2 TIMOTHI 3:4 - KARANU KABI SAMTAM

⁴ malumpei kalak, rumrumsii adok tiikasu, kashyii kahong swipii katokryii, Saraago lungkasyii sung pumzai mah kasamou go kisii kamarei.

2 TIMOTHI 3:4 Iomraidhean Croise

TIILAMLWI KAPYIIMEI THA JUKAMATI 19:36

Teijangpiinii sam hang ai mazhii kasu tiipei kalak taiswisii gonyiinii majungsii kabam ninado chotchotsii mah kado tiilak tang karam takle.

TIILAMLWI KAPYIIMEI THA JUKAMATI 7:52

Gonyiipfii gonyiipou meinii tiikamage kasu Lungkakalingmei hangninii kado leigapo? Mpou mah kasang kama- jyiipii gongtanglesii gong kasunato reipii mati kapyii Saraamah sampao kapungmei hang gotei ahnyiinii gitoi aitakle sateichii aitoinii gonyiinii mpougo schoi choikaipyiisii mpougo gitoi aitakle.

ROMMEI 11:20

Teitei kasangle, ahnyii tei malum kasu jangpii tuiga takle, nlenii nangnii gomah kamalum paito sat leile, teipiinii detdi tusulo, nlenii hinglo;

ROMMEI 16:18

Kadaponii tei kakum mei teinii nyii Bangpii Krista nga ngamakle, nlenii ahnyii mah chiikanyii lukanyii jangpiiniile, sateichii ahnyii mah samlat kabi ninado tam kati teipii mei kabimei lungtei choisii hemle.

1 TIMOTHI 3:6

Mpounii tang ghang katii teipii sagoikhii sii (seitan mah samtak kitei liit kasu tiisii) seitan go takumpii tam mashyii matu kasu tiisii, ah ai kamalum kito sangting kaleimei tang karamle;

1 TIMOTHI 5:6

Nlenii mpou- pei roinapiinii kasamou kiteikii pyiisii kalei kamipwipei teinii mpou- peinii ringsii leikado, mpoupeinii taitakle.

1 TIMOTHI 6:17

Aitoi sazyii pouryii aito mah kanimei hang go tam kakhat pyiilo, katunii, ahnyiinii detdi matu sulo, nlenii tisek kasu kani kahii hang kikii supiinii, nyiigo samou matu tang karam jangpii mahlyii hang mah lasii kapyii Saraa dakii ahnyii mah kamaning kamalum tei sat matulo.

JUD DATO KAGONG CHITI JUKAMATI 1:19

Aimei ainii meigo tiikapak, saram koumah tingshangrali katat, rangii doukasumei teile.

JUD DATO KAGONG CHITI JUKAMATI 1:4

Ka- dapokii Saraa haikasu mei kangkii makumpii gonyii kak ki liitto takle, mei aimeinii doutang karam kaset kalak teinii kabi rasam kikii ndouto reipii tambam takle. Ahnyiimah tingshangrali kashyii gotei gomnei tang karam jangpii mei aimeinii Sa- raamah jumage kapyiimah samtam gotei jumle, sateichii Jisu Krista ai nyiimah pumpiile ninado Bangpiile katu tei ahnyiinii mazhii makle.