TIILAMLWI KAPYIIMEI THA JUKAMATI 14:1 - KARANU KABI SAMTAM

¹ Toinii Ikoniam ki teito mpou- piinanii kaswisii Jehudimei mah ndwiki nitei liit takle sateichii samtei tam katu kito Jehudimeido Grikmeido mei hangkii malum wotakle.

TIILAMLWI KAPYIIMEI THA JUKAMATI 14:1 Iomraidhean Croise

MARK 7:26

Sapwi mpei tei Sirefenik kito kalung Grikmei pwile, mpoupeinii mpou-nah dato kalei sara kashyii gotei baatoipyii losii mpou dato khangle.

JONNII KARYII KABI RASAM JUKAMATI 12:20

Takbai tinglang kak mata tang karam jangpii Jerosalemki kagongmei hangkak kitei Grikmei kangkii hai leile.

JONNII KARYII KABI RASAM JUKAMATI 7:35

Jehudimei hangtei hangninanii hangninii dakii tamle, “Nyiinii mpougo ngou wokalak tiisii mei aipou ainii kadaki tat tuleziipo? Grikmeida marou maruk katu meida mangsii, Grikmeigo tam ralipyiine shiide?

TIILAMLWI KAPYIIMEI THA JUKAMATI 11:21

Sateichii Bangpii bah tei ahnyiigo kaswi- pyiisii, malum kalumei hangteinii Bangpiida ngaryii gong wotakle,

TIILAMLWI KAPYIIMEI THA JUKAMATI 13:43

Sateichii Jehudimei mah ndwibam kito ndwi kalei mei tei tat n-noupat sek-kii, Jehudimeido, Jehudimei kanat kajum Saraago kamaningmeido meihang kanii Pol ninado Barnabas tai swiwo takle; ahnyiinii ahnyiigo karashii sii Saraa mah kalungset kito tiigatpii bamtang karam jangpii ahnyiigo tam katwipyii takle.

TIILAMLWI KAPYIIMEI THA JUKAMATI 13:46

Teito Pol nei Barnabasnii lungdisii tamle, gonyii dakii Saraa mah kabi rasam ai tamrei tang karamle. Nlenii teitei gonyiinii gonyii dato kataitoisii kalui kaga karing doutang karam ai doumajyii maklesii gonyii roinapiinii maning kalu jangteipii, julo, nyiinii lui kakimeida tat tutakle.

TIILAMLWI KAPYIIMEI THA JUKAMATI 13:5

Sateichii mpoupiinanii Salamis kitei gong wosek-kii, Saraamah kabi rasam tei Jehudimei ndwibam hangki liitsii tam mpatpyii takle sateichii Jon-nii ahnyiigo tiihale.

TIILAMLWI KAPYIIMEI THA JUKAMATI 13:51

Nlenii mpoupiinanii ahnei pi ki buinei mana kalei tei piitamtoi aisii Ikoniam sazyiiki tei gong takle.

TIILAMLWI KAPYIIMEI THA JUKAMATI 14:19

Nlenii Antiyok ninado Ikoniam kito Jehudimei hangteinii teiki tei gongtakle; sateichii ahnyiinii mei- hang go katwikai pyiisanii, Polgo kuitupii rotsii, mpou taitakle katupii maningsii namdi kiteito sabakii mpougo chyiipat toi aitakle.

TIILAMLWI KAPYIIMEI THA JUKAMATI 14:2

Nlenii malum kasu Jehudimei teinii lui kakimei lungtei riiteikai pyiisanii, kangsanamei phyiiryii teikii karyiitu takle.

TIILAMLWI KAPYIIMEI THA JUKAMATI 14:21

Sateichii ahnyiinii teiki namdi ki teito kabi rasam tam ralipyiisii meihang kago boumei tiiwosii Lustra, Ikoniam ninado Antiyok ki nlaigong takle.

TIILAMLWI KAPYIIMEI THA JUKAMATI 16:1

Sateichii mpounii Derbe ninado Laistra kido gongtakle, satei- chii julo, kamalum Jehudimei pwi hangninii nah sapfiimei zei Timothi sii kalat boumei hangninii teiki tei leile; mpou pfiinii Grikmeile.

TIILAMLWI KAPYIIMEI THA JUKAMATI 16:2

Laistra sateichii Ikoniam kito kalei kangsanameinii mpou kaang kito hangkapii tam mbisii bam leile.

TIILAMLWI KAPYIIMEI THA JUKAMATI 17:12

Teijangpii ahnyii kak kito mei hangkanii ninado adzyii ka-nrou Grikki sapwimei ninado sapfiimei hangteinii malum wotakle.

TIILAMLWI KAPYIIMEI THA JUKAMATI 17:17

Teijangpiinii mpounii Jehu- dimei mah ndwi kiteito Jehudimei, Saraago kamaning lui kakimei ninado salikijangto sating kata mpougo kadou kaleimeigo kaswisii karashii njoile.

