TIILAMLWI KAPYIIMEI THA JUKAMATI 13:12 - KARANU KABI SAMTAM

¹² Teitinglang ki Governor teinii pat kaleihang tei ngou wosek-kii, Bangpii mah ralika- pyii gotei madatsii malum wotakle.

TIILAMLWI KAPYIIMEI THA JUKAMATI 13:12 Iomraidhean Croise

METIU 27:54

Sateichii saryiimei mei hai phyiiryii kasatpii nei mpougo kaswisii Jisugo koikalei mei teinii malyii kachyii ninado pat kalei hangtei ngou wosek-kii, hangkapii hingsii tamle, “Kasangpii mpou ai Saraa nah sapfii mpoule!”

LUKNII KARYII KABI RASAM JUKAMATI 4:22

Sateichii ahnyiihangnii mpou kaang kito kabi tei karashiile satei- chii mpou mwi kito kapat lungkasyii sam gotei shii sii sung gasii tamle, “Ai-ai Joseph nah sapfii mpou tei makpo?”

LUKNII KARYII KABI RASAM JUKAMATI 7:16

Teito ahnyii hang teinii kahingpii tokryiisii Saraa go toile; “Lungkakalingmei hangninii nyiikak ki gongpyii takle; sateichii Saraanii mpoumeigo kaleipyii tang karam jangpii gongpyii takle,” sii ahnyiinii tamle.

JONNII KARYII KABI RASAM JUKAMATI 7:46

Ahnyiinii khekalatle, “Mei aipou takumpiinii mei kaniido malhii sang malhii makle!”

TIILAMLWI KAPYIIMEI THA JUKAMATI 13:48

Sateichii lui kakimei hangnii ai ai shiiwo sek-kii, ntado nta takle, Saraa mah kabi rasam godo tam matoile sateichii kalui gasii lungtang karam jangpii kalai kalumei hangnii malum wotakle.

TIILAMLWI KAPYIIMEI THA JUKAMATI 13:49

Sateichii Bangpii mah kabi rasamtei bamlyii hang kikii tam nhatu takle.

TIILAMLWI KAPYIIMEI THA JUKAMATI 13:7

Mpounii dwipii maguisii kalei sazyii teiki mah apum katiipii Sargios Poulus sii lat kalei kati kahai sapfii mpou gotei kaswisii bam leile. Dwipii maguisii kabam sazyii mah apum katiipii teinii Barnabas nei Sol go lat tosii, Saraa mah kabi rasamtei shiitang karam jangpii tiile.

TIILAMLWI KAPYIIMEI THA JUKAMATI 13:8

Nlenii Eluma, kamadat mahai katiipii teinii (Grik lat kito mpou zei tei teile) mpoupiinago dangnaiwosii, dwipii maguisii kalei sazyii mah apum katiipii teinii malum tang karam kiteito karektoi tang karam pwidi fiitu takle.

TIILAMLWI KAPYIIMEI THA JUKAMATI 15:35

Nlenii Pol nei Barnabasnii mei kakimeigo kaswisii Antiyok kito Bangpii mah kabi rasam ralipyiisii ninado tam ralipyiisii bam takle.

TIILAMLWI KAPYIIMEI THA JUKAMATI 15:36

Sateichii tinglang shangniikii tai Polnii Barnabas dakii tamle, “Nyiinii Bangpii mah kabi rasam tam ralipyii kabam namdi hang kiteito kangsanamei hangteinii kada takumpiinii bampo katu aitoinii nlailoisii jule je.”

TIILAMLWI KAPYIIMEI THA JUKAMATI 18:12

Nlenii Gallionii Akaiyaki Rom- mei mah Governor pung kaleidou, Jehudimeinii gong ndwi wosii, Polgo jumsii Sratki pangkhiisii tamle.

TIILAMLWI KAPYIIMEI THA JUKAMATI 19:10

Ai ai tingkum hangna katang tei aitiisii pat takle, teijangpiinii Asiya kito lung kalei mei hang, Jehudimeido, Grikmeido Bangpii mah samtei shii wotakle.

TIILAMLWI KAPYIIMEI THA JUKAMATI 19:20

Aitiisii Bangpiimah kabi rasam tei katei teimaham lam- pangto tei buibuisii dipat takle.

TIILAMLWI KAPYIIMEI THA JUKAMATI 19:38

Teijangpiinii Demitrius ninado mpougo kaswi kalei baichem katimei hang mah sam ai mei kata hangninii phyiiryiikii lei lepochiinii, Sratki ai laatbamle sateichii sazyii aigo apum katiimeido bamle, ahnyiinii hangninanii hangninii phyiiryiikii kama tei poigong matulo.

TIILAMLWI KAPYIIMEI THA JUKAMATI 19:7

Sa- teichii ahnyii kalei kagapii sapfiimei keariisiinakhii-kiile.

TIILAMLWI KAPYIIMEI THA JUKAMATI 28:7

Sateichii tei kiku tei Publias sii kalat, dwipii magui kalei sazyii abangpii mah sazyii chengniikii leile, mpounii nyiigo lukai pyiisanii leimik hangtum ai lungsyii gatsii nyiigo mpouki rhiimatule.

TIILAMLWI KAPYIIMEI THA JUKAMATI 6:10

Nlenii mpounii swirek kabi ninado rangiipii tam kalei doi teito ahnyiinii satpei wolak takle.

TIILAMLWI KAPYIIMEI THA JUKAMATI 8:25

Aitiisii ahnyiinii Bangpii mah sam tam tei tiigatpii sakchyii tiisii tampyii aisii, Samariyamei mah nam namki tei liitsii kabi rasam tamsii tamsii Jerosalem ki nlai gongle.