TIILAMLWI KAPYIIMEI THA JUKAMATI 10:22 - KARANU KABI SAMTAM

²² Sateichii ahnyiinii tamle, “Saryiimei mei hai phyiiryiito apum tiikaleipii Kornilius, kasang ninado Saraago kahing sateichii Jehudimei lui hangnii tam ka-mbipii dakii, mpou kikii n-go pang gong matutang karam jangpii ninado godato sampao tei shii tang karam jangpii kamatei sating gamluinii tampyii ralipyii takle.”

TIILAMLWI KAPYIIMEI THA JUKAMATI 10:22 Iomraidhean Croise

METIU 1:19

Sateichii mpoupei mah naa Joseph ai kasang kamajyii- mei katu taiswisii meihang doito mpoupeigo tiisangamrousii makumpii mpat aitang taklesii maning takle.

METIU 2:12

Sateichii Saraanii ahnyiigo Herotda nlaigong sulosii ahnyii mah mang kito mati kapyii taiswisii ahnyiinii pwidi kakilamto ahnyii mah sazyiiki katang tei tat tutakle.

MARK 6:20

Dapokii Herot- nii Jon ai mei kabi meile sateichii kamatei meile katu tisii, mpougo hingle ninado keipyiile sateichii mpou-sam shii wosii mpou lung ai lungnyii lunghao kido mpou-sam ai ntasii shiile.

MARK 8:38

Kadapokii mei-nou mainahgo kachyii ninado kakui kama ai-haki aito kalei mei kata kangkanii gujangpii ninado gusam jangpii n-rou lepochiinii ah dato meinah sapfii mpou teinado n-rou tangle, mpounii kamatei sating gamlui hang go kaswisii Pfii mah pumtei kava kito kagong kak tei.

LUKNII KARYII KABI RASAM JUKAMATI 2:25

Teitinglang kak mei hangninii Simion katupii ai Jerosalem ki lung leile; mpou ai Isrelmei lung tei tiisamoupyii tang karam go koisii, Saraa go kati, kasang kamajyii tiisii kalei mei hangniniile, sateichii rangii kamateinii mpougo kaswi leile.

LUKNII KARYII KABI RASAM JUKAMATI 23:50

Aitoinii Arimati sii kalat Jehudimei nam namdi kito lungkalei Joseph sii kalat sapfiimei hangninii bamle, mpou ai samtak katii katingmei kak ki kahaimei mei kabi sateichii kasang kamajyiimei hang- niniile;

LUKNII KARYII KABI RASAM JUKAMATI 9:26

Kadapochii gujangpii sateichii gusamtam hang jangpii mei kata kangkanii nrou leponii, meinah sapfii mpou teinii mpou doito nrou- tangle–mpoumah pumtei kava kito sateichii sating gamlui mah pumtei kava kito mpounii kagong kak.

JONNII KARYII KABI RASAM JUKAMATI 13:20

Kasang kasangpii Inii gonyii dakii tam leile, Inii lang kamagongmei kata hangniniigo lukakaimei hangteinii n-gu lukaile sateichii n-gu lukakaimei hangteinii n-gu lang kamagong ahgo lukaile.”

JONNII KARYII KABI RASAM JUKAMATI 17:20

“Sateichii ahnyii jangpii roinii Inii riita makle, nlenii ahnyii mah samtam kito malum kalu ahnyii jangpiido,

JONNII KARYII KABI RASAM JUKAMATI 17:8

Kadapokii nangnii gudakii kapyii samhang tei Inii ahnyii dakii pyiitakle sateichii ahnyiinii teitei lukaiwo takle, sateichii Inii godato gongle katu tei ahnyiinii kasangpii titakle sateichii nangnii n-gu lang magongle katu tei ahnyiinii malum takle.

JONNII KARYII KABI RASAM JUKAMATI 5:24

“Inii gonyii dakii kasangpii tam leile, gusam shiisii ninado n-gu lang kamagong ahgo malumsii kalei ahteinii kalui kaga karing tei doutakle; sateichii samtak katii kitei ahnii hailakle, nlenii ahnii katai kito karingki kaamajupat wotakle.

JONNII KARYII KABI RASAM JUKAMATI 6:63

Karing kapyii tei Saraa mah rangiiniile, meinah mah teimaham teinii samah kado kabi tei gale. Inii gonyii dakii katam samtei rangiile, ninado karingle.

JONNII KARYII KABI RASAM JUKAMATI 6:68

Saimon Pitarnii mpougo khekalatle, “Bangpii, nyiinii tada tat tutangpo? Godato kalui kaga karing mah samkang hangtei leile.

TIILAMLWI KAPYIIMEI THA JUKAMATI 10:2

Mpou ai Saraa go kamalum mei hangniniile sateichii mpouki kalungmei matum madum Saraa go matale, mpounii kangmeigo hangkapii tiihasii tak- supii Saraago matasii bam leile.

