TIILAMLWI KAPYIIMEI THA JUKAMATI 19:9 - KARANU KABI SAMTAM

⁹ Nlenii ahnyii mei kangkanii meihang doito pwidi mah kaang kiteito sam kashyii tamsanii lung katei ninado malum kasu kito mpounii ahnyii dateito tatpat tosanii, boumei gotei poitaam wosii sating kata Tairanius mah ki kadi kiteito sam kajyiisii bamle.

TIILAMLWI KAPYIIMEI THA JUKAMATI 19:9 Iomraidhean Croise

METIU 15:14

Ahnyii jangpii lungnaang sulo! Ahnyiinii mik kachet doi majang katatmeile, sateichii mik kachet meinii mik kachet meigo majangtat leponii, hangna-napui sarungki takliit tangle.

METIU 16:4

Kashyii kahong ninado meinou meinahgo kashyii katiimei ha ainii tiika- mangou siiti hangninii fiile, nlenii Jonah mah tiikamangou siiti teisupii tiikamangou siiti hangninii kado pyiilakle.” Teipiinii mpounii ahnyiigo toi aisii tat tutakle.

METIU 26:55

Teitinglang ki Jisunii meimoi dakii tamle, “Karagamei hangninii go jumtang karam takumpiinii saryiikhang ninado tingrang hangtei kaswisii n-gu jumtang karam jangpii gonyiinii tatpat leitakpo? Sating kata Inii Saraa kamaning kilungto ralipyiisii bamlei kido gonyiinii n-gu jum makle.

JONNII KARYII KABI RASAM JUKAMATI 12:40

“Ahnyiinii mik ngou matulak tang karam jangpii ninado ahnyii mah lungswi teinii timatulak tang karam jangpii ninado ahnyiinii guda nlaigongsii, Inii ahnyiigo rakani tei tii mbipyii matulak tang karam jangpii, Saraanii ahnyii mik tiimachet aitakle, sateichii ahnyii mah lungswi tei tiimatai aitakle.”

TIILAMLWI KAPYIIMEI THA JUKAMATI 11:26

Sateichii mpounii ahgo kadou wosek-kii, Antiyok ki pang gongtakle, sateichii ahnyiinii tingkum hangninii katang tei Kristanii latkalumei hang go kaswisii hangninii tiisii ndwisii, meihang go tam ralipyiile, sateichii Antiyok kito Boumeigo karei reisang tiisii Kristen sii latle.

TIILAMLWI KAPYIIMEI THA JUKAMATI 14:4

Nlenii teiki namdiki meihang teinii tat n-noutakle sateichii mei chengniikanii Jehudimei doi ninado mei kangkanii Tiilamlwi kapyiimei doi sat takle.

TIILAMLWI KAPYIIMEI THA JUKAMATI 17:4

Sateichii ahnyii kak kito mei chengniikii Saraa kamaningmei Grikmei kito mei kamoikii, sateichii sapwimei kak kito aphyii kasatmei hangkanii malum wosii Pol nei Sailas go kaswi wotakle.

TIILAMLWI KAPYIIMEI THA JUKAMATI 19:23

Teitinglang kaktei pwidi mah kaang kiteito kahung akoilat kamoi Ipisa kito pat tutakle.

TIILAMLWI KAPYIIMEI THA JUKAMATI 19:30

Sateichii Polnii meihang kak kitei liit kanyii kiteito boumeinii mazhiisu takle.

TIILAMLWI KAPYIIMEI THA JUKAMATI 20:31

Teijang teipiinii tingkum hangtum katang tei Inii tinghum tingna mikdwi patsii meihang go ralikapyii matou makle katu tei gonyiinii maning wosii sakai wolo.

TIILAMLWI KAPYIIMEI THA JUKAMATI 22:4

Sateichii sapfiimei godo sapwimei godo ringpei wosii kabang kikii poiliit kaisii, Inii aitiisii ahnyiigo katai katang tei ahnyiigo tiikamage pyiile.

TIILAMLWI KAPYIIMEI THA JUKAMATI 24:21

Sam hangninii aipou Inii gonyiidoi kasat kak tam mpatle, ‘gonyiinii n-gu tingnei samtak ai tiileile kadaponii Inii kataimei ai ringkhii tanglesii maning kamalum jangpii.’ ”

TIILAMLWI KAPYIIMEI THA JUKAMATI 28:22

Nlenii goswi golung kadapeipo katu nyiinii godato shii kajyiitakle katu maningle; kadaponii bee aimei phyiiryiikii bamlyii hang kito karashii kalei ai nyiinii tile.”

TIILAMLWI KAPYIIMEI THA JUKAMATI 7:51

“Gonyii kadaziikapii kamalum gapo? Gonyii lung ai kadaziikapii teipo? Saraa sam shii tang karam kito gonyii khoi ai kadaziikapii teipo! Gonyii ai gonyii pfii gonyiipoumei takum takle; gonyiiniido rangii ka- mateigo mazhii makle!

TIILAMLWI KAPYIIMEI THA JUKAMATI 9:2

Bangpii mah pwidi swikalei sapfiimei godo sapwimei godo kata kangkago douwoleponii, ahnyiigo jum wosii Jerosalem kikii poigong katu mazhiitang karam jangpii Damaskas ki Jehudimei mah ndwi kito kalei mei dakii pyiitang karam mwija tei khangtakle.

ROMMEI 11:7

Teitii leponii kadapeipo? Isrel- meinii fiikalei tei dousutakle; nlenii kalai kalumei hangteinii teitei doutakle, nlenii masak kalei mei teinii lung teitakle;

ROMMEI 9:18

Teipiinii mpounii kamaning kamareimei hang go jumage pyiile, sateichii mpounii kamaning kamarei mei lungtei tiimatei pyiile.

1 KORENMEI 16:9

Kadaponii ngou karoumei hangkii leisii leikado, sangtingsii tha tiimatu tang karam takam kadi tei n-gu laatpyiibam takle.

1 TIMOTHI 6:5

sateichii swikaga sateichii kasang kagamei dato tak supii kazyii katu hang ai pung gongle. Dormo ai mahni tang karam pwidilesii ahnyiinii maningle.

2 TIMOTHI 1:15

Pugelao ninado Hormogenis haisii, Asia kito kaleimei hangnii gudato tat nrek poitu takle katu tei nangnii tile.

2 TIMOTHI 3:5

Saraago kamaning jai kapoi, nlenii teimah teimahamgo mazhii kasu, tei kakum meihang dateito nlek wolo.

2 TIMOTHI 4:2

Samtei tam ralipyiilo, tinglang kido, tinglang kasu kido tiisii leihumlo, lungleh kati sateichii ralikapyii hangteipii njasii swiki liit matulo n-gipyiilo, ninado lung tiimadi pyiilo,

HEBRUMEI 3:13

Nlenii gonyii kata kangkago kem mah kasang kasu chuisii kahem teipii gonyii lung tei teimatu kasu tiisii “Tingnei” katu lat kaleita tei, sating kata hangninanii hangniniigo lung tiimadilo.

2 PITAR 2:12

Nlenii meinahnii jumsii gitat tang karam swikaga saramkownah takumpii ahnyiinii samah kado tisupii tam mashyii kalei, ahnyii gotei saramkownah takumpii tiimaga tangle;

2 PITAR 2:2

Sateichii mei hangkanii ahnyiimah jaikashyii tha taitei switangle; sateichii ahnyiinii tiikalei tha jang- teipii, kasangmah pwidi gotei kakimei hangnii tam mashyii tangle.

JUD DATO KAGONG CHITI JUKAMATI 1:10

Nlenii aimei ainii ahnyiinii tikasu mahlyii hang phyiiryii teikii kalet kalou katiisam tamle, sateichii swikaga saram kounah takumpii, maningsupii tibak kalu aihang aipiinii ahnyiigo tiimagale.