TIILAMLWI KAPYIIMEI THA JUKAMATI 2:22 - KARANU KABI SAMTAM

²² “He Isrelmeinah, sam hang ai shiipyiilo–Nazaretki Jisu, Saraanii gonyii kak kito mpou tha kadi ninado kamadat tha hang sateichii tiika- mangou hang kamangou, teipiinii mpou ai Saraanii mazhii kapyiimeile katu tei gonyii pum sekpiiniido tile.

TIILAMLWI KAPYIIMEI THA JUKAMATI 2:22 Iomraidhean Croise

METIU 12:28

Nlenii Saraa mah rangii teipii Inii sara kashyiigo baatoi leponii, Saraa mah sating sazyii tei gonyii phyiiryii gong takle.

METIU 2:23

Sateichii Lungkakalingmeinii tam kabam: “Mpougo Nazaretmei sii lat tanglesii” katam tei gong matwi matutang karam jangpii Nazaretsii kalat namdi kitei mpounii gong lungtu takle.

METIU 9:8

Meimoi teinii mpougo ngou wosii hing takle, sateichii meinah dakii tei kakum teimaham pyiisii kalei Saraago ahnyiinii tam matoile.

LUKNII KARYII KABI RASAM JUKAMATI 11:20

Nlenii Saraa mah bah jungna mah tiikaha kito sara kashyiigo baatoi lepochiinii, Saraa mah Sating sazyii tei gonyiida gongtakle.

LUKNII KARYII KABI RASAM JUKAMATI 18:37

Ahnyiinii mpougo tamle, “Naza- ret ki Jisu tat gong leile.”

LUKNII KARYII KABI RASAM JUKAMATI 24:18

Mpou- piina kakto zei Kaleopas katupii teinii n-nhiile, “Jerosalemki mbui maasii teikito tingneisang pat kalei hang gotei tikasu tei nang roinii takpo?”

JONNII KARYII KABI RASAM JUKAMATI 1:45

Filipnii Nathanel go ngou wosii mpou dakii tamle, “Mosesnii ajaitingshang kikii ryii kabam Mpou gotei nyiinii dou wotakle teinii Joseph nah sapfii mpou Nazaret ki Jisu teile.”

JONNII KARYII KABI RASAM JUKAMATI 10:37

Inii Pfii mah kamaning kamazhii tei tiiziimak leponii n-gu malum sulo,

JONNII KARYII KABI RASAM JUKAMATI 11:47

Teipiinii kanat kajum ting- dimei ninado Farasismei hangteinii katingmei hang gotei pang nkom wosii tamle, “Nyiinii kadapei tii- tangpo? Kadapokii sapfii mpou ainii tiikamangou siiti hangka tiitakle.

JONNII KARYII KABI RASAM JUKAMATI 12:17

Mpounii roubam kito Lazarus go lat mpatsii katai kito tiimaring kapyii tinglang kak mpougo kaswisii kaleimei hangteinii sakchyii tei pyii- takle.

JONNII KARYII KABI RASAM JUKAMATI 15:24

Mei kaniido tiikasu tha tei Inii ahnyii kak kikii tiimangou suleponii, ahnyiimah kem tei leilakle; nlenii aitoinii ahnyiinii n-gudo gu Pfii godo ngoudo ngoutakle sateichii ngoudo ngourou takle.

JONNII KARYII KABI RASAM JUKAMATI 19:19

Sateichii Pailatnii azei hangninii ryii wosanii krosh gamkii kaipyii takle, ryii kabam teinii: “Nazaret ki Jisu, Jehudimei mah sagong,” katu aile.

JONNII KARYII KABI RASAM JUKAMATI 3:2

Mei aipou ainii tinghum Jisuda gongsii mpou dakii tamle, “Rabbi, (katunii Madhiikapyiipii) nangnii Saraa dato kagong ralika- pyiimei hangniniile katu tei nyiinii tile, kadapokii nangnii tiikalei siitihang ai Saraanii mpougo kaswi suleponii, meikaniido tiiwo lakle.”

JONNII KARYII KABI RASAM JUKAMATI 4:48

Teijangpii Jisunii mpougo tamle, “Gonyiinii tiikamangou siiti ninado sung kaga hangtei ngou kasuta, gonyiinii malumsang malum lakle.”

JONNII KARYII KABI RASAM JUKAMATI 5:36

Nlenii Jon mah sung kisii kadi sakchyii tei gumah leile; kadapokii tiimashang matutang karam jangpii gudakii pfiinii pyiikabam tha, Inii tiikalei tha teipiinii, Pfiinii n-gu lang magongle katu gumah kaang kito sakchyii pyiile.

JONNII KARYII KABI RASAM JUKAMATI 6:14

Teijangpii meihang teinii mpounii tiikalei tiikamangou siiti tei ngoukalu kito tamle, “Sazyii pouryii gongtang karam Saraa mah Lung- kakalingpii tei kasangpii aile.”

JONNII KARYII KABI RASAM JUKAMATI 6:27

Ga aitang karam chiitak jangpii tha tiisulo, nlenii meinah sapfii mpou teinii gonyii dakii pyiitang karam kalui kaga karing mah chiitak jangpii ngam tiilo; kadapokii mpou gamkii Pfii Saraanii seal kaibam takle.”

JONNII KARYII KABI RASAM JUKAMATI 7:31

Nlenii mei hangkanii mpougo malum wosanii tamle, “Kristanii kagong tinglang kak, mei aipounii tiikatu tiikamangou siiti hang doito kisii ahnii tiiwo tangpo?”

