kadaponii bee aimei phyiiryiikii bamlyii hang kito karashii kalei ai nyiinii tile.”

TIILAMLWI KAPYIIMEI THA JUKAMATI 5:17

Nlenii kanat kanhii kajum Tingdimei ninado mpougo kaswi kalei meihang katunii, sadhu bemei hangteinii, nrungsii kamaimhiipii tokryii takle.

TIILAMLWI KAPYIIMEI THA JUKAMATI 6:13

Sateichii “Mei aipounii kamatei bam ninado kakhatkapyii jaitingshang phyii- ryiikii taksupii tam kamashyii sam tamle.

1 KORENMEI 11:19

Kadapokii kasang kito kalei mei gotei juti tang karam jangpii gonyii kak kito pakchet chet katu aido leitang karam sekle.

1 KORENMEI 4:13

nyiigo tam kamashyii kak, nyiinii samlat kabipii khekalat pyiile, aitoinii nyii ai sazyii pouryii mah pot mah kahong takumpii, mahlyiihang doito matei kasumei takum takle.

1 PITAR 2:19

Kadapokii Saraamah kamaning kamarei taitei gonyiinii switang lesii sat tosii gonyiinii doumajyii kasu kadwi karatmah kamage tei gonyii- nii lung manoisii leh woleponii, Saraanii gonyiigo satoi pyii tangle.