TIILAMLWI KAPYIIMEI THA JUKAMATI 10:21

Teito Pitarnii sapfiimei lumei datei tat humsii tamle, “Julo, gonyiinii fiisii kalei mei tei I-le, gonyiinii kadapei jangpii gong leipo?”

TIILAMLWI KAPYIIMEI THA JUKAMATI 10:30

Teito Korniliusnii tamle, “Leimik madai tat tutakle, aikakum tinglang dou, Inii gukito tingna pung sokchyii kashang mah riitasii bamle; sateichii julo, peimani kaha kai kalei sapfiimei hangninanii gudoi gong sat tosii tamle,

TIILAMLWI KAPYIIMEI THA JUKAMATI 10:33

Teijangpiinii Inii tei- tinglang sek-kii, godakii lang mpatle, sateichii nangnii lungsyiisii gong kapyii ai hangkapiinii bitakle, teijangpii Bangpiinii godakii kakhat kabam samhang tei shiitang karam jangpii nyii meihangnii aitoi Saraa doito sat leile.”

TIILAMLWI KAPYIIMEI THA JUKAMATI 10:6

Mpou teinii Simon sii kalatpii tii- gyiitha katiimei hangniniiki rhiiziile, mpouki teinii dwijai kuto bamle.”

TIILAMLWI KAPYIIMEI THA JUKAMATI 11:14

mpounii godakii sam tampyii tangle, sam mah paikito nangniido goki kalungmei hangniido keikapyii tei doutangle.

TIILAMLWI KAPYIIMEI THA JUKAMATI 22:12

“Sateichii teibam kito kalei Jehudimei hangnii kahi kalei, ajai tingshang taiswisii Saraago kama- lum mei Ananiyas sii lat kalei sapfiimei hangninanii guda gongsii,

TIILAMLWI KAPYIIMEI THA JUKAMATI 24:15

Iniido Saraa dakii kamalum tei bamle, ahnyiinii kabam takumpii, katunii, meihang, kabimeido kashyiimeido katai kito ringkhii tangle.

TIILAMLWI KAPYIIMEI THA JUKAMATI 6:3

Teijangpii kangsanamei, rangii kamateipii ninado swirek kabi piinii tokryiisii kalei sapfiimei sana ai gonyii kak kito kalai wolo, sateichii nyiinii ahnyiigo tha ai phyiiryiikii bam kaipyii tangle.

ROMMEI 1:17

Kada- ponii aikikii kamalum kito kamalum jangpii Saraa mah kasang kamajyii tei mangoupyii takle, aitiisii ryii kabam takumpiinii “Kasang kamajyii meinii kamalum kito ringtangle.”

2 KORENMEI 5:18

Saraanii aihang ai nyii jangpii tiipyii takle, sateichii Kristanii nyii jangpii ai ai tiikapyii jangpiinii ngou karou saryiimei tiisii kalei kito Saraanii nyiigo nlailoisii mpou kangmei katii kikii tiikalipyii takle. Aitoinii mei kakimei hang godo mpou kangmei tiimatu tang karam jangpii tiitang karam tha tei nyiigo pyiitakle.

1 TIMOTHI 3:7

Mpounii nrou sangamsii seitan mah mphee kitei liit kasu tiisii, sabato kaleimei hangnii mpougo sadzyii ngariit tiisii kaleimei hangninii tang karamle.

HEBRUMEI 10:38

Nlenii gumei kasang kamajyiimei hangteinii, kamalum teipii ring tangle, sateichii ahnyii kak kito mei kata hangninanii tailam pang nlaitu leponii, Inii ahgo lungmang lakle.”

HEBRUMEI 11:2

Kadapokii ndou kareimei hangnii ahnyiimah kamalum tei- piinii Saraamah kamazhii sakchyii tei douwole.

HEBRUMEI 12:23

sating gamkii zei ryiikai kabam lung karei nah sapfiimei hang go ndwini sateichii samtak tiitang karampii Saraada, sateichii mei kabimeigo sajek kaga tiikapyii rangii hangda,

2 PITAR 3:2

katunii, ndou kareiki lung- kakalingmeinii tam kabam ninado tiilamlwi kapyiimei mah paikito gonyii dakii pyiikabam Bangpii ninado nyiigo keikapyiipiimah kakhatsam tei gonyiinii maningloi matu tang karam jangpiile.

3 JON 1:12

Meihangnii sateichii kasang sek teinii Deumitrios mah sakchyii pyiitakle, Iniido mpougo sakchyii pyiileile, sateichii gumah sakchyii ai kasangle katu nangnii tile.

MATIMANGOU KAPYII 14:10

ahmah raka- rhiimah peek kiteikii teimaham matumpii ahnii ruikai kabam, Saraamah jou tei ahniido sak tangle! Sateichii ahgo mipii sateichii sul- phurpii kamatei sating gamluihang ninado jaonah doiteito tiikamage tangle.