TIILAMLWI KAPYIIMEI THA JUKAMATI 1:3 - KARANU KABI SAMTAM

³ Leimik rekdai lungki teito tiilamlwi kapyiimei dakii mangou kapyii sateichii Saraa mah sating sazyii mah kaang kito ralipyiisii, Mpounii kamage kalak leh kaleitai maning kariirhii katu gasii tiikamangou kadaziikapiinii mpou pumsek ai ringtakle katu tei ahnyii dakii mangoupyii takle.

TIILAMLWI KAPYIIMEI THA JUKAMATI 1:3 Iomraidhean Croise

METIU 21:43

“Teijangpii Inii gonyii dakii tam leile, Saraa mah sating sazyii tei gonyii dato poitoi aitangle, sateichii teimah riiti tiigatpii mati tang karam Lui hangninii dakii pyii tangle.”

METIU 28:9

Sateichii julo, Jisunii mpou- peinago kadousii tamle, “Kamajung tei goneigo kaswi matulo.” Sateichii mpoupeinanii mpouda tat manang pisii, mpou-pi tei jumsii mpougo mata takle.

METIU 3:2

“Lungkali wolo, daponii sating gam sazyii tei natakle.”

METIU 4:2

Sateichii leimik rekdai tinghum tingna mpounii malotryii kaleitaito mpou moi majyii takle.

MARK 16:19

Aitiisii ahnyii dakii tam kalei tai Bangpii Jisugo sating gam pang makhii takle ninado mpounii Saraamah bah ajiilamto bam takle.

JONNII KARYII KABI RASAM JUKAMATI 20:26

Leimik siisattai, mpou mah boumei hangtei nlailoisii kilungto leile, sateichii Thomasdo ahnyiigo kaswisii leile. Takam hangtei takam aitakle, nlenii Jisunii gongsii ahnyii kak kiteito sat tosii tamle, “Kama- jung tei gonyiigo kaswi matulo.”

JONNII KARYII KABI RASAM JUKAMATI 21:1

Aitaito Jisunii mpouroinapii mpougo boumei dakii Tiberiya mah dwijai kuto nlailoisii mangou- pyii takle, sateichii mpounii mpou roinapii mpougo aitiisii mangou- pyiile.

JONNII KARYII KABI RASAM JUKAMATI 21:14

Jisunii kataimei kak kito ringkakhii tai boumei dakii mangou kapyii tei aipiinii hangtum kashangle.

TIILAMLWI KAPYIIMEI THA JUKAMATI 13:31

Sateichii mpougo kaswisii Galili kito Jerosalem katang tat kapimei dakii mpounii leimik hangkii mangoupyii takle, aitoinii ahnyii ainii meihang dakii mpoumah sakchyii teile.

TIILAMLWI KAPYIIMEI THA JUKAMATI 19:8

Sateichii mpounii Jehudimei mah ndwiki lung tei liit tosii Saraa mah sating sazyii kaang kito sam kajyiisii ninado hemsii sakhii hangtum katang lungdisii ralipyiile.

TIILAMLWI KAPYIIMEI THA JUKAMATI 28:23

Sateichii ahnyiinii mpou dakii tingneikii leimik karet kalu kito, ahnyiimei moi mpounii kazyiibam kitei gong takle. Mpounii ahnyii dakii Moses mah ajaitingshang kiteito sateichii Lungkakalingmei mah larek kiteito Saraa mah sating sazyii mah kaang kiteito sakchyii tiisii, sateichii Jisu mah kaang kiteito ahnyiigo malum tang karam jangpii hemsii tingchoito tingkhii katang tam ralipyiile.

TIILAMLWI KAPYIIMEI THA JUKAMATI 28:31

Mpougo meikaniido kanam tiisupii mpounii lungdisii Saraa mah sating sazyii mah tam ralipyiisii sateichii Bangpii Jisu Krista mah kaang kito ralipyiisii bamle.

TIILAMLWI KAPYIIMEI THA JUKAMATI 8:12

Nlenii Filipnii Saraa mah sating sazyii ninado Jisu Krista mah zei kito kabi rasam tam ralikapyii tei ahnyiinii malum wosek-kii, sapwi- meido sapfiimeido ahnyii hang dwi mpum wotakle.

ROMMEI 14:17

Kadaponii Saraa mah sating sazyii teinii kachii kasak tei makle, nlenii rangii kamatei kito kasang kamajyii, kamajung sateichii ka-nta teile;

KOLOSIMEI 1:13

Kamyii teinii apum tiisii kalei kiteito mpounii nyiigo poi mpat- pyiisii mpounii hangkapii lungkasyii mpounah sapfii mpoumah sagong sazyii kikii pang gongkaipyii takle.

1 THESOLONIKAMEI 2:12

nyiinii gonyiigo tam katwisii, lung tiimakhiisii sateichii sakchyii pyiisii, Pfiinii mpou nahmeigo tiikalei takumpii nyiinii gonyii hang go tiipyii takle.

1 JON 1:1

Nukarei kito kabam, nyiinii shiikalu, nyii mikpiinii ngou kalu, nyiinii ngou wosii nyii bahpiinii dengkalu karingmah samkangmah kaang kito–