TIILAMLWI KAPYIIMEI THA JUKAMATI 15:7 - KARANU KABI SAMTAM

⁷ Teito samtei hang- kapii kajyiipat tusek-kii, Pitarnii gungtu sanii ahnyii dakii tamle, “He, kangsanamei, lui kakimeinii gu mwi kito kabi rasam tei shii wosii malum tang karam jangpii ndou karei kito Saraanii gonyii kak kito n-gu kalai mpat pyiitakle katu ai gonyiinii tile.

TIILAMLWI KAPYIIMEI THA JUKAMATI 15:7 Iomraidhean Croise

JONNII KARYII KABI RASAM JUKAMATI 15:16

Gonyiinii n-gu kalai makle, nlenii gonyiinii mangsii ti mati matutang karam jangpii ninado gonyii mah ti tei leimatu tang karam jangpii sateichii gonyiinii gu zei kito Pfii dato kakhang hangtei mpounii gonyiigo teitei pyii matutang karam jangpii, Inii gonyiigo kalai takle ninado bam kaipyii takle.

JONNII KARYII KABI RASAM JUKAMATI 3:27

Jon-nii khekalatle, “Sating gamto mpougo pyiikabam teisupii, mei kata hangninii kaniido samah kado dou- pei wolakle.

TIILAMLWI KAPYIIMEI THA JUKAMATI 1:16

“He kangsanamei, Jisugo kajum kak ahnyii mah Shekapyiipii Judas mah kaang kito, Devit mwi kito rangii kamateinii doireisii tam kabam kabi rasam tei madougong tang karamle.

TIILAMLWI KAPYIIMEI THA JUKAMATI 1:24

teito ahnyiinii riitasii tamle, “Meihang mah kamaning lungswi tisii kalei he Bangpii, Judasnii mpou bamki gong- tang karam jangpii, anga ngatang karam ninado Tiilamlwi kapyiimei hangninii bam ai matou aitakle.”

TIILAMLWI KAPYIIMEI THA JUKAMATI 10:19

Sateichii Pitarnii mpougo madhang kapyii tei kadapei goposii maning masak leibangpii rangiinii mpou dakii tamle, “Julo, sapfiimei hangtumnii n-go fiileile,

TIILAMLWI KAPYIIMEI THA JUKAMATI 10:20

Nlenii gungtusii tat humlo sateichii samah kado maning karhiirhii katu gasii ahnyiigo kaswisii tat tulo, kadaponii Inii ahnyiigo lang magong ziile.”

TIILAMLWI KAPYIIMEI THA JUKAMATI 13:2

Sateichii ahnyiinii Bangpii dato matasii malot- ryii leibangpii, rangii kamateinii tamle, “Barnabas nei Solgo Inii tha tiimatu tang karam jangpii latto takle; teijangpiinii mpoupiinago gujangpii aitoi mpat pyiilo.”

TIILAMLWI KAPYIIMEI THA JUKAMATI 15:14

Saraanii mpou zei jangpiinii lui kakimei kak kito meigo poi mpat tang karam jangpiinii karei kito kada takumpiinii mikjot tei jupyiipo katu tei Simonnii tam mpatpyii takle.

TIILAMLWI KAPYIIMEI THA JUKAMATI 15:2

Teito Pol nei Barnabasnii hangkapii hungsii sam kajyii katu kito sam kajyiisii kalei aikaang ki aito Pol nei Barnabas ninado ahnyii kak kito mei kangkago Jerosalem kikii Tiilamlwi kapyiimei ninado katingmeigo maa kadou matu tang karam jangpii kalai wotakle.

TIILAMLWI KAPYIIMEI THA JUKAMATI 15:39

aitiisii kajyiipatsii ahnyii hangninanii hangniniigo kapak aitakle, sateichii Barnabasnii mpougo kaswisii Mark- go pangsii Kaipras ki katang malyii hoisii tat tutakle.

TIILAMLWI KAPYIIMEI THA JUKAMATI 20:24

Nlenii gumah tii- kamajyii ninado Saraa mah kalung- set mah kabi rasam mah sakchyii pyiitang karam jangpii, Bangpii Jisu dato Inii doukalu atha tei Inii tiimashang tang karam jangpii, Inii gumah tiilung ai amai bamlesii, ninado gudato maiteenglesii maning makle.

TIILAMLWI KAPYIIMEI THA JUKAMATI 21:16

Sa- teichii nyiigo Kaisariya kito boumei chengniikado kaswisii tatle, ahnyii- nii nyiigo ki rhii matutang karam jangpii ndou karei kak boumei hangninii, Kaipras kito kalungmei Manason ki kalungkii pang gong takle.

TIILAMLWI KAPYIIMEI THA JUKAMATI 3:18

Nlenii Saraanii mpoumah Kristanii kamage kalak leh tang karam jangpiinii Lungka- kalingmei hang mah mwi kito doirei- sii mati kapyii tei aitiisii mpounii madou gong pyii takle.

TIILAMLWI KAPYIIMEI THA JUKAMATI 4:25

rangii kamatei paito goki kaleipii nyii pfii Devit mwi kito nangnii tampyii takle, ‘Kada jangpii lui kakimeinii kaishyii leipo sateichii aimei nah ainii kakadak lungswi ai kadajangpiinii maning leipo?’

TIILAMLWI KAPYIIMEI THA JUKAMATI 9:15

Nlenii Bangpiinii mpou dakii tamle, “Tat tulo, kadaponii lui ka- kimei hang, sagongmei hang ninado Isrelmeinah doito guzei pung tang karam jangpii sapfii mpou ai gujangpii kalai mpat kabam baituile.

PILIPIMEI 2:14

Manam marang katu mak-kii kachyiinhii katu gasii mahlyii hangtei tiilo.