TIILAMLWI KAPYIIMEI THA JUKAMATI 12:4 - KARANU KABI SAMTAM

⁴ Sateichii mpounii ahgo jum wosek- kii, kabang kikii kai aisii saryiimei madai madaipii ska madaito mpougo koimatu tang karam jangpii pyiitoi aitakle, kadaponii kaakamaju mah hang-ngi tainii mpougo machii doikii poi mpat lesii maningsii bamle.

TIILAMLWI KAPYIIMEI THA JUKAMATI 12:4 Iomraidhean Croise

METIU 24:9

“Teito ahnyiinii gonyiigo tiika- mage tang karam jangpii pyiitangle sateichii gonyiigo gitangle ninado Lui hangnii gu zei jangpii gonyiigo ngourou tangle.

METIU 26:5

“Nlenii meimoi kak tito khoi nrung pat matu kasu tiisii, nyiinii ai ai takbai ki kak tiilak tang karamle, sii ahnyiinii tam takle.”

MARK 14:1

Leimik hangnatai tei kaa- kamaju mah takbai ninado ahee kaihai kasu tiirok takbai tei hang-ngi lesii bam takle, sateichii tingdimei ninado ajaitingshang kati ojamei hang teinii mpougo dakum- piinii makumpii jumsii gitangpo katu pwidi tei fiitu takle;

LUKNII KARYII KABI RASAM JUKAMATI 21:12

Nlenii matum madum ai pat kasunakii, ahnyiinii gonyiigo jumtangle, sateichii tiika- mage tangle, ahnyiinii gonyiigo Jehudimei Ndwiki nikii sateichii kabang kikii kaisii, gu zei jangpiinii Sagongmei ninado Governor doikii pangkhii tangle.

LUKNII KARYII KABI RASAM JUKAMATI 22:33

Teito Pitarnii mpou dakii tamle, “Bangpii, Inii n-go kaswisii kabang ki liit kado mak-kii katai katang tei gotai switangle.”

JONNII KARYII KABI RASAM JUKAMATI 19:23

Saryiimeinii Jisugo krosh gamkii dhangsii jotpyii kagee tinglang kak, mpoumah peimani tei ahnyiinii poi wosii,

JONNII KARYII KABI RASAM JUKAMATI 21:18

Kasang kasangpii Inii godakii tam leile, Nangnii tiina kaleidou, goroi- napii nangnii kakee haikang wosii, nangnii tat kanyii bam hangki tatsii leile; nlenii nangnii ting wosekchii, nangnii gobah ntaapat tangle sateichii mei kaki hangninanii n-go kakee kakpyii sanii, nangnii mang karou bamni teikii n-go pang mang tangle.”

TIILAMLWI KAPYIIMEI THA JUKAMATI 12:3

sateichii aipiinii Jehudimei hang go lung kasaat tei pyiitakle katu tei mpounii ngouwo sek-kii, Pitar godo mpounii jum maluwo takle. Sateichii teitei ahee kaihai kasu kaakamaju mah tiirok hang-ngi tinglang kakle.

TIILAMLWI KAPYIIMEI THA JUKAMATI 12:5

aitiisii kabang kilungto Pitargo koibamsii bamle, nlenii mpou jangpii Charsh hangnii teisii riitale.

TIILAMLWI KAPYIIMEI THA JUKAMATI 4:28

nangnii gobahpii ninado goswipii adoito pat tang karam, reipii tiida kabam hangtei pat matutang karam jangpii, kasangpii namdi aikikii ahang go chyii ndwipyii takle.

TIILAMLWI KAPYIIMEI THA JUKAMATI 4:3

Teijangpii ahnyiinii mpoupiinago jum wosii kabang kikii kai aitakle, kadaponii tei tinglang tei tingkhii takle.

TIILAMLWI KAPYIIMEI THA JUKAMATI 5:18

Ahnyiinii Tiilamlwi kapyiimei gotei jumwosii, kabang kikii kai aitakle.

TIILAMLWI KAPYIIMEI THA JUKAMATI 8:3

Nlenii Solnii ki hang kitei liitsii sapwimei sapfiimei hang go chyii mpatsii kabang kikii kaisii meihang gotei tiikamage pyiile.