TIILAMLWI KAPYIIMEI THA JUKAMATI 16:1 - KARANU KABI SAMTAM

¹ Sateichii mpounii Derbe ninado Laistra kido gongtakle, satei- chii julo, kamalum Jehudimei pwi hangninii nah sapfiimei zei Timothi sii kalat boumei hangninii teiki tei leile; mpou pfiinii Grikmeile.

TIILAMLWI KAPYIIMEI THA JUKAMATI 16:1 Iomraidhean Croise

TIILAMLWI KAPYIIMEI THA JUKAMATI 14:1

Toinii Ikoniam ki teito mpou- piinanii kaswisii Jehudimei mah ndwiki nitei liit takle sateichii samtei tam katu kito Jehudimeido Grikmeido mei hangkii malum wotakle.

TIILAMLWI KAPYIIMEI THA JUKAMATI 14:21

Sateichii ahnyiinii teiki namdi ki teito kabi rasam tam ralipyiisii meihang kago boumei tiiwosii Lustra, Ikoniam ninado Antiyok ki nlaigong takle.

TIILAMLWI KAPYIIMEI THA JUKAMATI 14:6

ahnyiinii teitei tigong wosanii, Lukaonia kito kalei Lustra ninado Derbe namdiki sateichii teiki pungbang hangki pak gong takle;

TIILAMLWI KAPYIIMEI THA JUKAMATI 17:14

Teito kangsana- mei teinii manoisekkii, Polgo dwijai ki katang tat matutang karam jangpii lang mpat aitakle, sateichii Sailas nei Timothi teinii teiki teito bamtu takle.

TIILAMLWI KAPYIIMEI THA JUKAMATI 18:5

Sateichii Sailas nei Timothinii Misidoniya kito tat kahum tinglang kak, Polnii Jisu ai Kristale katu tei Jehudimei hang dakii sakchyii pyiisii samtam kiteito lungliitsii bamle.

TIILAMLWI KAPYIIMEI THA JUKAMATI 19:22

Sateichii mpougo tiikahamei, Timothi nei Irastas ahnei hangnago Mesidoniya kikii lang mpat aisii mpoupum sek teinii tinglang shangniikii jangpii Ipisa kito bamtu takle.

ROMMEI 16:21

N-gu njoisii tha tiisii kalei Timothi sateichii gutat gureng kito kapat Lusiyas, Jason sateichii Sosi- patar-niido gonyiigo salam pyiileile.

1 KORENMEI 16:10

Timothinii gong leponii, gonyii- nii tiigatpii lukaipyii tang karam jangpii gonyiinii juseilo; kadapokii Inii tiikalei takumpii mpouniido Bangpii tha tiileile.

1 KORENMEI 4:17

Teijangpii Bangpii zei kito gumah lungkasyii ninado katam kaswi gunah sapfii mpou Timothigo gonyii dakii Inii lang magong leile. Bamlyiihang kito, Charsh hang kito, Inii ralikapyii takumpii, Jisu Krista dato kalei gumah jaitingshang hang tei mpounii gonyiigo tam maningloi pyiitangle.

1 KORENMEI 7:14

Kadapokii malum kasu naatei mpou nougo kapang kalu teipii Saraa doito lukai majyii takle, sateichii malum kasu noutei kama- lum naaki gong kalu teipii Saraa doito lukai majyii takle, aitiisii tiisu leponii, gonyii nahmei tei meidamei takum tangle, nlenii aitii katu taiswisii gonyii nahmei tei Saraa doito lukaimajyii takle.

2 KORENMEI 1:1

I-Pol, Saraanii kamaning kamarei kito Krista Jisu mah Tiilamlwi kapyiimei hangninii tiisii kalei sateichii nyii kangsanapii Timothi dato, Koren kito Saraanii lat mpat kalumei sateichii Akaiya sazyii lungto kalei kamalum meihang dakii:

2 KORENMEI 1:19

Kadapokii Silvanasnii, Timothinii sateichii Inii gonyii kak kikii tam rali kapyii Saraa nah sapfii mpou Jisu Krista, teinii “nle” katu sateichii “makle” katupii tei makle; nlenii mpounii Saraa mah “nle” katupii teile.

