TIILAMLWI KAPYIIMEI THA JUKAMATI 10:15 - KARANU KABI SAMTAM

¹⁵ Sateichii rok hangninii nlai- loisii hangna kashang tiisii mpouda gong takle, “Saraanii tiimatei kalei gotei kasaba ninado kahong sii nangnii latlak tang karamle.”

TIILAMLWI KAPYIIMEI THA JUKAMATI 10:15 Iomraidhean Croise

1 KORENMEI 10:25

Salikijangto joi kalei hangtei kabi kashyii tikabui lungswi jang- piinii kachyiinhii supiinii chiilo;

METIU 15:11

Mwi lung liit kalei teinii meinahgo tiimahong makle, nlenii mwikito kapat teinii meinahgo tiimahongle.”

TAITAS 1:15

Kamateimei datonii mahlyiihang ai mateile; nlenii tiimahong kalei ninado malum kasu ahnyii datonii samah kado kamatei tei gale; dapokii ahnyii swi ninado kabi kashyii tikabui ahnyii mah lungswi teido tiimahong aitakle.

MARK 7:19

Dapokii ahnii chiikalu tei malungki liit makle, nlenii mphyii- bungki liitle teitiisii doidoi pum kito siiba pat tule katu gonyiinii timakpo?” (Ai tamkalei aipii, chiitak hang ai matei losii Jisunii tampyii takle.)

ROMMEI 14:14

Mah apot roinapiinii mateikasu samah kado gale, katu Inii tido tile, Bangpii Jisumah paikito malumdo malumle; nlenii matei maklesii kamaningmei jangpiinii teitei matei sutakle.

TIILAMLWI KAPYIIMEI THA JUKAMATI 10:28

Teito mpounii ahnyiinii dakii tamle, “Jehudimei hangninanii lui kakimei hangniniigo kaswi katu mak-kii roimang katu ai kadaziikapii ajaimakpo katu ai gonyiinii tile; nlenii Inii mei kata hangniniigo kasaba mak-kii matei kasu sii lat lakle katu ai Saraanii n-gu mangoupyii takle.

TIILAMLWI KAPYIIMEI THA JUKAMATI 11:9

Nlenii rok hangninii sating gamto hangna kashang tiisii humtakle, Saraanii tiimatei kalei gotei nangnii kasaba sii lat lakle.

ROMMEI 14:20

Kachiipot jangpii Saraamah tha tei tiimaga sulo, mah pot hang mateile, nlenii mpounii chii kalei pot teipii mei kakimeigo kou matu katu tei mei kata hangninii jangpiinii kamale.

TIILAMLWI KAPYIIMEI THA JUKAMATI 15:20

Nlenii ahnyiinii tingtugo pyiikatoi matei kasu pot tei chiilak tang karam jangpii; ahnyiinii masung mahalak tang karam jangpii, sateichii zai mpat supiinii tiitat kalei kounah ninado ajai kachii aihangki aito mpat tang karam jangpii nyiinii ahnyii dakii ryiile.

TIILAMLWI KAPYIIMEI THA JUKAMATI 15:9

Sateichii kamalum mah paikito ahnyii lung tiimatei pyiisanii, mpounii nyii nei ahnyii ai samah kado tam kaki ai mbam makle.

TIILAMLWI KAPYIIMEI THA JUKAMATI 15:29

katunii Saraa dakii pyiitoi kalei amah, ajai kachii, azai mpat supii tiitat kalei kounah ninado sapwimei sapfiimei kashyii kahong tha katii hang aikito gonyiinii mpaa kalu bile; gonyii roinapiinii aihangki aito swiwo lepochiinii, gonyii mah kabi tei tangle; gonyii sadoi bimatulo.”

MATIMANGOU KAPYII 14:20

Sateichii darkhati kakaryii bamtei namdiki sabato karyiile sateichii takoi ghii kikii kakai sagyiireng kanat metar hangnakii kathok ninado mail haina katang tei darkhati kakaryii bam kito zai tei longtat takle.

TIILAMLWI KAPYIIMEI THA JUKAMATI 10:16

Sateichii ai ai hangtum kashang tiisii pat takle, sateichii binasek-kii mah kakaipot tei sating gam poimatu tutakle.