TIILAMLWI KAPYIIMEI THA JUKAMATI 1:16 - KARANU KABI SAMTAM

¹⁶ “He kangsanamei, Jisugo kajum kak ahnyii mah Shekapyiipii Judas mah kaang kito, Devit mwi kito rangii kamateinii doireisii tam kabam kabi rasam tei madougong tang karamle.

TIILAMLWI KAPYIIMEI THA JUKAMATI 1:16 Iomraidhean Croise

METIU 26:14

Teito keariisiinakhii kak kito hangninii, Judas Iskariot sii kalatpii teinii Tingdimeida maasii n-nhiile,

METIU 26:47

Mpounii sam tam leibangpii, keariisiinakhii kak kito hangninii, Judas tei gongtakle, sateichii Ting- dimei ninado katingmei hang dato saryiikhang ninado tingrang poikalei meimoi teinii mpougo kaswi leile.

METIU 26:54

Nlenii teitiileponii, ai pat tang karamle sii tam kalei kabi rasam tei kada takumpii gongsang wotangpo?”

METIU 26:56

Nlenii Lungkakaling- meinii kabi rasam hang kikii ryii- kabam tei gongsang matutang karam jangpii aihang ai pat takle.” Teito boumeihang teinii mpougo toisii pakga takle.

MARK 12:36

Rangii kamateinii Devitgo miitkai pyiisii tamle, ‘bangpiinii gu Bangpii dakii tamle, Inii n-go ngou karoumei gotei Inii gopi pazhii kangkii poikai kasuta, gubah jiilam pangto bamlo.’

MARK 14:43

Sateichii Jisunii sam tamlei- bangpii teisek-kii keariisiinakhii kak kito Judas tei gongle, sateichii tingdimei, ajaitingshang kati ojamei ninado katingmei dato kagong saryiikhang ninado tingrang baitui kapungmei meimoigo kaswisii gong- takle.

LUKNII KARYII KABI RASAM JUKAMATI 22:47

Mpounii sam tam leibangpii, julo, meimoi tei gong takle, sateichii keariisiinakhii kak kito Judas Iskariotkatupii teinii ahnyii meimoi doitei reisii Jisu go matwum tang karam jangpii mpouda tat manang liit takle.

JONNII KARYII KABI RASAM JUKAMATI 10:35

Saraa mah samkang gong tang kalu ahnyii gotei mpounii sarahang sii latleponii (Sateichii kabi rasam teinii tiipakpei wolakle.)

JONNII KARYII KABI RASAM JUKAMATI 13:18

“Inii gonyii hang mah kaang kito tam makle; nlenii kalai kalumei gotei Inii tile; nlenii gumah tiirok chiikatu ah teinii guphyiiryiikii mpoupi pasui poimatu takle, sii kabi rasam kito katam tei madougong matutang karam jangpiile.

JONNII KARYII KABI RASAM JUKAMATI 17:12

Inii ahnyiigo kaswisii bam kalei tinglang kak, nangnii gudakii pyii kabam ahnyii gotei gozei kito Inii koipyiitakle; sateichii Inii ahnyiigo dengpyiile ninado kabi rasam kito tam kabam tei gong matwi matutang karam jangpii, maga tang karam mah nah sapfiimei tei supiinii, ahnyii mei hangninii kagodo maga makle.

JONNII KARYII KABI RASAM JUKAMATI 19:36

Kadapokii mpoumah rou hangninii kado tuilakle sii katam kabi rasam tei gong matwi matutang karam jangpii aihang ai aitiisii pat takle.

TIILAMLWI KAPYIIMEI THA JUKAMATI 1:20

Kadaponii tam kamatoi lhii- bung kikii aitiisii ryiibamle, ‘Mpouki tei marong matulo; meikaniido teiki tei lungsu matulo;’ sateichii ‘mei kakimeinii mpou tung tha tei tiimatulo.’

TIILAMLWI KAPYIIMEI THA JUKAMATI 13:15

Sateichii Sa- raamah ajaitingshang larek ninado Lungkakaling meimah larek tei fiisang kaleitai Jehudimei ndwi kito apum tiikalei meiteinii ahnyii dakii lang magongsii tamle, “Kangsana- mei, meihang jangpii lung tiikamadi sam gonyiinii tam tang karam leileponii tamseilo.”

TIILAMLWI KAPYIIMEI THA JUKAMATI 13:38

Teijang- piinii, kangsanamei, ai ai gonyiinii tiwolo, katunii mpou paikito kem tiimaga kapyii ai gonyii dakii tam ralipyii leile.

