TIILAMLWI KAPYIIMEI THA JUKAMATI 13:43 - KARANU KABI SAMTAM

⁴³ Sateichii Jehudimei mah ndwibam kito ndwi kalei mei tei tat n-noupat sek-kii, Jehudimeido, Jehudimei kanat kajum Saraago kamaningmeido meihang kanii Pol ninado Barnabas tai swiwo takle; ahnyiinii ahnyiigo karashii sii Saraa mah kalungset kito tiigatpii bamtang karam jangpii ahnyiigo tam katwipyii takle.

TIILAMLWI KAPYIIMEI THA JUKAMATI 13:43 Iomraidhean Croise

METIU 23:15

“Kabijai katiimei, Ajai ting- shang kati ojamei ninado Farasismei gonyii, kadaziikapii kamage tangpo! Kadapokii gonyiinii dwijai ninado sazyii katang hangki tatsii tatsanii meihangninii go gonyii kak ki hai matutang karam jangpii hemle, sateichii gonyiinii ah go ngam wosek-kii gonyiinii ahgo gonyii takumpii mibam ki liit kamajyiimei tiipyiile.

TIILAMLWI KAPYIIMEI THA JUKAMATI 11:23

Mpounii gongsii Saraa mah ka- lungset tei ngou wosii ntale, sateichii ahnyiihang go lung sangtingsii Bangpii dato taksupii bam matutang karam mpounii tam katwipyiile.

TIILAMLWI KAPYIIMEI THA JUKAMATI 13:50

Nlenii meinii sadzyii ngariit katii ninado Saraago kamalum mei sapwimei hang go Jehudimeinii katwikai pyiisanii Pol nei Barnabas phyiiryiikii tiikamage pyiitang karam jangpii sam kamoi tii mpat pyiisanii, ahnyii mah sazyii kiteito baatoi aitakle.

TIILAMLWI KAPYIIMEI THA JUKAMATI 14:22

Bamlyii hang ki teito boumei lung tiisangting pyiisii kamalum kiteito taksupiinii bam matutang karam jangpii katwisii kamage kalak hangkago kaswisii nyiinii Saraa mah sating sazyiiki liit tang karamlesii tam ralipyiile.

TIILAMLWI KAPYIIMEI THA JUKAMATI 14:3

Teijangpiinii ahnyiinii Bangpii paikito kahing gasii karashii sii teikito tinglang kathangkii bam takle, ahnyii bahpiinii tiikamangou ninado kamadat kamadat tiimangou pyiisii mpoumah kalungset mah samtam kito mpounii sakchyii pyii takle.

TIILAMLWI KAPYIIMEI THA JUKAMATI 16:14

Sateichii Taiyatira namdi kito zei Laidiya sii kalatpei majyiikabi peimani joi kaleipei ninado Saraago mata kaleipei sapwi mpei hangninanii tam rali kapyii tei shiiwole, Polnii tam ka-mpat samtei lung liitsii shii matu tang karam jangpii Bangpiinii mpoupei lungtei laatpyii takle.

TIILAMLWI KAPYIIMEI THA JUKAMATI 17:17

Teijangpiinii mpounii Jehu- dimei mah ndwi kiteito Jehudimei, Saraago kamaning lui kakimei ninado salikijangto sating kata mpougo kadou kaleimeigo kaswisii karashii njoile.

TIILAMLWI KAPYIIMEI THA JUKAMATI 17:34

Nlenii sapfiimei kangkanii mpou- go tiigatpii kaswisii malum wotakle. Kamalum mei kak kito Areyopagas ki Diyonusiyas, Damaris sii kalat sapwi mpei hangninii sateichii ahnyiigo kaswisii kaki kakimei hangdo haile.

TIILAMLWI KAPYIIMEI THA JUKAMATI 17:4

Sateichii ahnyii kak kito mei chengniikii Saraa kamaningmei Grikmei kito mei kamoikii, sateichii sapwimei kak kito aphyii kasatmei hangkanii malum wosii Pol nei Sailas go kaswi wotakle.

TIILAMLWI KAPYIIMEI THA JUKAMATI 18:7

Sateichii mpounii teiki teito tatpat tosii Titius Justas sii kalat Saraago kamalum mei hangninii kilung liit takle; mpou kitei Jehudimei mah ndwini doisek tei bamle.

TIILAMLWI KAPYIIMEI THA JUKAMATI 2:10

Prigiya ninado Pamphaliya, Izip sateichii Sairen ki Libiya pungbang kitole, nyiikak kito mei kangkanii Rom kito gongle.

TIILAMLWI KAPYIIMEI THA JUKAMATI 28:23

Sateichii ahnyiinii mpou dakii tingneikii leimik karet kalu kito, ahnyiimei moi mpounii kazyiibam kitei gong takle. Mpounii ahnyii dakii Moses mah ajaitingshang kiteito sateichii Lungkakalingmei mah larek kiteito Saraa mah sating sazyii mah kaang kiteito sakchyii tiisii, sateichii Jisu mah kaang kiteito ahnyiigo malum tang karam jangpii hemsii tingchoito tingkhii katang tam ralipyiile.

TIILAMLWI KAPYIIMEI THA JUKAMATI 6:5

Teito ahnyiinii katam sam teipiinii meihang lungtei tiisamou pyiitakle, sateichii ahnyiinii kamalum ninado rangii kamateipii tokryiisii kalei sapfii mpou Stifan sii kalat ninado Filip, Prokorus, Nikanor, Timor, Parminas, ninado Antiyok ki Jehudimei mah kanat kanhii kajum- pii Nikolous, ahnyii aigo kalai mpat tosii,

ROMMEI 11:6

Nlenii ai ai jumage kapyii paitole, lepochiinii, ai ai nlailoisii tha kito sutakle; suleponii jumage kapyii tei jumage kapyiiloi sutakle.

