TIILAMLWI KAPYIIMEI THA JUKAMATI 20:4 - KARANU KABI SAMTAM

⁴ Sateichii Biroya kito Paihus nah sapfii mpou Soptar, Thesolonikamei kak kito Aristarkas ninado Sekundas, Derbe kito Gaiyas ninado Timothi sateichii Asiya kito Taichikas ninado Trophimas, ahnyii ainii mpougo kaswisii tatle.

TIILAMLWI KAPYIIMEI THA JUKAMATI 20:4 Iomraidhean Croise

TIILAMLWI KAPYIIMEI THA JUKAMATI 14:20

Nlenii Boumei teinii mpou kuto gong ndwiwo sek-kii, mpounii gungtu sat tosii namdi kitei liit takle sateichii supounei kakum kiteito Barnabas go kaswisii Derbe sazyiiki tat tutakle.

TIILAMLWI KAPYIIMEI THA JUKAMATI 14:6

ahnyiinii teitei tigong wosanii, Lukaonia kito kalei Lustra ninado Derbe namdiki sateichii teiki pungbang hangki pak gong takle;

TIILAMLWI KAPYIIMEI THA JUKAMATI 16:1

Sateichii mpounii Derbe ninado Laistra kido gongtakle, satei- chii julo, kamalum Jehudimei pwi hangninii nah sapfiimei zei Timothi sii kalat boumei hangninii teiki tei leile; mpou pfiinii Grikmeile.

TIILAMLWI KAPYIIMEI THA JUKAMATI 16:6

Sateichii Asiya kito kabi rasam tam ka-mpat tei, rangii kamateinii mazhii kasu jangpiinii ahnyiinii Phairgiya ninado Galati sazyiiki tat majupat-to takle.

TIILAMLWI KAPYIIMEI THA JUKAMATI 17:1

Toinii ahnyiinii Amphipolis ninado Apoloniya sazyii tei tat majupat tosii Jehudimei ndwiki kalei Thesolonika ki katang tei gong wotakle.

TIILAMLWI KAPYIIMEI THA JUKAMATI 17:13

Nlenii Thesolonika kito kalei Jehudimei teinii Polnii Beriya ki kado Saraa mah kabi rasam ai tam ralipyii takle katu tei tiwosek-kii, ahnyiinii gong sanii teiki todo meihang go tiirampou pyiisii sam kamoi tii mpatle.

TIILAMLWI KAPYIIMEI THA JUKAMATI 19:29

Sateichii namdi kitei karampou- piinii tokryii takle; sateichii Polgo kaswisii pwidi mbuitat kalei Mesido- niya mei Gaiyas ninado Aristarkasgo ahnyiinii jum wosii swi hangninii tiisii ka-nta ka-nlangki tei pak kashoi kabeiliit takle.

TIILAMLWI KAPYIIMEI THA JUKAMATI 2:9

Nyiinii Persiya, Mediya ninado Ilam kitole sateichii Mesopotamiya, Judiya ni- nado kapadosiya, Pontas ninado Asia kitole,

TIILAMLWI KAPYIIMEI THA JUKAMATI 20:16

Kadaponii Polnii Asiya ki tei tinglang bamtoi laktang karam jangpii, Ipisa tat majupat tosii malyii hoisii tat tutang karam jangpii lung maning wotakle; kada- pokii mazhii leponii mpounii Pentikos ki leimik piinei Jerosalem ki bam tang karam jangpii kalangsii tat tutakle.

TIILAMLWI KAPYIIMEI THA JUKAMATI 20:18

Sateichii ahnyiinii mpouda gong wosek-kii, mpounii ahnyii dakii tamle, “Inii Asiya ki api kangliit karei leimik sekpiinii ting- lang kaleita gonyiigo kaswisii kada takumpiinii bampo katu tei gonyii sekpiinii tile.

TIILAMLWI KAPYIIMEI THA JUKAMATI 21:29

Kadaponii aisung kareiki ahnyiinii Iphisas mpfii Trophimas go mpounii kaswisii kalei tei namdi kikii ngoule. Sateichii mpougo Polnii Saraa kamaning kilungkii pangliit taklesii ahnyiinii maning wotakle.