PILIPIMEI 1:1

Krista Jisumah kikaleimei tiisii kalei Pol ninado Timothi dato, Charsh kito doimajang kapyiimei ninado tiikahamei hang go njasii Philipiya kito kalei Krista Jisu zei kito kamateimei hang dakii:

PILIPIMEI 2:19

Sateichii gonyiimah nha tei shii wosii Iniido lung nta ranga tang karam jangpii, gonyii dakii Inii Timothigo kalangsii lang magong tanglesii Bangpii Jisu zei kito Inii maning malumle.

KOLOSIMEI 1:1

Saraanii kamaning kamarei kito Krista Jisumah tiilamlwi kapyiimei hangninii tiisii kalei, Pol ninado nyii sanapii Timothi dato.

1 THESOLONIKAMEI 1:1

Pol, Sailas ninado Timothi dato– Pfii Saraa ninado bangpii Jisu Krista dato kalei Thesolonika ki charsh dakii: Jumage kapyii ninado kamajung tei gonyiimah matulo.

1 THESOLONIKAMEI 3:2

sateichii kamage kalak ainii mei kata hangninii godo tii nlai matu kasu tiisii, gonyiimah kamalum mah kaang kito tiisangting pyii matu katu sateichii gonyiigo tiiha matu tang karam jangpii nyii kangsanapii sateichii Kristamah kabi rasam katam kito Saraa tha tiisii kalei Timothigo lang magong leile;

1 THESOLONIKAMEI 3:6

Nlenii aitoinii Timothinii gonyii dato nyiida nlaigongsii, gonyiimah kamalum sateichii lungkasyiimah kabi nha, sateichii nyiinii gonyiigo ngoukai kanyii takumpii gonyiiniido nyiigo ngoutang karam jangpii saryii- sii tinglang kaleita nyiigo tiigatpii maningsii leile katu tei nyiidakii tam mangou takle;

2 THESOLONIKAMEI 1:1

Pol, Sailas ninado Timothi dato nyii Pfii Saraa ninado Jisu Krista dato kalei Thesolonika kito kalei charsh dakii:

1 TIMOTHI 1:18

Gunah Timothi, gumah kaang kito Saraa sam katam meinii sung kareiki tam kabam samkang hang taiswisii, kakhatsam ai Inii godakii pyii leile. Nangnii bisii saryii tiikabui tiisii kabi kashyii titang karam lung- swi tei (teimah samkang hangtei) beitui tiisii jumlo.

1 TIMOTHI 1:2

Kamalum kito Gunah sapfii mpou Timothi dakii: Pfii Saraa ninado nyii Bangpii Jisu Kristanii jumage kapyii ninado kamajung tei pyii matulo.

2 TIMOTHI 1:2

Lungkasyii gunah sapfii mpou Timothi dakii, nyii pfii Saraa sateichii nyii Bangpii Krista Jisunii n-go jumage kapyii, lungsyii kati sateichii kamajung tei pyii matulo.

2 TIMOTHI 1:5

Godato kalei kasang kamalum tei Inii maning gongle, kamalum jaitiikasu ai kareiki gopei Luis ninado gopwi Unish dateito leile, sateichii aitoinii teitei godado leitakle katu Inii malumle.

2 TIMOTHI 3:11

Gumah kaset kalak kapyii ninado tiikamage katuhang taitei nangnii swiwo takle; Antiyok kito Ikoniam kito sateichii Lustra kito gudato kada dapei pat takpo, kadaziikapii kaset kalak tei Inii leh takpo katu nangnii tile, Nlenii teihang kiteito Saraanii n-gu keipyiile.

PHILIMON 1:1

Krista jangpiinii kabang kilungto kalei Pol ninado nyii kangsanapii Timothi dato– Nyii kangpii ninado nyiigo njoisii tha tiikalei Philemon.

HEBRUMEI 13:23

Nyii sanapii Timothigo kabang kito mpat- pyii aitakle, katu tei Inii gonyiigo timatunyiile, mpounii kalangsii gong- leponii, Inii mpougo kaswisii gonyiigo gong kadou tangle.