JONNII KARYII KABI RASAM JUKAMATI 9:33

Ai sapfii mpou ai Saraa dato suleponii, mpounii samah kado tiiwo lakle.”

TIILAMLWI KAPYIIMEI THA JUKAMATI 13:16

Teito Polnii gungtu sat takle, sateichii mpou bahpiinii kahaisii tamle, “He, Isrel kito kalei sapfiimei ninado Saraago kahingmei hang, shiipyiilo.

TIILAMLWI KAPYIIMEI THA JUKAMATI 14:27

Sateichii ahnyiinii gongtang wosek-kii, Charsh hang go lat ndwi wosii, Saraanii ahnyiigo kaswisii tiikapyii tha hang mah ninado lui kakimei hang dakii mpounii kama- lum mah takam laatpyii takle katu tei ahnyiinii ahnyii dakii tampyii takle.

TIILAMLWI KAPYIIMEI THA JUKAMATI 2:19

Sateichii Inii kasagoi sating gamto kamadat kamadat ninado sazyii kangto tiikamangou hang katunii, zai, mi sateichii mika mah kajekdwi tei mangou tangle.

TIILAMLWI KAPYIIMEI THA JUKAMATI 2:43

Sateichii meihang phyiiryii tei kahing pat takle, kamadatdo tiika- mangoudo hangkii tiilamlwi kapyii meinii tiitakle,

TIILAMLWI KAPYIIMEI THA JUKAMATI 21:28

saa mpatle, “He Isrel ki sapfiimei, tiihalo! Bamlyii hang kito nyii meigo ajaitingshang go sateichii bam aigo tam mashyiisii meihang go rali- kapyiipii tei aile sateichii aidoito kisii mpounii Grikmeihang go Saraa kamaningki lung pangliitsii kamatei bam aigo tiimahong aitakle.”

TIILAMLWI KAPYIIMEI THA JUKAMATI 22:8

Teito Inii khekalatle, ‘nang tapo, Bangpii?’ Teito mpounii gudakii tamle, ‘nangnii tiikamagesii kalei Nazaret ki Jisu tei I-le.’

TIILAMLWI KAPYIIMEI THA JUKAMATI 24:5

Kadapochiinii sapfii mpou ainii tiikamashyii tha katii sazyii pouryii hang kito kalei Jehudimei hang kak kikii n-gi nrung tiikakai sateichii Nazaret bemei mah apum katiimeile katu tei nyiinii doutakle.

TIILAMLWI KAPYIIMEI THA JUKAMATI 26:26

Kadaponii Sagongnii ai kaang hang ai tiziile sateichii Inii mpou dakii samah kado adoi kadang gasii tam leile; kadapochiinii Inii malumle katunii, aihang kito hangninii kado mpounii tikamasak gale, kadapokii tha ai mei kaga nito tiimakle.

TIILAMLWI KAPYIIMEI THA JUKAMATI 26:9

“Nazaret ki Jisu zeigo mazhii kasu tha hangtei tiitang karamlesii Inii gupum sekpiinii tiigatpii maningle.

TIILAMLWI KAPYIIMEI THA JUKAMATI 3:12

Pitarnii meimoi gotei ngou wosek-kii, mpounii ahnyii dakii tamle, “Isrelmeinah, gonyiinii aigo kadajangpii madat leipo? Sateichii kadajangpii gonyiinii nyiigo mik karangsii juleipo? Nyiimah tei- mahampii mak-kii Saraago tiigatpii kamalum kito nyiinii mei aipougo tii mbipyii taklesii gonyiinii maning leipo?

TIILAMLWI KAPYIIMEI THA JUKAMATI 3:6

Nlenii Pitarnii tamle, “Gumah seh sana ninado kani kahii gale, nlenii gumah kabam hangtei Inii godakii pyii leile Nazaret ki Jisu krista zei kito gungtusii tat tulo.”

TIILAMLWI KAPYIIMEI THA JUKAMATI 4:10

gonyiihangnii ninado Isrelmeinah hangnii ai ai timatulo, katunii gonyiinii Krosh gamkii dhangsii gitoi kalei, Saraanii kataimei kak kito tiimaring kapyii Nazaret ki Jisu zei kito, katunii mpou paikito mei aipou ainii biwosii gonyii doito sat leile.

TIILAMLWI KAPYIIMEI THA JUKAMATI 5:35

Teito mpounii ahnyii dakii tamle, “Isrelmeinah, gonyiinii ai meigo tiikalei ai tiigatpii maning gatlo.

TIILAMLWI KAPYIIMEI THA JUKAMATI 6:14

Kadapokii Nazaret ki Jisu ainii bam ai ai tiimaga aisii Mosesnii nyii dakii pyii kabam kanat kanhii aigo tiikali tanglesii mpounii katam tei nyiinii shiitakle, katu kasang kasu sakchyii katiimei hang gotei ahnyiinii sat matutakle.”

2 KORENMEI 12:12

Hangkapii lung leh kati teipiinii, I-ai kasang tiilamlwi kapyiimei hangniniile katu tiikamangou siiti hangtei, sung kaga hang teipii, kamadat hangteipii, sateichii mei tiikalak tha kadi hang teipii, gonyii hang kak kito tiimangou takle.

HEBRUMEI 2:4

Saraaniido tiikamangou siiti teipii, kamadat kamadatpii, sateichii kataam kataam sung kaga tha hang teipii, sateichii mpoumah kamaning taiswisii jaipyii kabam rangii kamateimah luha hang teipii sakchyii pyiile.