TIILAMLWI KAPYIIMEI THA JUKAMATI 22:1 - KARANU KABI SAMTAM

¹ “Kangsanamei ninado Apfii- meihang, Inii aitoi gonyii dakii dangtang karam sam katam ai shii seilo.”

TIILAMLWI KAPYIIMEI THA JUKAMATI 22:1 Iomraidhean Croise

LUKNII KARYII KABI RASAM JUKAMATI 12:11

“Sateichii ahnyiinii gonyiigo Jehudimei mah Ndwiki, Sateichii sazyii kakoirakmei sateichii teima- ham kajum meihang doi pangkhiisii jai kaju kak, gonyiinii kadapei kada takumpiinii khela tangposii swi kamage sulo.

LUKNII KARYII KABI RASAM JUKAMATI 21:14

Teijangpiinii gonyiinii khetang karam ai reipii swi tiilak lesii gonyii lungto satlo.

TIILAMLWI KAPYIIMEI THA JUKAMATI 13:26

“Lungkasyii kangsanamei, Abra- ham ki mpungmah nahmeihang ninado gonyii kak kito Saraago kahingmei, nyii dakii kaleikapyii karing kabi samtei m-mangpyii takle.

TIILAMLWI KAPYIIMEI THA JUKAMATI 19:33

Sateichii kangkanii Alekjendargo meihang kak kito poi mpat takle, kadaponii Jehudimeinii mpougo adoikii tui mpat takle, teito Alekjendarnii mpoubahpii kahaisii meihang dakii sam tam mpat tang karam jangpii tiitakle.

TIILAMLWI KAPYIIMEI THA JUKAMATI 23:1

Teito Polnii samtak katii katingmeigo ju kalingsii tamle, “Kangsanamei! Inii tingnei katangpii Saraa doito lung mateisii lungpi leile.”

TIILAMLWI KAPYIIMEI THA JUKAMATI 23:6

Nlenii mei ndwi lamkanii sadhu- mei sateichii mei ndwi lamkanii Farasismeile katu tei Polnii tiwosek- kii, samtak katii katingmei doikii mpounii saa mpatle, Kangsanamei, Inii Farasismei nah sapfiimei hang- niniile, kataimei hangnii ringkhii tangle katu maning kamalum jangpii n-gu samtak tiileile.

TIILAMLWI KAPYIIMEI THA JUKAMATI 24:10

Sateichii Governornii mpougo sam tam matu tang karam jangpii tinglang tei laatpyii sek-kii, Polnii tamle, “Nangnii tingkum kathangkii lui aimah samtak katiipii tiipi takle katu tei Inii tisii, n-gu dangtang karam gusam ai Inii nta ntasii khe leile.

TIILAMLWI KAPYIIMEI THA JUKAMATI 25:16

Nlenii Inii ahnyiigo khekalatle, katunii, tam kamashyii doukalu mei teinii tam kamashyii gotei ju kadousii mpou phyiiryiikii tam mashyii kabam teisam kaang kito mpounii mpou go dang tang karam tinglang tei dou kasunakii, mei go pyii katoi ai Rom kito kalei mei mah ajaitingshang makle.

TIILAMLWI KAPYIIMEI THA JUKAMATI 25:8

Polnii mpougo dang tang karam sam katam tei aile: “Jehudimei mah ajaitingshang phyiiryii kado, Saraa kamaning ki phyiiryii kado, Kaisar phyiiryii kado, Inii samah kado tiima makle.”

TIILAMLWI KAPYIIMEI THA JUKAMATI 26:24

Sateichii mpounii dang tang karam jangpii sam tam leibangpii, Festasnii rok sagoisii tamle, “Pol, nang n-gok leitakle, gomah hangkii rali kalu teipii n-go tiirampou aitakle.”

