2 TIMOTHI 4:8 - KARANU KABI SAMTAM

⁸ Aitoisekpiinii kasang kamajyii mah phyiihung tei gujangpiinii kaidek- bam takle, teitei kasang kamajyii samtak katii Bangpii teinii teipiinei leimik gudakii pyiitangle, sateichii teitei gudakii roinii makle, nlenii mpoumah nlai kagong maraisii koikalei meihang dakiido pyiitangle.

2 TIMOTHI 4:8 Iomraidhean Croise

METIU 24:36

“Nlenii teimah leimik ninado tinglang teinii Pfii teisupiinii, sating gamluinado, meinah sapfii mpou teiniido meikaniido timakle.

METIU 7:22

Teipiinei leimik mei hangkanii gudakii tam tangle, Bangpii, Bangpii, nyiinii gozei kito Saraa sam saa mpat makde, go zei kito sara kashyii go baatoi makde, sateichii go zei kito mei tiikalak sung kaga tha hangkii tiimakde?

LUKNII KARYII KABI RASAM JUKAMATI 10:12

Inii gonyii dakii tam leile, samtak katii piinei teimah namdi gotei sung Sodom namgo Saraanii kisii lungsyiipyii tangle.

ROMMEI 2:5

Nlenii golung katei sateichii lung kalinyii kasu teipii Saraa mah rakarhii sateichii kasang kamajyii samtak katii piinei mangou tang karam kak gopum sek jangpii rakarhii tei nangnii goroinapii poi nkom bam takle.

ROMMEI 8:23

Sateichii nrung kalei tei teiroi makle, nlenii rangiimah atikarei dousii kalei nyii pum sekpiiniido mpoumah sapfiimei tiipyii matu tang karam, katunii, nyii pumgo kalei pyii matu tang karam jangpii koisii kalei kak, nyiilungto nyii pum sekpiiniido nrungsii bamle.

1 KORENMEI 2:9

Nlenii ryii kabam aita- kumpii: “Miknii ngou kasu, koinii shii kasu sateichii meinah lungki liit kasu, hangtei Saraanii mpougo lungkasyiimei jangpii tiikada aitakle.”

1 KORENMEI 3:13

Kadapokii Krista mah leimik piinei teitei mangou tangle, kadapokii teitei mipiinii tam mangou tangle sateichii mei nsang nsangnii tiikabam tha tei kadapeipo katu mipiinii ruju tangle, sateichii ah mah tei kabimanii kashyiipo katu tei mangou tangle,

1 KORENMEI 9:25

Nhok kamaga katuki hai kaleimei hang- teinii mahlyii hang kito mpou pumgo pungmatui pung majyiisii bamle. Ahnyiinanii gatu kabui kangam phyiihung tei doutang karam jangpii teitei tiileile, nlenii nyiinanii gatu kalak kangam mah phyiihung tei doutang karam jangpiinii tiileile.

2 KORENMEI 5:2

Sateichii nyiinii sazyii pouryii mah ki ki aito lungkalei kak nyiinii ka- mage chiingai ngaisii leile, sateichii nyiimah sating gamto lung tang karam ki tei nat kai kalei takumpii nyii phyiiryiikii kaipyii matunyiisii nyiinii koisii bamle.

PILIPIMEI 3:11

katunii, mazhii leponii Inii katai kito ringkakhii tei dou wokabui jangpiinii.

KOLOSIMEI 1:5

Kasang samtam katunii, kabi rasam teinii gonyiida gong kareiki, teiteinii pyiisii kalei maning kamalum mah kaang tei shiitakle, teipiinii gonyiimah kamalum ninado lungkasyii teinii gonyii jangpii sating gamkii kaidek kabam gonyiinii maning malumsii kalei taiswi takle.

1 THESOLONIKAMEI 1:10

sateichii gongkalei Saraamah rakarhii kito nyiigo poi mpat kapyii, mpounii kataimei kak kito tiimaring kapyii mpou nah sapfii mpou Jisugo, sating gamto kahum koitang karam jangpii gonyiinii kada takumpii Saraada nryiigong wopo katu tei ahnyiinii tam leile.

1 THESOLONIKAMEI 5:4

Nlenii kangsanamei, teipiinei karagamei takumpii gonyiigo tii asung gamatu tang karam jangpii, gonyiinii kamyii kito bam makle.

2 THESOLONIKAMEI 2:8

Sateichii teitinglangki kashyii kahong ahmah mei gotei mangou tangle, teito Bangpii Jisunii mpou mwi kito ngai ka-mpat chyiingai teipiinii mpougo girang tangle, sateichii gong kalei mpoumah vakaki teipii mpougo tiimaga tangle.

1 TIMOTHI 6:19

ahnyiinii kasang karing tiilung tei doutang karam jangpii, gong tang karam tinglang jangpii kabi bangmaa takumpii ahnyii pumsek jangpii poi ndwi matulo.

2 TIMOTHI 1:10

Nlenii aitoinii nyiigo kei- kapyiipii Krista Jisunii hum kapyii teipiinii mangoupyii takle, Mpounii katai gotei tii maga aisii kabi rasam paito karing ninado nlaikasu katai kaga tei kava kikii pung gongpyii takle.