TIILAMLWI KAPYIIMEI THA JUKAMATI 17:4

Sateichii ahnyii kak kito mei chengniikii Saraa kamaningmei Grikmei kito mei kamoikii, sateichii sapwimei kak kito aphyii kasatmei hangkanii malum wosii Pol nei Sailas go kaswi wotakle.

TIILAMLWI KAPYIIMEI THA JUKAMATI 18:4

Sateichii mpounii bam ntak piinei leimik mata Jehudimei ndwi nito sam kajyiisii Jehudimei ninado Grikmei hang go malum matu tang karam jangpiinii hemle.

TIILAMLWI KAPYIIMEI THA JUKAMATI 18:8

Sateichii Jehudimei mah ndwinito apum katiipii Krispasnii mpouki kalung- mei hang go kaswisii Bangpiigo malum wotakle, sateichii Koren kito kaleimei hangkanii shiiwosii malumdo malum takle dwido mpum wotakle.

TIILAMLWI KAPYIIMEI THA JUKAMATI 19:10

Ai ai tingkum hangna katang tei aitiisii pat takle, teijangpiinii Asiya kito lung kalei mei hang, Jehudimeido, Grikmeido Bangpii mah samtei shii wotakle.

TIILAMLWI KAPYIIMEI THA JUKAMATI 19:17

Sateichii Ipisa kito kalei Jehudimei sateichii Grikmei hangnii ai ai tigong takle, sateichii ahnyii hangnii hingtakle sateichii Bangpii Jisu zei dipat tutakle.

TIILAMLWI KAPYIIMEI THA JUKAMATI 19:8

Sateichii mpounii Jehudimei mah ndwiki lung tei liit tosii Saraa mah sating sazyii kaang kito sam kajyiisii ninado hemsii sakhii hangtum katang lungdisii ralipyiile.

TIILAMLWI KAPYIIMEI THA JUKAMATI 2:47

Ahnyiinii Saraago tam matoisii meihang doitodo tiikaha tei doule sateichii keikapyii dou kalumeihang gotei bangpiinii sating kata ahnyii dakii kai mpam pyiile.

TIILAMLWI KAPYIIMEI THA JUKAMATI 20:21

mah kata bitang karam sam gonyii dakii tam ka-mpat kito sateichii mei machii doikii, aki-ki lungkado gonyii- go tam ralikapyii kito kada takumpii Inii nkhiimang makpo katu gonyiinii tile.

TIILAMLWI KAPYIIMEI THA JUKAMATI 21:28

saa mpatle, “He Isrel ki sapfiimei, tiihalo! Bamlyii hang kito nyii meigo ajaitingshang go sateichii bam aigo tam mashyiisii meihang go rali- kapyiipii tei aile sateichii aidoito kisii mpounii Grikmeihang go Saraa kamaningki lung pangliitsii kamatei bam aigo tiimahong aitakle.”

TIILAMLWI KAPYIIMEI THA JUKAMATI 9:20

Sateichii mpounii Jehudimei mah ndwini hangki tei liitsii, “Jisu ai Saraanah sapfii mpoule” sii tam ralipyiitu takle.

ROMMEI 1:16

Kadaponii Inii kabi rasam jangpii ka-nrou gale; kadapochiinii teitei kamalum mei hangnii keikapyii karing doutang karam Saraa mah teimahamle; karei kito Jehudimei go sateichii Grikmei godole.

ROMMEI 10:12

Kadapokii Jehudimei nei Grikmei kak taam kaki samah kado gale; kadaponii kalei kaga mah Bangpii tei hangniniile, sateichii mpounii mpougo kalat hang go mpoumah kani kahii tei mangou pyiile.

GALATIMEI 2:3

Sateichii n-gu kaswisii kalei Taitas, mpou ai Grikmei tiisii leikado, mpougo tiigyii malemlosii dwisii pumtei tiiki makle.

GALATIMEI 3:28

Jehudimeido, Jehudimei kasu luikakimeido thamki makle, apum meido, kikaleimei do taamki makle, sapfiimeido, sapwi- meido tam kimakle, kadaponii gonyiinii Krista Jisugo kaswisii hangninii tiikalu kito gonyii hang ai hangniniile.

KOLOSIMEI 3:11

Kasatai mei aikito, Grikmei ninado Jehudimei, tiigyii malem kaleimei ninado tiigyii malem kasumei, dikhiikasumei, meijai tika- sumei, kabangmei ninado Abangmei katu gale, nlenii Kristanii mahlyii hangle, sateichii mahlyiihang kito leile.

2 TIMOTHI 3:11

Gumah kaset kalak kapyii ninado tiikamage katuhang taitei nangnii swiwo takle; Antiyok kito Ikoniam kito sateichii Lustra kito gudato kada dapei pat takpo, kadaziikapii kaset kalak tei Inii leh takpo katu nangnii tile, Nlenii teihang kiteito Saraanii n-gu keipyiile.