TIILAMLWI KAPYIIMEI THA JUKAMATI 1:15 - KARANU KABI SAMTAM

¹⁵ Sateichii leimik teihang kak kiteito, Pitarnii kangsanamei sumto tusat tosii tamle, (ndwi kalu meihang tei mei haisii makaikii kakumle.)

TIILAMLWI KAPYIIMEI THA JUKAMATI 1:15 Iomraidhean Croise

METIU 13:31

Mpounii ndasam kaki hang- ninii ahnyii dakii tamle, “Sating gam sazyii teinii, mei hangninanii njang gaiti lwirou hangninii poisii mpou-lu kikii ralikai kabam takumle.

LUKNII KARYII KABI RASAM JUKAMATI 22:32

Nlenii gomah kamalum tei gakasu jangpiinii Inii gojangpii riitale, sateichii nangnii golung kaliwo takle sekchii, gosanameigo tiisangting pyiilo.”

JONNII KARYII KABI RASAM JUKAMATI 14:12

Kasang kasangpii Inii gonyii dakii tam leile, N-gu kamalum mei hang teinii, Inii katiihang tei tiitangle. Nle, ahnii teisung dikaki tha tei tiitangle, dapodinchii Inii Pfiida tat tutakle.

JONNII KARYII KABI RASAM JUKAMATI 21:23

Teijangpiinii boumei aipou ai tailakle katu sam ai kangsanamei kak kito tam kahitu takle; nlenii mpou ai tailakle katu Jisunii mpou dakii tam makle, nlenii “Inii gong kasuta mpounii leikatu ai Inii kamaning kamazhii leponii, teiteinii n-go kadapei tiipo?” siile.

TIILAMLWI KAPYIIMEI THA JUKAMATI 10:23

Teijangpii mpounii ahnyiigo lat tosii mpouki rhiimatu takle, sateichii supounei tei mpounii gungtu wosii ahnyiigo kaswisii tat tutakle, sateichii Jopa kito kang- sanamei hangkanii mpougo kaswisii tat tutakle.

TIILAMLWI KAPYIIMEI THA JUKAMATI 11:1

Sateichii lui kakimei teiniido Saraa mah kabi rasam tei dou wotakle, katu tei Tiilamlwi kapyii- mei hangnii ninado Judiya kito kalei kangsanamei hangnii shiiwo takle.

TIILAMLWI KAPYIIMEI THA JUKAMATI 11:12

Sateichii rangiinii n-gu maning kariirhii gasii ahnyiigo kaswisii tat tulosii ma- zhiipyii takle. Sateichii kangsanamei saruknii n-gu kaswile sateichii nyii- nii sapfii mpou lupii kitei liit takle.

TIILAMLWI KAPYIIMEI THA JUKAMATI 11:26

Sateichii mpounii ahgo kadou wosek-kii, Antiyok ki pang gongtakle, sateichii ahnyiinii tingkum hangninii katang tei Kristanii latkalumei hang go kaswisii hangninii tiisii ndwisii, meihang go tam ralipyiile, sateichii Antiyok kito Boumeigo karei reisang tiisii Kristen sii latle.

TIILAMLWI KAPYIIMEI THA JUKAMATI 11:29

Sateichii Judiya kito kalei kangsanameigo meihangpii mpou mpounii kangam taiswisii tiiha kamaga matutang karam jangpii boumei teinii raangsii maning wotakle.

TIILAMLWI KAPYIIMEI THA JUKAMATI 12:17

Nlenii mpounii ahnyiigo malhiisupii bam matu tang karam jangpii mpoubah hampat sii Bangpiinii mpougo kabang ki teito kada takumpiinii pang mpatpyiipo katu tei ahnyii dakii tam mpatpyii takle. Sateichii mpounii tamle, “Sam hang ai Jems ninado kangsanamei hang dakii tampyiilo.” Teito mpounii tatpatsii bam kaki hangniniiki tat tutakle.

TIILAMLWI KAPYIIMEI THA JUKAMATI 14:2

Nlenii malum kasu Jehudimei teinii lui kakimei lungtei riiteikai pyiisanii, kangsanamei phyiiryii teikii karyiitu takle.

TIILAMLWI KAPYIIMEI THA JUKAMATI 15:1

Sateichii Judiya kito mei kangkanii tatliitsii “Moses mah ajaitingshang taiswisii tiigyii malem suleponii gonyiinii keikapyii kasaga karing tei doupei wolakle” sii kangsanamei dakii ahnyiinii tam ralipyii tutakle.

TIILAMLWI KAPYIIMEI THA JUKAMATI 15:3

Teijangpii Charshnii ahnyiigo pwidikii lang mpatsii, luikaki meinii lungkali kalu samtei tamsii tamsii ahnyiinii Phonisiya ninado Samariya sazyiiki tat majupat takle, sateichii kangsanamei hang go hangkapii tii ntapyii takle.