2 TIMOTHI 1:12

Sateichii kaang aihang jangpii kamage kalak hang ai Inii dousii leile, nlenii Inii aitoido maning kamalum teipii tokryiile, daponii Inii malum kalei mpougo Inii tile, sateichii mpounii gudakii pyiikabam tinglang leimik katang tei mpounii n-gu koipyii jupyii wobuile katu tei Inii malumle.

2 TIMOTHI 1:18

Teipiinei leimik mpounii Bangpii dato lungsyii kati tei dou wokabui tiisii Bangpiinii mpougo pyii matulo, sateichii mpounii Ipisas kito kadaziikapii moisii n-gu nga ngakapyii tei nangnii tiigatpii tile.

2 TIMOTHI 2:5

Pak kamaga katu ki haikalei nhok kamaga katumei hangninanii nhok mah ajai gotei swikasuta teinii mpounii alangh tei doupei wolakle.

2 TIMOTHI 4:1

Saraa doito sateichii karingmei nei kataimeigo samtak tiitang karam Krista Jisu doito mpoumah mangoukapyii ninado mpoumah sagong mah sating sazyiigo latsii Inii pyiileile.

TAITAS 2:13

Nyiimah Saraa kadi sateichii Keikapyii Jisu Kris- tamah pumtei kava tei kadadou gong tangposii, nyiinii maning malumsii kalei satoi kapyii leimik piinei gotei nyiinii koikalei kak.

HEBRUMEI 12:11

Tiikamajyii hang ai manoisek jangpiinii nta tang karam tei ngoumakle, nlenii kama- gele; nlenii aitai kana kinii teipiinii tiiralipyii kabam doukalumei hang dateito kasang kamajyii mah kamajung riiti tei mati leile.

HEBRUMEI 9:28

meihang mah kem hangtei pungpyii tang karam jangpii, binii pyiitoi kalei Krista teinii kem jangpii supiinii, mpougo saryiisii koikalei meihang go keipyii tang karam jangpii, hangna kashang tiisii gong tangle.

JEMS 1:12

Jaikaju lehsii kaleimei sadoi bile, kadapokii jaikaju kiteito mpounii satto sekchii, mpougo lungkasyii meigo Saraanii pyiitanglesii riishii tiikabam karingmah phyiihung tei mpounii doutangle

1 PITAR 1:4

Teipiinii Saraanii mpoumah mei jangpii kaidek kabam raguiga kalak maikateeng gotei doutang karam jangpii nyiinii doilamkii ra- jangsii leile; gonyii jangpii gakalak, tiimahongwo kalak, ninado ragui- gawo kalak tei sating gamto mpounii kaidek bamsii leile.

1 PITAR 5:4

Sateichii aphyii kasat Jaokakoipiigo mati kamangou kak, myiisang myiikalak vakabi phyiihung tei gonyiinii doutangle.

MATIMANGOU KAPYII 1:7

Julo, Mpounii kamong gotei ka- swisii gong leile; sateichii meihangnii, sateichii mpougo nghiipii kahuimei tei haisii mpougo ngoutangle; sateichii sazyii pouryii luihangnii mpou kaang kito kamadak tangle, nle, teitii tangle, Amen.

MATIMANGOU KAPYII 19:11

Teito Sating gam laat kabam tei Inii ngoutakle, sateichii julo, takoi kaha ninado malum kabui ninado kasangsii kalat ahteinii tei phyiiryii tei tong leile, sateichii kasang kamajyii kito ahnii samtak tiileile ninado saryii tiileile.

MATIMANGOU KAPYII 2:10

Gonyiinii doutang karam kamage kalak gotei hingsulo. Julo, gonyiigo jai jutang karam jangpii seitannii gonyii kangkagonii kabang kikii toikai tangle, sateichii gonyiinii leimik kearii kamage kalak tei doutangle. Gonyiinii katai katang tei malum kabuimei tiilo, sateichii Inii gonyii dakii karingmah phyiihung tei pyiitangle.

MATIMANGOU KAPYII 22:20

Aihang dakii sakchyii pyii kalei ah teinii tamle, “Nle, I-kalangsii gong tangle.” Amen, gongpyiilo, Bangpii Jisu!

MATIMANGOU KAPYII 4:10

katingmei mei makaisii madai nkhii teinii sagongbam gam teito bam kalei ahdoi teito koumangsii, kalui gasii ringkalei ahgo matale, sateichii ahnyiimah sagong phyiihung tei sagongbam doiteikii rat toi aitakpokii lhii tiile.

MATIMANGOU KAPYII 4:4

Sateichii sagongbamgo baangmagui kabam nitei sagongbam makaisii madai nkhii leile; sateichii sagong- bam phyiiryii tei peimani kaha kai- kalei sateichii ahnyiimah phyiibung gamtei sona mah sagong phyiihung choikalei katingmei mei makaisii madai nkhii bam kalei tei Inii ngoutakle.