TIILAMLWI KAPYIIMEI THA JUKAMATI 2:39 - KARANU KABI SAMTAM

³⁹ Kadapochiinii gonyii dakii, gonyii nahmei dakii, sateichii kadhii kito kaleimei hang dakii, nyii Saraa Bangpiinii latpyii tang karam meihang dakii riishii tiikabam tei bamle.”

TIILAMLWI KAPYIIMEI THA JUKAMATI 2:39 Iomraidhean Croise

TIILAMLWI KAPYIIMEI THA JUKAMATI 10:45

Sateichii Pitargo kaswisii gongkalei kamalum mei kak kito tiigyii malem kaleimei hang- teinii sung gatakle kadapokii lui kakimei phyiiryii kado rangii kamatei mah satoi tei ruikaipyii takle.

TIILAMLWI KAPYIIMEI THA JUKAMATI 14:27

Sateichii ahnyiinii gongtang wosek-kii, Charsh hang go lat ndwi wosii, Saraanii ahnyiigo kaswisii tiikapyii tha hang mah ninado lui kakimei hang dakii mpounii kama- lum mah takam laatpyii takle katu tei ahnyiinii ahnyii dakii tampyii takle.

TIILAMLWI KAPYIIMEI THA JUKAMATI 15:14

Saraanii mpou zei jangpiinii lui kakimei kak kito meigo poi mpat tang karam jangpiinii karei kito kada takumpiinii mikjot tei jupyiipo katu tei Simonnii tam mpatpyii takle.

TIILAMLWI KAPYIIMEI THA JUKAMATI 15:3

Teijangpii Charshnii ahnyiigo pwidikii lang mpatsii, luikaki meinii lungkali kalu samtei tamsii tamsii ahnyiinii Phonisiya ninado Samariya sazyiiki tat majupat takle, sateichii kangsanamei hang go hangkapii tii ntapyii takle.

TIILAMLWI KAPYIIMEI THA JUKAMATI 15:8

Sateichii lungdo tikalei Saraa teinii nyii dakii tiipyii kabam tei takum- piinii ahnyii dakiido rangii kamatei tei pyiisanii, ahnyii dakii sakchyii pyiitakle.

ROMMEI 11:29

Kadapokii Saraanii kalai kalu ninado satoi toikapyiimei mah kaang kito mpou switei kalimakle.

ROMMEI 8:30

Sateichii mpounii ndouto reipii tiida kabam gotei latdo latpyii takle. Lat kalumei gotei tiido tiima- jyii pyiitakle, sateichii tiimajyiipyii kaleimei gotei mpounii pumtei kavado pyiitakle.

ROMMEI 9:24

Ka- daponii mpounii lat kalu mei tei nyiile, Jehudimei hang kak kito roinii makle nlenii lui kaki kakimei hang kak kitodole.

ROMMEI 9:4

Ahnyii teinii Isrelmei teile; makot kalei nah sapfiimei katii, pumtei kava, sat tang karam samtam hang, ajaitingshang kapyii, kasang kamata, sateichii riishii tiikabam hangtei ahnyii mahle;

1 KORENMEI 7:14

Kadapokii malum kasu naatei mpou nougo kapang kalu teipii Saraa doito lukai majyii takle, sateichii malum kasu noutei kama- lum naaki gong kalu teipii Saraa doito lukai majyii takle, aitiisii tiisu leponii, gonyii nahmei tei meidamei takum tangle, nlenii aitii katu taiswisii gonyii nahmei tei Saraa doito lukaimajyii takle.

IPISAMEI 1:18

Mpoumah kava tei ngoukabui tiisii gonyiimah lungswi hangtei laatpyii matusii, mpounii gonyiigo lat kalu tei kadapei maning kamalum jangpiipo katu sateichii mpoumah meigo pyii tanglesii riishii tiikabam kamadat satoi hangtei kadaziikapii dipo katu tikabui jangpii,

IPISAMEI 2:12

tei tinglangki Krista dato dhiisii, Isrelmeimah sazyiinah doito sapumnah tiisii sa- teichii pyiitanglesii riishii tiikabam sat tang karam samtam hang kito gonyiinii luikakimei tiisii, maning kamalum kaga ninado sazyii pou- ryiito Saraa haikasumei tiisii leile.

