TIILAMLWI KAPYIIMEI THA JUKAMATI 1:13 - KARANU KABI SAMTAM

¹³ Sateichii teiki tei liit tosii Pitar, Jon, Jems, Andru, Filip, Tho- mas, Bartholomio, Metiu sateichii Alfaiyas nah sapfii mpou Jems, Selot sii lat kalei Simon, sateichii Jems nah sapfii mpou Judas ahnyiinii bam kalei alaangki kasagoi ki shang kitei tatpi takle.

TIILAMLWI KAPYIIMEI THA JUKAMATI 1:13 Iomraidhean Croise

METIU 9:9

Sateichii Jisunii teibam kiteito aitiisii tatjou pikii, Metiu sii kalat sapfiimei hangninii ha kahamei Srat ki bam kalei tei ngou wosii, Jisunii mpou dakii tamle, “Gutai swi wolo” teito mpounii gungtu sat-tosii mpou tai swi wotakle.

MARK 14:15

Sateichii mpounii mahlyii hang sangsii tiida kabam alangh kasagoi ki shang kadi hangninii goneigo mangou tangle; teiki teikii goneinii nyiijangpii tiikadalo.”

MARK 14:33

Sateichii mpounii Pitar, Jems ninado Jon go pang wotakle sateichii hangkapii kamage katu ninado lungnyii lunghao tutakle.

MARK 2:14

Sateichii mpounii chengniikii tat-hum sek-kii, Alfaiyas nah sapfii mpou Levi teinii haboi kahaki teito bamsii kalei tei ngoule teito Jisunii mpou dakii tamle, “Gutai swi wolo.” Sateichii mpounii tusat tosii mpou-tai swiwo takle.

MARK 5:37

Teito Pitar, Jems sateichii Jems sanapii Jon ahnyii supiinii meikagodo mpou-tai swi matu makle.

MARK 9:2

Zang-saruknii tai Jisunii Pitar, Jems ninado Jon ahnyiigo roinii pangsii zang kasagoi hangniniiki pile, sateichii mpounii ahnyii doito jaitalui tei kali takle.

LUKNII KARYII KABI RASAM JUKAMATI 22:12

Teito tiida kabam alaangki shang hangninii mpounii goneigo mangou tangle; teibam kiteikii tiida wolo.”

JONNII KARYII KABI RASAM JUKAMATI 11:16

Thomas (mbiitnah sii kalatpii) teinii mpoubemei hang dateikii tamle, “Nyiinii mpougo kaswisii tai kabui jangpii, nje nyiido tatde!”

JONNII KARYII KABI RASAM JUKAMATI 14:22

Judas (katunii Judas Iskariot kasupii) nii tamle, “Bangpii sazyii pouryii dakii supii nyii dakii go pum sek tei nangnii kadakumpii mangou tangpo?”

JONNII KARYII KABI RASAM JUKAMATI 18:17

Takam koikalei sapwi mpei teinii Pitar dakii tamle, “Mei aipou mah boumei kak kito nangdo hangninii makde?” Mpounii tamle, “Inii makle.”

JONNII KARYII KABI RASAM JUKAMATI 21:2

Saimon Pitar, (mbiitnah sii kalat) Thomas, Galili kito kalei Kena mpfii Nathanel, Zebedinah sapfiimei hang, ninado mpou boumei kaki hangna, ahnyii ai kaswisii leile.

TIILAMLWI KAPYIIMEI THA JUKAMATI 12:17

Nlenii mpounii ahnyiigo malhiisupii bam matu tang karam jangpii mpoubah hampat sii Bangpiinii mpougo kabang ki teito kada takumpiinii pang mpatpyiipo katu tei ahnyii dakii tam mpatpyii takle. Sateichii mpounii tamle, “Sam hang ai Jems ninado kangsanamei hang dakii tampyiilo.” Teito mpounii tatpatsii bam kaki hangniniiki tat tutakle.

TIILAMLWI KAPYIIMEI THA JUKAMATI 15:13

Sateichii ahnyiinii tamsang kaleitai, Jemsnii khekalatle, “He, kangsanamei, gusam shiipyiilo;

TIILAMLWI KAPYIIMEI THA JUKAMATI 2:14

Nlenii Pitarnii keariisiikan- khiigo kaswisii gongtu satsii, rok sagoisii ahnyii dakii tamle, “He Jehudimei ninado Jerosalem kito kaleimei hang, ai ai gonyiinii tilo sateichii gusam kikii gonyii koi tei koikingseilo.

TIILAMLWI KAPYIIMEI THA JUKAMATI 2:38

Pitarnii ahnyii dakii tamle, “Gonyii mah kem kaleipyii matutang karam jangpii gonyiinii lung kali wolo sateichii Jisu Krista zei kito gonyii hangnii dwi mpum wolo ninado gonyiinii rangii kamatei mah luha tei doutangle.

TIILAMLWI KAPYIIMEI THA JUKAMATI 20:8

Sateichii nyiinii ndwi kalei ki shang kasagoi kitei thaomi hangkii masei bamle.

TIILAMLWI KAPYIIMEI THA JUKAMATI 4:13

Teito ahnyiinii Pitar nei Jon mah lung kadi tei ngou wosek-kii, ninado larek tikasu meida meile katu tei tiwosek-kii, hangkapii sung ga- takle, sateichii mpoupiina ai Jisugo kaswisii kaleimeile katu tei ahnyiinii tigong takle.

TIILAMLWI KAPYIIMEI THA JUKAMATI 4:19

Nlenii Pitar nei Jon-nii ahnyiigo khekalatle, “Saraa go sung kisii gonyii sam kaswi ai Saraa mah mikjot kito matoupo gonyiinii samtak tiipyiilo.

1 KORENMEI 15:7

Tei taito mpounii Jems dakii sateichii tei taito tiilamlwi kapyiimei hang dakii mangoupyii takle.

GALATIMEI 1:19

Nlenii Bangpii sanapii Jems tei supiinii tiilamlwi kapyiimei kaki hangninii kagodo Inii ngoumakle.

GALATIMEI 2:9

guda pyii kabam jumage kati tei ki kachenglesii zei katat Jakob, Kaifas, ninado Jon nii ngou wosek- kii, nyiinii Jehudimei kasu luika- kimei dakii sateichii ahnyiinii tiigyii malem kaleimei dakii tat tang karam jangpii, gudakiido Barnabas dakiido, ahnyiinii ndwi hangninii tiikalumah bah ajiilamtei pyiitakle.

JEMS 1:1

Saraamah ninado Bangpii Jisu Kristamah kikaleimei hangninii tiisii kalei Jemsnii marou maruksii kalei lui keariisiinakhii dakii salam pyii leile.

2 JON 1:1

Kalai kalu sapwi mpei ninado mpoupei nahmei dakii kating tiisii kalei Inii ryii leile. Inii gonyiigo kasang kito lungsyiile, sateichii I-roinii makle, nlenii kasang tikalu meihangnii dole.

JUD DATO KAGONG CHITI JUKAMATI 1:1

Jisu Krista kikalei ninado Jems sanapii Judnii, Pfii Saraamah lungkasyii ninado Jisu Kristamah koikapyii jukapyii kito lungsii kalei, Saraanii lat kalumei dakii: