TIILAMLWI KAPYIIMEI THA JUKAMATI 18:3 - KARANU KABI SAMTAM

³ Sateichii atha tei mpougo njoi katu jangpiinii mpounii ahnyiigo kaswisii bamsii tha tiile, kadaponii ahnyii tei dwipei katii tha katiimeile.

TIILAMLWI KAPYIIMEI THA JUKAMATI 18:3 Iomraidhean Croise

1 KORENMEI 4:12

sateichii nyiinii nyii bahpiinii nlaisii tha teisii tiisii bamle. Nyiigo kasheeng kak, nyiinii satoi pyiile; nyiigo kalak kathei kak, nyiinii lehle;

1 KORENMEI 9:14

Tei takumpii kabi rasam tam tatsii kaleimei teinii kabi rasam kiteito ahnyii mah ringkabui chiitak tei doutang karamlesii Bangpiinii kakhatpyii takle.

1 KORENMEI 9:15

Nlenii Inii majyii aihang ai poisii tha tiisang tiimakle, sateichii gujangpiinii aitiisii tiimatu tang karam jangpii Inii sam ai ryiimakle. Kadapokii mei kata hangninanii gumah det tiikamajyii tei kamarong samlat tiimalei katu sungnii gujang- piinii tai kaleipou bile.

1 KORENMEI 9:18

Teitii leponii gumah lhang tei kadapeipo? Teinii kabi rasam tam rali katu kito gumah majyii hangtei poisii tha tiitusupii, Inii tam rali kapyii kito mai poisupii matapii Inii kabi rasam tam rali kapyii teile.

2 KORENMEI 11:7

Inii gonyii dakii Saraamah kabi rasam tamrali kapyii tinglang kitei Inii gonyii dato samah kado mai poipyii makle, gonyiigo poi sagoi tang karam jangpii gu roinapii Inii n-gu poisana pyiile.

2 KORENMEI 11:9

Inii gonyiigo kaswisii kalei kak sateichii Inii sana kamarei kak, Inii meigo kado tiikamage makle, kadaponii gumah kamarei hangtei Mesidoniya kito kagong kangsanameinii fiipyiisii leile. Teipiinii Inii gonyiigo tiikamage makle, sateichii aitoido mak-kii madou kado Inii gonyiigo tiikamage lakle.

2 KORENMEI 12:13

Inii gupum sekpii gonyiigo sana tiiha matutang karam jangpii tiikamage kasu jangpii supiinii, charsh kaki kakimei hang doito kada takumpiinii gonyiigo jumasam makpo? Kama aijangpiinii n-gu magaseilo.

1 THESOLONIKAMEI 2:9

Kadaponii kangsanamei, nyiinii katii kapung sateichii kamage kalak kaleh tei gonyiinii maning leile, nyiinii gonyiigo kamaswi tei pung matulak tang karam jangpii, tinghum tingna tha tiisii, nyiinii Saraamah kabi rasam tei gonyii dakii tam ralipyii takle.

1 THESOLONIKAMEI 4:11

sateichii sabato kaleimei mah adzyii ka-nrou katii tei gonyiinii ngam wokabui tiisii, satei- chii gonyiinii mahkado tang kalak tiisupii,