TIILAMLWI KAPYIIMEI THA JUKAMATI 2:47 - KARANU KABI SAMTAM

⁴⁷ Ahnyiinii Saraago tam matoisii meihang doitodo tiikaha tei doule sateichii keikapyii dou kalumeihang gotei bangpiinii sating kata ahnyii dakii kai mpam pyiile.

TIILAMLWI KAPYIIMEI THA JUKAMATI 2:47 Iomraidhean Croise

LUKNII KARYII KABI RASAM JUKAMATI 19:48

Nlenii ahnyiinii tiitang karam pwidi hang- ninii kado gatakle, kadapochiinii mei hang teinii mpougo lung liitsii shiile.

LUKNII KARYII KABI RASAM JUKAMATI 2:52

Sateichii Jisu pum zai lamto, swirek kabi lamto Saraa dato sateichii mei dato lungset dousii dikhii tule.

TIILAMLWI KAPYIIMEI THA JUKAMATI 11:21

Sateichii Bangpii bah tei ahnyiigo kaswi- pyiisii, malum kalumei hangteinii Bangpiida ngaryii gong wotakle,

TIILAMLWI KAPYIIMEI THA JUKAMATI 11:24

Kadapokii mpou ai kabipii ninado rangii kamatei ninado kamalumpii tokryiisii kalei sapfiimei hangniniile, sateichii meimoinii Bangpiida gong mpam wotakle.

TIILAMLWI KAPYIIMEI THA JUKAMATI 13:48

Sateichii lui kakimei hangnii ai ai shiiwo sek-kii, ntado nta takle, Saraa mah kabi rasam godo tam matoile sateichii kalui gasii lungtang karam jangpii kalai kalumei hangnii malum wotakle.

TIILAMLWI KAPYIIMEI THA JUKAMATI 14:1

Toinii Ikoniam ki teito mpou- piinanii kaswisii Jehudimei mah ndwiki nitei liit takle sateichii samtei tam katu kito Jehudimeido Grikmeido mei hangkii malum wotakle.

TIILAMLWI KAPYIIMEI THA JUKAMATI 14:21

Sateichii ahnyiinii teiki namdi ki teito kabi rasam tam ralipyiisii meihang kago boumei tiiwosii Lustra, Ikoniam ninado Antiyok ki nlaigong takle.

TIILAMLWI KAPYIIMEI THA JUKAMATI 16:5

Aitiisii charsh hangteinii kamalum kito sangtingkhii tutakle sateichii sating kata mei moibui buitu takle.

TIILAMLWI KAPYIIMEI THA JUKAMATI 17:12

Teijangpii ahnyii kak kito mei hangkanii ninado adzyii ka-nrou Grikki sapwimei ninado sapfiimei hangteinii malum wotakle.

TIILAMLWI KAPYIIMEI THA JUKAMATI 2:39

Kadapochiinii gonyii dakii, gonyii nahmei dakii, sateichii kadhii kito kaleimei hang dakii, nyii Saraa Bangpiinii latpyii tang karam meihang dakii riishii tiikabam tei bamle.”

TIILAMLWI KAPYIIMEI THA JUKAMATI 2:41

Teijangpiinii mpou sam lukai kalu ahnyii hang gotei dwi mpum pyiitakle sateichii teipiinei leimik tei mei tangtumkii ahnyiida gong mpam wole.

TIILAMLWI KAPYIIMEI THA JUKAMATI 4:21

Sateichii meimoi jangteipii ahnyiinii mpoupiinago kada takumpii tiikamage tangpo katu samah kado tei gasii, mpoupiinago kisii kakahwi sam tamsanii mpat aitakle, kadapokii meihangnii pat kalei teijang teipii Saraago tam matoile.

TIILAMLWI KAPYIIMEI THA JUKAMATI 4:33

sateichii Jisu Kristanii ringkakhii mah akaang ki kalei teito teimah teimaham kadi tei kaswisii Tiilamlwi kapyiimeinii Bangpii Jisu ringkakhii mah sakchyii tiile; sateichii ahnyii meihangnii jumage kapyii kadi tei dou wole.

TIILAMLWI KAPYIIMEI THA JUKAMATI 4:4

Nlenii kabi rasam tei shiikalu meihang teinii malum wotakle sateichii mei tei moibuibuisii mei thang mangiikii kakum pat takle.

TIILAMLWI KAPYIIMEI THA JUKAMATI 6:1

Sateichii ai tinglang aihang ki aito boumei tei moibuibuitu sek-kii, Grik lat katii Jehudimei nei Jehudimei sazyii nah ai hangna kak aito n-gee tei pat takle. Kadapokii Grik lat katii Jehudimei teinii ahnyiiki kamipwimei go tingnei tingneikii jaikapyii kito kaletle katupii,

TIILAMLWI KAPYIIMEI THA JUKAMATI 6:7

Sateichii Saraa mah sam tei dipat tutakle ninado Jerosalemto boumei tei hangkapii moibuibuitu takle sateichii kanat kanhii kajum Atingmei hangteinii kamalum kito sam swile.

TIILAMLWI KAPYIIMEI THA JUKAMATI 9:31

Teitinglang kak Judiya, Galili ninado Samariya hangki rangii kamatei paito charsh hang go tiimakhii pyiisanii kamajung tei dou wole; sateichii Bangpii go sadzyii ngariit katii kito ninado rangii kamatei mah jumage kapyii kito meilui moibuibui pat tutakle.

TIILAMLWI KAPYIIMEI THA JUKAMATI 9:35

Sateichii Litda ninado Saron kito kalei mei hangnii mpougo ngou wotakle sateichii ahnyiinii Bang- piida ngaryii gong takle.

ROMMEI 14:18

teipiinii Krista nga ngakaleimei hangtei Saraa doito lukai kamajyii sateichii meiniido kamazhii teile.

ROMMEI 8:30

Sateichii mpounii ndouto reipii tiida kabam gotei latdo latpyii takle. Lat kalumei gotei tiido tiima- jyii pyiitakle, sateichii tiimajyiipyii kaleimei gotei mpounii pumtei kavado pyiitakle.

ROMMEI 9:27

Sateichii Isaiyanii Isrelmei kaang kito saa mpatle: “Isrelmeinah mah meilui tei dwijai ki kangneng takum kado, masak kalei njai chengnakii gotei roinii keipyii tangle.

1 KORENMEI 1:18

Kadapokii Kristanii Krosh gamto kataimah samtam ai magasii kaleimei jangpiinii kamangle, nlenii keikapyii doukalu nyii jangpiinii teitei Saraa mah teimaham teile.