TIILAMLWI KAPYIIMEI THA JUKAMATI 15:13

Sateichii ahnyiinii tamsang kaleitai, Jemsnii khekalatle, “He, kangsanamei, gusam shiipyiilo;

TIILAMLWI KAPYIIMEI THA JUKAMATI 15:7

Teito samtei hang- kapii kajyiipat tusek-kii, Pitarnii gungtu sanii ahnyii dakii tamle, “He, kangsanamei, lui kakimeinii gu mwi kito kabi rasam tei shii wosii malum tang karam jangpii ndou karei kito Saraanii gonyii kak kito n-gu kalai mpat pyiitakle katu ai gonyiinii tile.

TIILAMLWI KAPYIIMEI THA JUKAMATI 2:23

Saraanii reipii tisii kalei ninado mpoumah kamaning taiswisii, go- nyiinii kem katiimei bah kikii mpougo pyiitoi aisii jotpyiipii gisii krosh gamkii dhangsii gi aitakle.

TIILAMLWI KAPYIIMEI THA JUKAMATI 2:37

Teito meihangnii ai shii wosii ahnyii lungtei hangkapii dengsii Pitar ninado Tiilamlwi kapyiimei ka- kimei dakii tamle, “He kangsanamei, nyiinii kadapei tiitangpo?”

TIILAMLWI KAPYIIMEI THA JUKAMATI 22:1

“Kangsanamei ninado Apfii- meihang, Inii aitoi gonyii dakii dangtang karam sam katam ai shii seilo.”

TIILAMLWI KAPYIIMEI THA JUKAMATI 23:1

Teito Polnii samtak katii katingmeigo ju kalingsii tamle, “Kangsanamei! Inii tingnei katangpii Saraa doito lung mateisii lungpi leile.”

TIILAMLWI KAPYIIMEI THA JUKAMATI 23:6

Nlenii mei ndwi lamkanii sadhu- mei sateichii mei ndwi lamkanii Farasismeile katu tei Polnii tiwosek- kii, samtak katii katingmei doikii mpounii saa mpatle, Kangsanamei, Inii Farasismei nah sapfiimei hang- niniile, kataimei hangnii ringkhii tangle katu maning kamalum jangpii n-gu samtak tiileile.

TIILAMLWI KAPYIIMEI THA JUKAMATI 28:17

Sateichii leimik hangtumtai mpounii Jehudimei phyiiryiito doi- majang katatmei go lat ndwi wole; sateichii ahnyiinii gong ndwi wosek- kii, mpounii ahnyii dakii tamle, “He kangsanamei, Inii gumah lui mak-kii nyiipei nyiipaomah kanat kanhiigo mazhii kasu samah kado tiimak kido nyiigo Jerosalem kito kabang kikii kabangmei hangninii tiisii Rom mei bah kikii pyiitoi aitakle.

TIILAMLWI KAPYIIMEI THA JUKAMATI 28:25

Sateichii ahnyiinii ahnyii karapii mazhiisu sek-kii, n-noutakle. Tat n-nou kasunii Polnii ahnyii dakii sam hangninii tamle, “Rangii kamateinii nyiipei nyiipaomei dakii lungkaka- lingpii Isaiya go tiigatpii saa mpat matusii katam teile:

TIILAMLWI KAPYIIMEI THA JUKAMATI 7:2

Stifannii khekalatle, “Kang sana- mei ninado gu pfiimei hang, n-gu shii seilo! pumtei kava mah Saraa teinii nyii pfii Abrahamda gongsii mangou- pyiile, mpounii Haran sazyii ki maa lungtu kasunii, Mesopotamiya sazyii ki lung kaleidou,

1 PITAR 1:11

Kristamah rangii teinii lungkakalingmei lung kito liit tosii, Kristanii kamage kalak pungtang takle, nlenii kamage kalak pung kaleitai mpounii ngam tangle katu tei rangiinii mati mangoupyiile. Ai ai kadadou pat tangpo sateichii kada takumpii pat tangpo katu tei Lung- kakalingmeinii fiile.

2 PITAR 1:21

Kadapokii Saraamah adoisam reipii saa ka-mpat ai meinah mah kamaning kamazhii kito patsang patlei makle, nlenii rangii kamateinii dengpyiisii meinahnii Saraa dato tamle.

2 PITAR 2:21

Kadaponii kasang kama- jyiimah pwidi tei ahnyiinii tiwo taklepokii, ahnyii dakii pyii kalei kamatei kakhatsam kiteito tat nrek katu sungnii, teitei ahnyiinii tikasu teiniipou ahnyii jangpii kisii bibwi tangle.