TIILAMLWI KAPYIIMEI THA JUKAMATI 16:2

Laistra sateichii Ikoniam kito kalei kangsanameinii mpou kaang kito hangkapii tam mbisii bam leile.

TIILAMLWI KAPYIIMEI THA JUKAMATI 16:40

Sateichii ahnyiinii kabang ki teito pat tosii, Laidiya ki kalung tei liit takle; satei- chii ahnyiinii kangsanamei gotei kadou wosii ahnyiigo tam katwi pyiisanii n-noutu takle.

TIILAMLWI KAPYIIMEI THA JUKAMATI 17:10

Teito kangsanamei teinii ting- hum manoisekkii Pol nei Sailas go Beriya kikii langtoi aitakle, sateichii mpoupiinanii gongtang wosek-kii, mpoupiinanii Jehudimei mah ndwiki tei liit takle.

TIILAMLWI KAPYIIMEI THA JUKAMATI 17:14

Teito kangsana- mei teinii manoisekkii, Polgo dwijai ki katang tat matutang karam jangpii lang mpat aitakle, sateichii Sailas nei Timothi teinii teiki teito bamtu takle.

TIILAMLWI KAPYIIMEI THA JUKAMATI 17:6

Sateichii ahnyiinii ahnyiigo dousu sek-kii, Jason ninado kangsanamei kangkiigo namdi mah apum katiimei doikii pang gongsii saale, “Sazyii pouryiigo poi makum poimachyii ka- tumei ainii bam aiki aido gongtakle.

TIILAMLWI KAPYIIMEI THA JUKAMATI 18:18

Sateichii Polnii teiki leimik kathangkii bamsanii kangsanameigo tat n-nousii Prescilla nei Akuilago kaswisii Sairiya ki katang malyii hoisii gongtakle. Mpoumah riishii hangninii kabam jangpiinii Kenkriya kito aphyiitaam kabiittoi aitakle.

TIILAMLWI KAPYIIMEI THA JUKAMATI 18:27

Sateichii mpounii Akaiya ki katang tat majupat kanyii kiteito, kangsanamei hangteinii tam katwipyii sanii mpougo lukai pyii matutang karam jangpii ryiipyii takle. Sateichii mpounii gongtang wosek-kii, jumage kapyii kito malum kalumei hangteinii hang- kapiinii tiihale.

TIILAMLWI KAPYIIMEI THA JUKAMATI 21:17

Sateichii nyiinii Jerosalem ki gong sek-kii kangsanamei teinii ntasii lukai pyiitakle.

TIILAMLWI KAPYIIMEI THA JUKAMATI 21:20

Sateichii ahnyiinii tei tei shii wosek-kii, Saraago tam matoile. Sateichii ahnyiinii mpou dakii tamle, “Kangsanapii Pol, nangnii ngoule, Jehudimei kak kito malum kalumei thang kadazii leipo? Sateichii ahnyii- hangnii ajai tingshang gotei kada- ziikapii lungliitpo?

TIILAMLWI KAPYIIMEI THA JUKAMATI 21:7

Sateichii nyiinii malyii gamto katat tei sang aisii, Tair kito Tolema ki gong wotakle, sateichii nyiinii kangsanamei hang go salam tiisanii ahnyiigo kaswisii tingneikii bam takle.

TIILAMLWI KAPYIIMEI THA JUKAMATI 22:5

Ai kaang ki aito kanat kajum Tingditupiinado katingmei samtak katiimei hang- niido n-gu sakchyiile. Ahnyii dato Inii kangsanamei dakii pyiitang karam larek tei dou wosii Damaskas kito lung kaleimei ahnyii godo tiikamagepyii tang karam jangpii sateichii rengpei wosii Jerosalem ki katang pang gong tang karam jangpii Inii teiki maale.

TIILAMLWI KAPYIIMEI THA JUKAMATI 28:14

Teibam ki teito nyii kangsanameigo kadou wosii ahnyiinii nyiigo leimik sana ai kaswisii bamlesii khang takle; aitiisii nyiinii Romki gong takle.

1 KORENMEI 15:6

Teitaito mpounii binii mei hai mangii sung kaki mpou- tai kaswimei dakii mangoupyiile, ahnyii mei kangkanii taigatu kado, ahnyii kak kito kamoilamnii aitoi katang ringleile.

MATIMANGOU KAPYII 11:13

Teiki tinglang sek-kii, teisii malyii kachyii hangninii patsanii, namdi teimah njai kearii kito njai hangninii tei tiimaga aitakle; sateichii malyii kachyii kiteito mei thang sana taitakle. Sateichii mashaksii kaleimei tei hangkapii hingsii sating gam mah Saraago tam matoile.

MATIMANGOU KAPYII 3:4

Nlenii teiki Sardis kito mei chengniikanii ahnyiimah peimani tiimahong supii kaibam wotakle. Peimani kaha kai wosii ahnyiinii n-gu kaswisii tat tangle, kadapokii ahnyiinii teitei tiimajyiile.