TIILAMLWI KAPYIIMEI THA JUKAMATI 27:2

Sateichii Asia bang kito kalei bam bamki hoile kajyii Adramittiya mah malyii hangninii ki tong wosii, nyiinii dwijai phyiiryiito tat tutakle; sateichii Thesolonika kito lung kalei Mesidoniya mei Aris- tarkasnii nyiigo kaswile.

ROMMEI 16:21

N-gu njoisii tha tiisii kalei Timothi sateichii gutat gureng kito kapat Lusiyas, Jason sateichii Sosi- patar-niido gonyiigo salam pyiileile.

ROMMEI 16:23

N-gu sateichii charsh hang go ki karhiini pyiisii kalei Gaiyasnii gonyiigo salam pyiileile, Namdi mah Sana kajumpii Irastas ninado nyii sanapii Kowartasnii gonyiigo salam pyiileile.

2 KORENMEI 1:1

I-Pol, Saraanii kamaning kamarei kito Krista Jisu mah Tiilamlwi kapyiimei hangninii tiisii kalei sateichii nyii kangsanapii Timothi dato, Koren kito Saraanii lat mpat kalumei sateichii Akaiya sazyii lungto kalei kamalum meihang dakii:

2 KORENMEI 1:19

Kadapokii Silvanasnii, Timothinii sateichii Inii gonyii kak kikii tam rali kapyii Saraa nah sapfii mpou Jisu Krista, teinii “nle” katu sateichii “makle” katupii tei makle; nlenii mpounii Saraa mah “nle” katupii teile.

IPISAMEI 6:21

Sateichii gonyiiniido I-kada takumpiinii leipo katu titang karam jangpii, Bangpii zei kito malum kabui tha katii ninado kamanang lungkasyii Taichikasnii gonyii dakii matum madum tam matipyii tangle.

PILIPIMEI 2:19

Sateichii gonyiimah nha tei shii wosii Iniido lung nta ranga tang karam jangpii, gonyii dakii Inii Timothigo kalangsii lang magong tanglesii Bangpii Jisu zei kito Inii maning malumle.

KOLOSIMEI 4:10

Kabang kito n-gu kaswisii kabampii Aristarkasnii gonyii go salam pyii leile, sateichii Barnabas sanapii Markniido salam pyii leile. Marknii gonyiida gongleponii mpougo lukaipyii losii tam kapyii tei gonyiinii doutangle.

KOLOSIMEI 4:7

Abangpiimah tha kito malum kabui tha tiisii kalei sateichii kaswisii kikaleimei hangninii tiisii kalei, lungkasyii nyii sanapii Taichi- kasnii gumah nha hangtei gonyii dakii tam mangou tangle.

1 TIMOTHI 1:1

Nyiigo Keikapyii Saraa ninado nyiinii kamalum Krista Jisumah mwija taiswisii Krista Jisumah tiilamlwi kapyiimei hangninii tiisii kalei Pol dato.

2 TIMOTHI 1:2

Lungkasyii gunah sapfii mpou Timothi dakii, nyii pfii Saraa sateichii nyii Bangpii Krista Jisunii n-go jumage kapyii, lungsyii kati sateichii kamajung tei pyii matulo.

2 TIMOTHI 4:12

Taichikas go Inii Iphisas kikii lang matu takle.

2 TIMOTHI 4:20

Irastasnii Koren kito ntak tutakle, sateichii Trophimasnii rakani jangpii Miletas kikii Inii kai aitakle.

TAITAS 3:12

Artimas mak-kii Taichikas go Inii godakii lang magong sekchii, nangnii guda Nikopolis ki gong kabuita gong kalu tiilo, kadapokii satai tinglang ai teikito Inii bam tang takle katupii satto takle.

PHILIMON 1:24

Sateichii n-gu njoisii tiikaleimei, Mark Aristarkas, Demas ninado Luk ahnyiiniido Salam pyiileile.

3 JON 1:1

Kating tiisii kalei Inii kasang kito lungkasyii Gaiyas dakii ryii leile.