2 TIMOTHI 4:5 - KARANU KABI SAMTAM

⁵ Nlenii nangnii mahlyiihang kito lung nlaisupii sangtingsii satlo, kamage kalak tei lehlo, kabi rasam tam rali kapyiimei tha tei tiilo, sateichii neikii neikii tiikamajyii gotha hangtei nangnii Saraa nga kangamei hangninii tiisii tiilo.

2 TIMOTHI 4:5 Iomraidhean Croise

METIU 25:16

Manoisek-kii talent mangii doukalupii teinii maasii teiteipii li-laa tiikalu kito, kaki talent mangii douki wotakle,

MARK 13:34

Teiteinii mei hangninanii mpouki toisii sazyii kaki hangninii ki mbui katu, mpouki kaleimei hang go mpou mpoumah tha tiitang karam nsang nsangtei pyii kalei; sateichii ki takam kakoipii godo tiikadalo sii kakhat kapyiipii takumle.

MARK 13:37

Sateichii Inii gonyii dakii tam kalei ai Inii meihang dakii tam leile: Tiikadalo!”

LUKNII KARYII KABI RASAM JUKAMATI 12:37

Apumpiinii nlai kagong tinglang kak kikaleimei mik raksii ninado tiidasii kalei dou kalumei tei doibile. Inii gonyii dakii kasangpii tam leile, mpounii peijou loktoi takpokii, chiitang karam jangpii ahnyiigo mbam siinii mpounii patsii ahnyiigo nga ngapyii tangle.

TIILAMLWI KAPYIIMEI THA JUKAMATI 21:8

Sateichii supounei leimik tei nyiinii tat n-nou aisii Kaisariya ki gong takle. Sateichii mei sana kak kiteito mei hangninii kabi rasam tam katatpii Philip ki kalung tei liit wosii mpougo kaswisii bam takle.

ROMMEI 15:19

Aitiisii Jerosalem kito Illurikam go kamagui katangtei tatsii Inii Krista mah kabi rasam tei tam ralipyii lahok takle.

IPISAMEI 4:11

Sateichii mpounii mei kangkago tiilamlwi kapyiimei, kangkago lungkakalingmei, kangka- go kabi rasam katam mei, kangkago jao kakoimei, sateichii ralikapyiimei tiimatu tang karam jangpii mpoumah luha hangtei pyiitakle.

IPISAMEI 4:12

Kristamah pumtei tiimakhii kabui tiisii, Saraamah meihang teinii Kristenmei mah nga kanga tha tiitang karam jangpii tiikada matu tang karam jangpii, mpounii ai ai tiile.

KOLOSIMEI 1:25

Sateichii gonyii kabi jangpii tha tiilosii gudakii ai tha kapyii Saraanii n-gu charsh mah nga kangamei hangninii tiipyii takle. Tha teinii mpoumah kabi rasam tei mashangsii tam katat,

KOLOSIMEI 4:17

Sateichii “Abangpiimah tha kito nangnii doukalu tei tiimashang ailo” sii Arkipasgo tampyiilo.

1 THESOLONIKAMEI 5:6

Teitii leponii kakimei ta- kumpii nyiinii zyiisude, nlenii nyiinii mikraksii lung manoile,

1 TIMOTHI 4:12

Nang karanumeile sii mei kata hangninaniido maning kamajaang tei tiimatu sulo; nlenii kamalum jangpii samtam kito, jairali kito, lungkasyii kito, kamalum kito, kamatei kito meigo tiikamangou hangninii tiilo.

1 TIMOTHI 4:15

Mei hangnii gomah doitat kalei tha tei ngoukabui tiisii, aihang ai tiiralilo, teihang kiteikii goroinapii nangnii lung- pyiitoi ailo.

2 TIMOTHI 1:8

Nyii Bangpii jangpiinii sakchyii kapyii tei nrou sulo mak-kii Krista jangpiinii kabangki kaleimei tiisii kalei gujangpii nrou sulo nlenii Saraamah teimaham taiswisii kabi rasam jangpii kamage kalak tei leh njoipyiilo.

2 TIMOTHI 2:10

Teijangpii kalai kalumei teiniido kalui kaga pumtei kava tei njasii Krista Jisu dato kalei keikapyii karing tei doumatu tang karam jangpii ahnyii jangpii Inii mahlyiihang pungpyii takle.

2 TIMOTHI 2:3

Krista Jisumah saryii kabimei hangninii tiisii kamage tei njai poi njoilo.

2 TIMOTHI 4:17

Nlenii Inii kabi rasam tei mashangsii tam mpat kabui tiisii, sateichii Jehudimei kasu lui kakimei hangnii samtei shii matutang karam jangpii, Bangpiinii guda satpyiisii gudakii teimaham kaipyii takle; sateichii kounungsa mah mwi kito n-gu keipyii takle.

HEBRUMEI 13:17

Gonyiimah doimajang katatmei sam swilo, sateichii ahnyii kang nkanglo, kadapokii gonyiinii tha tiikabam mah azhii mashak kabam tei ahnyiinii Saraa dakii pyiitang karam taiswisii, ahnyiinii ntasupii gonyiimah rakot hang go jupyiisii leile. Ahnyiinii katam tei gonyiinii swileponii, ahnyiinii ahnyii tha tei nta ntasii tiitangle, teisu dinchii ahnyiinii lung magesii tiitangle, sateichii tei teinii gonyii jangpii kabi tei gatangle.

1 PITAR 1:13

Teijangpii gonyiimah lungswi tei tiikada wolo, gonyii roinapii gonyii pumpotgo jum matwilo, sateichii Jisu Kristago kamangou kak, gonyiigo pyiitang karam satoi kiteikii roinii gonyiimah kamalum tei kai wolo.

MATIMANGOU KAPYII 3:2

Gungkhii wolo sateichii taina nasii mashak kalei meihang gotei tiisangting pyiilo. Kadapokii nangnii tiikabam tei go Saraa doito bimasangsii Inii dousu- takle.