TIILAMLWI KAPYIIMEI THA JUKAMATI 20:7 - KARANU KABI SAMTAM

⁷ Sateichii hapta kito karei piinei leimik tei nyiinii tiirok tiirak tang karam jangpii gong ndwi katu tinglang kak, Polnii supounei tatpat tanglesii maning kalu kito ahnyiigo tampyii ralipyii sanii mpounii sam katam tei tinghum asumkii pitakle.

TIILAMLWI KAPYIIMEI THA JUKAMATI 20:7 Iomraidhean Croise

MARK 16:9

Jisunii katai kito ringkhii kalu taihapta kito karei leimik piinei tingchoi nukii, mpounii sara kashyii sana baatoi kapyiipei Meri Mek- dolenda karei reisang kito mangoule.

LUKNII KARYII KABI RASAM JUKAMATI 22:19

Sateichii mpounii tiirok tei poisii hakalang pyiisii, tiirak takle sateichii ahnyii dakii pyii siinii tamle, “Ai ai gonyii jangpii pyii kabam gu-tchiile, gonyiinii n-gu maningsii leitang karam jangpii ai ai tiilo.”

LUKNII KARYII KABI RASAM JUKAMATI 24:35

Sateichii pwidito pat kalei ninado tiirok tiirak leibangpiinii mpoupiinanii mpougo kada takum- piinii tigong wopo katu tei mpoupiinanii tam takle.

JONNII KARYII KABI RASAM JUKAMATI 20:1

Hapta kito leimik karei piinei leimik tingchoi nukii myii- leipiinii Meri Mekdolennii roubam kitei gongkii roubam kiteito kuitu tei poitoi kalei tei ngoutakle.

JONNII KARYII KABI RASAM JUKAMATI 20:19

Hapta kito leimik karei, teipii- nei tingkhiilam pang tei, Jehudimeigo kahing jangpii boumeinii kalei ki takam hangtei takam aisii kabam kito, Jisunii gongsii ahnyii kak kito satsii ahnyii dakii tamle, “Kamajung tei gonyiigo kaswi matulo.”

JONNII KARYII KABI RASAM JUKAMATI 20:26

Leimik siisattai, mpou mah boumei hangtei nlailoisii kilungto leile, sateichii Thomasdo ahnyiigo kaswisii leile. Takam hangtei takam aitakle, nlenii Jisunii gongsii ahnyii kak kiteito sat tosii tamle, “Kama- jung tei gonyiigo kaswi matulo.”

TIILAMLWI KAPYIIMEI THA JUKAMATI 16:10

Madhang kapyii tei ngouwo sek-kii Saraanii ahnyii dakii kabi rasam tam ralipyii matutang karam jangpii nyiigo latpyii takle katu tei tigong wosanii, teisek-kii nyiinii Mesidoniya ki maa tang karam jangpii tiikada wotakle.

TIILAMLWI KAPYIIMEI THA JUKAMATI 2:42

Sateichii ahnyiinii tam ralikapyii kito, riita ndwi kiteito, tiirok tiirak katu kiteito sateichii kariita kiteito taksupiinii lungliitsii tiile.

TIILAMLWI KAPYIIMEI THA JUKAMATI 2:46

Sateichii sating kata Saraa kamaning kilungto lungswi hangninii tiisii taksupii nduisii, mpou mpou kito tiirok tiiraksii ahnyiinii ntasii ninado lung rangasii mah chii njoile.

TIILAMLWI KAPYIIMEI THA JUKAMATI 20:11

Sateichii mpounii tatkhii wosii, tiirok tei tiiraksii chiiwosanii ah- nyiigo kaswisii kathangkii leimik pat kasuta katang tei karashii sii, aitiisii tat n-nou takle.

TIILAMLWI KAPYIIMEI THA JUKAMATI 20:31

Teijang teipiinii tingkum hangtum katang tei Inii tinghum tingna mikdwi patsii meihang go ralikapyii matou makle katu tei gonyiinii maning wosii sakai wolo.

TIILAMLWI KAPYIIMEI THA JUKAMATI 20:5

Ah- nyiinii doi reisii Trosh kito nyiigo koile.

TIILAMLWI KAPYIIMEI THA JUKAMATI 20:9

Sateichii Iotaikas sii kalat rahang kaleimei hangninii kamlat kuto bamle, mpou ai hangkapii ziitnasii n-ngaktu takle, sateichii Polnii sam tam mathang jupii mpou zyiitu sanii hangtum kashang rasam kiteito takmang takle, ninado taisii poi matu takle.

TIILAMLWI KAPYIIMEI THA JUKAMATI 28:23

Sateichii ahnyiinii mpou dakii tingneikii leimik karet kalu kito, ahnyiimei moi mpounii kazyiibam kitei gong takle. Mpounii ahnyii dakii Moses mah ajaitingshang kiteito sateichii Lungkakalingmei mah larek kiteito Saraa mah sating sazyii mah kaang kiteito sakchyii tiisii, sateichii Jisu mah kaang kiteito ahnyiigo malum tang karam jangpii hemsii tingchoito tingkhii katang tam ralipyiile.

1 KORENMEI 10:16

Bangpiimah takbaiki nyiinii poi- kalei peek sateichii teijangpii nyiinii Saraago hakalang tam kalei kiteito: nyiinii sak katu kak, nyiinii Kristamah zai tei njai leile sateichii nyiinii tiirak kalei tiirok kiteito; nyiinii chii katu kak, nyiinii Krista mah pum tei njai leile.

1 KORENMEI 15:10

Nlenii tingnei Inii tiisii kalei ai, Saraamah jumage kapyii kito Inii tiisii leile sateichii mpoumah jumage kapyii, gudakii pyii kabam tei kadak makle. Nlenii tiilamlwi kapyiimei kaki kata hangninii sungdo Inii kisii teibuisii tha tiitakle, teitii kido Inii makle, nlenii n-gu kaswi kalei Saraa- mah jumage kapyii teiniile.

1 KORENMEI 16:2

Inii kagong tinglang kak sanah poi ndwi katu tei gatang karam jangpii, gonyiinii mpou mpoumah doukalu njai taiswisii hapta hapta kito leimik karei piinei tei meihangnii sanah chengniikii poitaamsii mpou mpou bah kikii kai ndwi matulo.

2 TIMOTHI 4:2

Samtei tam ralipyiilo, tinglang kido, tinglang kasu kido tiisii leihumlo, lungleh kati sateichii ralikapyii hangteipii njasii swiki liit matulo n-gipyiilo, ninado lung tiimadi pyiilo,

MATIMANGOU KAPYII 1:10

Bangpiimah leimik piinei Inii rangii kito leile sateichii buika kachem takumpii kasagoi rok hangninanii gutailamto ai tam kalei tei Inii shiitakle.