ROMMEI 3:24

Nlenii Jisu Krista dato kalei kaleikapyii paikito mpou mah jumage kapyii teipii ahnyiigo matapii tiimajyiipyii takle.

ROMMEI 5:2

Mpou paikito aitoi nyiinii lung kalei Saraa mah jumage kapyii ai doutakle, sateichii Saraa mah pumtei kava mah njai tei nyiinii doutang karam kamalum jangteipii ntale.

ROMMEI 5:21

Kadaponii kem teinii katai kito magong kalei takumpii, jumage kapyii teido kalui kaga tiilung kito kasang kamajyii jangpii nyii Bangpii Jisu Krista paito magongsii lungtang karam jangpiile.

2 KORENMEI 5:11

Bangpiigo kahing katu tei kadapeigopo katu tei nyiinii tisii, malum kabui tiisii nyiinii meigo tampyiile. Nyiimah kaang kito matum madum tei Saraanii tile; sateichii gonyii lung kito gonyiinii n-gudo tile katu tei Inii maning malumle.

2 KORENMEI 6:1

Nyiinii Saraago kaswisii tha tiisii leile, teijangpii Saraa mah jumage kapyii tei matapii kadaktoi sulosii nyiinii gonyiigo khang leile.

GALATIMEI 5:1

Mpou rangra tiimatu tang karam jangpii Kristanii nyiigo laat mpatpyii takle, tei jangpiinii tiigat- piinii satlo, sateichii kikalei mah kamaswi pot tei pungloi sulo.

GALATIMEI 5:4

Ajaitingshang paikito tiimajyii tiimatwi pyii matu tang karam jangpii mahungsii tiisii kalei gonyii Krista dato tak ndang gatakle, gonyiinii jumage kapyii kiteito kougatakle.

IPISAMEI 2:8

Kadapokii kamalum paikito Saraamah jumage kapyii teipii gonyiigo keipyii takle. Teiteinii gonyiinii mahungsii tha katiihang kito doukalu mah makle, nlenii Saraanii kapyii luhale, teijangpii tei kaang kito meikaniido detdi wolakle.

PILIPIMEI 3:16

Nlenii kata kado, aitoi katang nyiinii swipi kalu njoi katu ajaihang taiswisii nyiinii doilam tatde.

PILIPIMEI 4:1

Teijangpii, Inii lungkasyii ninado mangwisii kalei gukangsanamei, gumah ka-nta ninado gumah phyiihung tiisii kalei mei, Bangpii dato sangtingsii satpyiilo, gumah lungkasyiimei!

KOLOSIMEI 1:23

Nlenii gonyiinii kabi rasam shiikalu ting- lang kak doukalu gonyiimah maning kamalum kiteito nlai matusupii kasangting soikalak bangmaa kiteito malum kabui tei tiijousii leitang karamle. Pol, Inii nga ngakalei ai aimah kabi rasam katunii, sazyii pouryiito kaleihang go tam ralipyii kabam kitole.

KOLOSIMEI 1:28

Teipii nyiinii meihang dakii Krista tam ralipyiile, Kristago hangninii tiisii nja kalu kito, mei hang go nyiinii tiimatui mashang kalu mei nsang nsang tiisii Saraa doi poigong tang karam jangpii, swirek kabi hangteipii ahnyiigo tiiloi sulosii nyiinii kakhatle sateichii ralipyiile.

TAITAS 2:11

Kadapokii meihangmah keika- pyii karing jangpii Saraamah jumage kapyii tei gongpyii takle.

HEBRUMEI 12:15

Saraa mah jumage kati kiteito tai nlaitu kasu tiisii machyiigat wolo. Mei kado “kakaabang” hangninii tiisii pokpat ahmah hiikara teipiinii kaki hang- kiigo tiimashyii katu takum matu sulo.

HEBRUMEI 13:9

Kataam ninado katwum katwum ralikapyii hang teipiinii gonyiigo kasang pwidi kiteito chyiisii tat matu sulo; chiitak mah ajaitingshang go swikatu teisupiinii, Saraamah jumage kapyii kiteito alungmah teimaham doukatu ai bile, Aihang aigo swikalumei hang gotei tei teipiinii kabi tei pyiimakle.

1 PITAR 5:12

Malum kabuimei hangninii tiisii Inii poikalei nyii sanapii Sailas mah tiikaha kito gonyii dakii Inii dwisii ryiileile, katunii, Inii tam katwisii, ai ai Saraamah kasang jumage kapyii teilesii sakchyii pyii leile, gonyiinii jumage kapyii ailung aito sangtingsii satlo.

2 PITAR 3:14

Teijangpii lungkasyiimei, gonyii- nii aijangpii koikalei taiswisii, mpou mikjot kito sajek ninado kama gasii, majungsii gonyiigo mpounii dou wokabui tiilo.

1 JON 2:28

Gunahmei, aitoinii mpounii kagong tinglang kak nyiinii lung kalum tei doukabui tiisii, sateichii mpounii kagong piinei leimik mpou dato nrousii mbeilak tang karam jangpii gonyiinii mpou dato taksu- piinii leilo.

2 JON 1:9

Mei kata hangninanii Kristamah karali gotei kaswisii leikasu, nlenii teigo majusii tat kalei teinii Saraago doumakle. Kristamah karali kito kaleimei hang teinii Pfii godo, nah sapfii mpou godo doule.