TIILAMLWI KAPYIIMEI THA JUKAMATI 23:12 - KARANU KABI SAMTAM

¹² Sateichii tingva liit sek-kii, Jehudimeinii makumpii karashii wosii ahnyiinii Polgo girang kasuta mah chiilakle, sakdo saklakle sii ahnyii roinapii riishii tiiwo takle.

TIILAMLWI KAPYIIMEI THA JUKAMATI 23:12 Iomraidhean Croise

METIU 26:4

Sateichii Jisugo makumpii jumsii mpougo gitoi tang karam jangpii kaswisii rashii njoi wotakle.

METIU 26:74

Teitinglangki mei gotei ‘Inii timakle’ sii mpouroinapii mpougo sheengsii ninado riishii jumtu takle, sateichii teitinglang sek-kii ruigang tei kong takle.

METIU 27:25

Sateichii meihang teinii kheka- latle, “Mpoumah zai tei nyii phyiiryii sateichii nyii nahmei phyiiryii takliit matulo.”

TIILAMLWI KAPYIIMEI THA JUKAMATI 23:13

Sateichii riishii tiikalu ai ahnyii mei rekdaisiikile.

TIILAMLWI KAPYIIMEI THA JUKAMATI 23:14

Ahnyiinii kanat kanhii kajum Tingditupii ninado samtak katii katingmeida gongsii tamle, “Nyiinii Polgo girang kasuta samah kado maseilakle katupii nyiiroipii makumpii katei riishii tiiwo takle.

TIILAMLWI KAPYIIMEI THA JUKAMATI 23:21

Teijangpii nang ahnyii samtei swisei sulo, kadapokii ahnyii kak kito sapfiimei rekdai sung kaki mei ndwi hangninanii mpougo girang kasuta mahdo chiilakle, sakdo sak lakle sii ahnyii roinapiinii makumpii riishii tiiwosii mpougo shoisii leitakle; sateichii aitoinii ahnyiinii da tiisang wotakle.”

TIILAMLWI KAPYIIMEI THA JUKAMATI 23:30

Sateichii sapfii mpou aipougo gitang karam jangpiinii makumpii tha tiikajyii leitangle katu ai gudakii tam mangou sek-kii, Inii mpougo tam kamashyiimei hang godo godoito gong mpou phyiiryiikii tam matulo katupii kakhat pyiisii mpougo godakii kapousii lang mpat leile.”

TIILAMLWI KAPYIIMEI THA JUKAMATI 25:3

Sateichii pwidi lamto mpougo makumpiinii gitoi tang karam jangpii mpougo Jerosalem kikii lat mpisei matu tang karam jangpii Festas dato ahnyiinii tiihalosii khangle.

TIILAMLWI KAPYIIMEI THA JUKAMATI 9:23

Teitai tinglang kathangkii sou- kaleitai, Jehudimei hangnii mpougo gitoi tang karam jangpii sam rashii wotakle.

TIILAMLWI KAPYIIMEI THA JUKAMATI 9:24

Nlenii ahnyii mah kamakum rashii tei Solnii tiwo takle; ahnyiinii mpougo gitang karam jangpii tinghum tingna namdi mah takam kamjao kuto mbeisii bamle.

1 KORENMEI 16:22

Bangpiigo lungsyii kasumei hang teinii sheeng kapyii tei doumatulo!

2 KORENMEI 11:26

Gumah mbui hangkii kito sadoi kashyii tei Inii kadoule, dwi kadi kito sadoi kashyii sateichii karagamei bah kito sadoi kashyii, n-gu njoi katu Jehudimei bah kito sadoi kashyii sateichii lui kakimei hang bah kito sadoi kashyii; namdi hang kito sadoi kashyii, sazyii kamarong kito sadoi kashyii, dwijai kito sadoi kashyii sateichii kasang kasu kangsanamei bah kito sadoi kashyii.

GALATIMEI 3:13

Nyiijangpii Kristanii kasang tei tiisii, ajaitingshang mah kasheeng kiteito kalei mpatpyii takle kada- pokii aitiisii ryiibamle, katunii, “Ating gamto njusii siikaksii taikalei meihang tei Saraamah kasheeng tei doutakle.”

1 THESOLONIKAMEI 2:16

Jehudimei kasu luikakimeigo keipyii tang karam sam katam tei ahnyiinii namle; teipiinii ahnyii mah kem kama mah ajhii kamashak kaleita tei tiitokryiile. Nlenii Saraa mah rakarhii tei aitoinii ahnyii phyiiryii gong takle!