TIILAMLWI KAPYIIMEI THA JUKAMATI 10:2 - KARANU KABI SAMTAM

² Mpou ai Saraa go kamalum mei hangniniile sateichii mpouki kalungmei matum madum Saraa go matale, mpounii kangmeigo hangkapii tiihasii tak- supii Saraago matasii bam leile.

TIILAMLWI KAPYIIMEI THA JUKAMATI 10:2 Iomraidhean Croise

METIU 25:17

Teitakumpii talent hangna doukalu kikaleipii teinii kaki talent hangna dou wotakle.

LUKNII KARYII KABI RASAM JUKAMATI 18:1

Sateichii ahnyiinii taksupiinii riita tang karam ninado lung tailak tang karam jangpii mpounii ahnyii dakii ndasam hangninii tamle.

LUKNII KARYII KABI RASAM JUKAMATI 2:25

Teitinglang kak mei hangninii Simion katupii ai Jerosalem ki lung leile; mpou ai Isrelmei lung tei tiisamoupyii tang karam go koisii, Saraa go kati, kasang kamajyii tiisii kalei mei hangniniile, sateichii rangii kamateinii mpougo kaswi leile.

TIILAMLWI KAPYIIMEI THA JUKAMATI 10:22

Sateichii ahnyiinii tamle, “Saryiimei mei hai phyiiryiito apum tiikaleipii Kornilius, kasang ninado Saraago kahing sateichii Jehudimei lui hangnii tam ka-mbipii dakii, mpou kikii n-go pang gong matutang karam jangpii ninado godato sampao tei shii tang karam jangpii kamatei sating gamluinii tampyii ralipyii takle.”

TIILAMLWI KAPYIIMEI THA JUKAMATI 10:31

‘Kornilius,’ gomah kariita tei shiipyii takle sateichii nangnii meigo lungsyii lungset kati hangtei Saraa doito mangai supii maningsii bamle.

TIILAMLWI KAPYIIMEI THA JUKAMATI 10:35

nlenii lui hang kito mpougo kahing ninado kasang kamajyii tha katiimei hang go mpounii mazhiipyiile. Jisu Krista mah paito kamajung mah kabi rasam tei tamroisii,

TIILAMLWI KAPYIIMEI THA JUKAMATI 10:4

Teito mpounii mik karangsii hingsii tamle, “Kadapeipo, Bangpii.” Teito Ahnii mpou dakii tamle, “Gomah kariita ninado nangnii meigo lungsyii lungset kati hangtei Saraa doito mangai supii maningsii bamtang karam jangpii sating gam pitakle.

TIILAMLWI KAPYIIMEI THA JUKAMATI 10:7

Sateichii mpou dakii sam rashii kalei sating gamlui teinii tat tusek-kii, mpounii mpouki kaleimei kak kito sapfiimei hangniniigo sateichii mpougo nga ngamatu tang karam jangpii tinglang kaleita koisii kalei meikak kito Saraago kamalum saryiimei hangniniigo lat tosii,

TIILAMLWI KAPYIIMEI THA JUKAMATI 11:14

mpounii godakii sam tampyii tangle, sam mah paikito nangniido goki kalungmei hangniido keikapyii tei doutangle.

TIILAMLWI KAPYIIMEI THA JUKAMATI 13:16

Teito Polnii gungtu sat takle, sateichii mpou bahpiinii kahaisii tamle, “He, Isrel kito kalei sapfiimei ninado Saraago kahingmei hang, shiipyiilo.

TIILAMLWI KAPYIIMEI THA JUKAMATI 13:26

“Lungkasyii kangsanamei, Abra- ham ki mpungmah nahmeihang ninado gonyii kak kito Saraago kahingmei, nyii dakii kaleikapyii karing kabi samtei m-mangpyii takle.

TIILAMLWI KAPYIIMEI THA JUKAMATI 13:50

Nlenii meinii sadzyii ngariit katii ninado Saraago kamalum mei sapwimei hang go Jehudimeinii katwikai pyiisanii Pol nei Barnabas phyiiryiikii tiikamage pyiitang karam jangpii sam kamoi tii mpat pyiisanii, ahnyii mah sazyii kiteito baatoi aitakle.

TIILAMLWI KAPYIIMEI THA JUKAMATI 18:8

Sateichii Jehudimei mah ndwinito apum katiipii Krispasnii mpouki kalung- mei hang go kaswisii Bangpiigo malum wotakle, sateichii Koren kito kaleimei hangkanii shiiwosii malumdo malum takle dwido mpum wotakle.

TIILAMLWI KAPYIIMEI THA JUKAMATI 2:5

Sateichii sating kangto kalei lui hang kito lung kamatei Jehudimei sapfiimei Jerosalem kito bamle.

TIILAMLWI KAPYIIMEI THA JUKAMATI 22:12

“Sateichii teibam kito kalei Jehudimei hangnii kahi kalei, ajai tingshang taiswisii Saraago kama- lum mei Ananiyas sii lat kalei sapfiimei hangninanii guda gongsii,

TIILAMLWI KAPYIIMEI THA JUKAMATI 8:2

Sateichii teipiinei leimik tei Jerosalem kito Charsh phyiiryiikii hangkapii tiikamage katu tei pat takle; teiki teito Tiilamlwi kapyiimei teisupiinii, ahnyii hang Judiya ninado Samariya sazyii hang kito pak marou maruk aitakle. Sateichii kasang katiimei sapfiimei kangkanii Stifan go poigoi pyiisii mpou jangpiinii rok sagoisii mageesii hatle.

TIILAMLWI KAPYIIMEI THA JUKAMATI 9:11

Teito Abangpiinii mpou dakii tamle, “Tusat tosii kamajyii pwidi sii kalat pwidi kadi kitei maasanii, Judas kikii Tarsas mpfii Sol sii kalat sapfii mpou gotei fiitulo, kadaponii julo, mpounii riitasii bamle.

TIILAMLWI KAPYIIMEI THA JUKAMATI 9:31

Teitinglang kak Judiya, Galili ninado Samariya hangki rangii kamatei paito charsh hang go tiimakhii pyiisanii kamajung tei dou wole; sateichii Bangpii go sadzyii ngariit katii kito ninado rangii kamatei mah jumage kapyii kito meilui moibuibui pat tutakle.

TIILAMLWI KAPYIIMEI THA JUKAMATI 9:36

Sateichii Jopa kito zei Tabitha sii kalat, kadat mpat sek-kii Dorkas sii kalatpei sapwimei boumei mei hangninii bamle, sapwi mpei ainii taksupii tiikalei hangtei tha kabipii ninado lungsyii lungset kati piinii tokryiile.

KOLOSIMEI 4:2

Kariita kito nlaisulo, sateichii Saraago hakalang tamsii gonyiinii riitasii kalei kito machyiigatlo;

1 THESOLONIKAMEI 5:17

Taksupii riitalo;

JEMS 1:5

Nlenii mei kata hangninanii swirek kabi tei tang suleponii, meihang go pyiisei kapyii ninado jumage kati Saraa dato ahnii khang matulo, sateichii mpounii ah dakii pyii tangle.

MATIMANGOU KAPYII 15:4

Bangpii tanii gozeigo hinglakpo? Gomah katei kamaham tei tanii tam mpat lakpo? Nang roiniile kamatei, Lui hangnii gongsii n-go mata tangle; dapodinchii gomah kasang kamajyii tha hangtei meihangnii ngoutakle.”