TIILAMLWI KAPYIIMEI THA JUKAMATI 28:17

Sateichii leimik hangtumtai mpounii Jehudimei phyiiryiito doi- majang katatmei go lat ndwi wole; sateichii ahnyiinii gong ndwi wosek- kii, mpounii ahnyii dakii tamle, “He kangsanamei, Inii gumah lui mak-kii nyiipei nyiipaomah kanat kanhiigo mazhii kasu samah kado tiimak kido nyiigo Jerosalem kito kabang kikii kabangmei hangninii tiisii Rom mei bah kikii pyiitoi aitakle.

TIILAMLWI KAPYIIMEI THA JUKAMATI 7:2

Stifannii khekalatle, “Kang sana- mei ninado gu pfiimei hang, n-gu shii seilo! pumtei kava mah Saraa teinii nyii pfii Abrahamda gongsii mangou- pyiile, mpounii Haran sazyii ki maa lungtu kasunii, Mesopotamiya sazyii ki lung kaleidou,

ROMMEI 2:15

Kadapokii ahnyiinii ahnyii lung kikii ryiikai kabam ajaitingshang mah atha tei mangoule, sateichii ahnyiimah kasang mak-kii kama tei lungswi niido sakchyii pyiile, sateichii ahnyii swi tei hangni hangniniigo katheisii ahnyiigo kama lwikai pyiile, mak-kii ahnyii go dang pyiile.

1 KORENMEI 9:3

N-gu jai kajumei dakii gumah dang tang karam samtei aile:

2 KORENMEI 12:19

Nyiinii nyii roinapii nyiigo gonyii doito danglei lesii gonyiinii maningsii leipo? Teimakle! Saraa doito Kristanii nyiigo tam matu tang karam takumpii nyiinii tam leile. Sateichii lungkasyiimei hang, nyiinii tiikalei hangtei gonyiinii tiimakhiiha tang karam jangpii tiibam takle.

2 KORENMEI 7:11

Gonyiimah lungswi kamage katu tei gonyii jangpii Saraanii kamarei teile, sateichii julo, gonyii mah lungswi kamage katu teipii gonyii jangpii kadapei tiipyii takpo! Teiteipiinii gonyiigo tha tii- matu kanyii sateichii gonyii ai tiima makle katu tei maning kariirhii katu gasii tiimangou takle, pat kalei phyiiryii teikii gonyiinii rarhiile sateichii nlailoisii patloi tang karam gotei gonyiinii hingle. Teipii gonyiinii n-gu kamangwi, gonyiinii n-gu dangpyii kanyii, sateichii tiikama mei gotei dwisii rat kanyii tei teiteipii mpatpyii takle. Aihang mah tha ki aito pat kalei hangtei gonyiinii makle katu tei gonyiinii mangoupyii takle.

PILIPIMEI 1:17

nlenii kangkanii n-gu kabang kikii bang kabam tinglang kak, ahnyiinii n-gu kisii tiikamage tangle katupii, mpou mpou jangpiinii kamaning lungswi kito, lung matei supii Kristamah kabi rasam tei tam ralipyiile.

PILIPIMEI 1:7

Gonyiihang jangpii Inii aitiisii maning majyiile, kadapokii gonyiinii gulung kito leile, sateichii n-gu sagyiirengpii kapei tinglang kak, sateichii kabi rasam katam kito, saryii tiisii kadang kito, sateichii tiisangting katu, gonyii hangnii n-gu kaswisii jumage kati mah njai dou njoi katu meihangle.

2 TIMOTHI 4:16

Gumah karei dangtang karam sam katam tinglang kak mei kaniido gulam satpyii makle; nlenii mei hangnii n-gu toimareile, ahnyii phyiiryiikii Saraa nii ai ai fiisei sumatulo.

1 PITAR 3:15

Nlenii gonyii lung kito Krista ai Bangpiilesii sadzyii ngariit tiilo. Gonyii lung kito kalei maning kamalum mah kaang tei gonyii dato n-nhii katumei hang go kekhalatpyii tang karam jangpii tinglang kaleita tiikadasii leilo, nlenii lung kamanoi ninado sadzyii ngariit katii tei njasii tiilo.