IPISAMEI 4:4

Saraanii gonyiigo lat kalu kitei maning kamalum hang- ninii kiteikii lat kalu takumpii teiki tei pumpot hangninii sateichii rangii hangninii,

2 THESOLONIKAMEI 1:11

Saraanii gonyiigo lat kalu mah tiilung tai taiswisii gonyiinii lung matuiwo kabui jangpii, sateichii Saraanii mpou mah teimaham teipii gonyiinii kabi tha tiitang karam jangpii gonyiinii kamaning kamarei hangtei mpoumah teimahampii tiima- sang pyiisii gonyiimah kamalum mah tha tei tiimasang matu tang karam jangpii nyiinii tinglang kaleita gonyii jangpii riita leile.

2 TIMOTHI 1:9

Mpounii nyiigo keipyii takle sateichii kamatei kalat teipii nyiigo lat pyii takle, nyii tha taiswisii makle, nlenii mpoumah kamaning sateichii jumage kapyii taiswisii lat pyiile. Jumage kapyii ai ndou kareiki Krista Jisu paito mpounii nyiigo pyiitakle.

HEBRUMEI 3:1

Teijangpii Saraanii lat kalu, kamatei gukangsanamei, nyiinii tam mpatsii kalei kamalum mah kanat kajum tingdipii tiimatu tang karam jangpii Saraanii lang m-mang kapyii Jisu gotei maninglo.

HEBRUMEI 9:15

Teijangpii Saraanii lat kalumeihang teinii riishii tiikabam kalui kaga satoi hangtei doumatu tang karam jangpiinii sat tang karam karanu samtam kak kiteito kamajung tha tiisii kalei ai Kristale, sazyii pouryiimei hangnii sat tang karam karei samtam kangto tiikabam kama kito matapii laat mpat kapyii taikapyii hangninii kalei taiswisii ai ai tiiwo buile.

1 PITAR 5:10

Sateichii gonyiinii tinglang shangniikii dou- kalei tainii, Kristago njasii hangninii tiikalu kito mpoumah kalui kaga pumtei kavamah njai dou njoi matu tang karam jangpii gonyiigo latsii kalei, satoi hangmah Saraa, Ah sekpiinii gonyiigo tiimatui kapyii, tiisangting kapyii, teimaham kapyii, sateichii kasang bangmaa tei tiipyii tangle.

2 PITAR 1:10

Teijangpiinii kangsanamei, go- nyiigo lat kapyii ninado kalai kapyii tei katika tang karam jangpii kisii teibuisii tha tiilo, kadapokii gonyiinii tei tiileponii, gonyiinii madou kado kousang koulakle.

2 PITAR 1:3

Mpoumah pumtei kava ninado bikakimah njai dou njoi matutang karam jangpii, nyiigo lat kapyii, Saraa ahmah kamatei teimaham teinii Saraa kamaning mah kasang tiilung lungtang karam jangpii, mpougo kati paikito nyiinii doukamajyii tei nyiigo pyiitakle.

MATIMANGOU KAPYII 17:14

Aihang ainii jaonah phyiiryii teikii saryii tiitangle, sateichii jaonah teinii ahnyiigo ngam tangle! Kadapokii ahnii Bangpii hangmah Bangpiile, sateichii sagong hangmah Sagongle; sateichii ahgo kaswi kalei teinii lat kalumei, kalai kalumei ninado malum kabuimei hangteile.”

MATIMANGOU KAPYII 19:9

Sateichii sating gamlui teinii gudakii tamle, “Ai ai ryii wolo: Jaonah mah myiikapang takbai tei gonghai losii lat kalumei hangtei sadoibile.” Sateichii Ahnii gudakii tamle, “Aihang ai Saraamah kasang samkang hang teile.”