TIILAMLWI KAPYIIMEI THA JUKAMATI 17:11 - KARANU KABI SAMTAM

¹¹ Toinii ahnyii teinii Thesolonika kito kalei Jehudimei sung kisii hangkengle. Kadaponii kabi rasam tei ahnyiinii hangkapii shiinyiisii, samhang ai kasang manii mahkupo sii sating kata kabi rasam tei tiigatpii fiile.

TIILAMLWI KAPYIIMEI THA JUKAMATI 17:11 Iomraidhean Croise

METIU 13:23

Sateichii sazyii kabi kikii ralikai kabam ahnyii teinii samtam tei shii wosii teigotei tiwole; ahnyiinii kasangpii ti matile: kangkanii njai hai, kangkanii reksiirok, sateichii kangkanii tamrhii matile.”

LUKNII KARYII KABI RASAM JUKAMATI 1:2

Karei kito mik sekpiinii kangoumei sateichii teisam tamsii kalei meinii nyii dakii tam kapyii tei ahnyiinii ryiisii leile.

LUKNII KARYII KABI RASAM JUKAMATI 11:3

Tingnei tingneikii mah chiitak tei nyiigo pyiiseilo;

LUKNII KARYII KABI RASAM JUKAMATI 16:29

“Nlenii Abraham nii tamle, ‘ahnyiida Moses ninado Lungkaka- lingmei hangkii leile, ahnyii sam shii matulo.’

LUKNII KARYII KABI RASAM JUKAMATI 24:44

Sateichii mpounii ahnyii dakii tamle, “Inii gonyiigo kaswisii lung kalei kak, Inii gonyiigo kaswisii karashii kalu samkang hangtei aile, katunii, gu kaang kito Moses mah ajaitingshang kito, Lungkakalingmei sateichii tam kamatoi lhiibung kikii ryii kabam matum madum hangtei madou gong matu tangle.”

JONNII KARYII KABI RASAM JUKAMATI 3:21

Nlenii kasang tiisii kalei ah teinii, ah mah tha tei Saraa dato tiileile katu tei mati mangou tang karam jangpii, kava kutei gong leile.

JONNII KARYII KABI RASAM JUKAMATI 5:39

Gonyiinii kabi rasam hangtei fiile, dapochiinii teihang lung kiteito gonyiinii kalui kaga karing doulesii maningle sateichii gumah kaang kito sakchyii pyiikalei tei teihang teile.

TIILAMLWI KAPYIIMEI THA JUKAMATI 10:33

Teijangpiinii Inii tei- tinglang sek-kii, godakii lang mpatle, sateichii nangnii lungsyiisii gong kapyii ai hangkapiinii bitakle, teijangpii Bangpiinii godakii kakhat kabam samhang tei shiitang karam jangpii nyii meihangnii aitoi Saraa doito sat leile.”

TIILAMLWI KAPYIIMEI THA JUKAMATI 11:1

Sateichii lui kakimei teiniido Saraa mah kabi rasam tei dou wotakle, katu tei Tiilamlwi kapyii- mei hangnii ninado Judiya kito kalei kangsanamei hangnii shiiwo takle.

TIILAMLWI KAPYIIMEI THA JUKAMATI 17:1

Toinii ahnyiinii Amphipolis ninado Apoloniya sazyii tei tat majupat tosii Jehudimei ndwiki kalei Thesolonika ki katang tei gong wotakle.

TIILAMLWI KAPYIIMEI THA JUKAMATI 2:41

Teijangpiinii mpou sam lukai kalu ahnyii hang gotei dwi mpum pyiitakle sateichii teipiinei leimik tei mei tangtumkii ahnyiida gong mpam wole.

1 THESOLONIKAMEI 1:6

Sateichii nyiinii rangii kamatei mah ka-nta tei njasii kamage kalak kadaziikii kito samtam tei douwosii, nyiimah ninado Bangpiimah jaika- tiimei tiitakle.

1 THESOLONIKAMEI 2:13

Sateichii kaang aijangpii tak- supiinii Saraago halangle, katunii gonyiinii nyii dato shiikalu Saraamah samtam tei dou wosek-kii, meinah mah samtam tei supii, gonyii kamalum mei kak kito tha tiipyiisii kalei Saraa samlesii gonyiinii lukai wotakle, teitei Saraa samtam ka- sangle.

2 THESOLONIKAMEI 2:10

Sateichii taitang karam mei phyiiryii teito katham katham tiisii kasang kasu kachui teipii kaswi tangle. Ahnyiinii taitangle kadapokii ahnyiinii kei- kapyii doutang karam jangpii kasang gotei ahnyiinii lukai makle.

JEMS 1:21

Teijang- piinii katham karaam ninado kaikashyii jairali hangtei rat toi aisii, gonyii rangiigo keipyii kabui lingkai kabam samkang tei lung kamanoi tei njasii lukai wolo.

1 PITAR 2:2

nahmei karanumei takumpii, tinglang kaleita kamatei rangiimah nadwi gotei mangwilo; dapokii tei sak kalu teipii gonyiinii dikakhii thang kakhii ninado keikapyii karing doukido malahle.