2 TIMOTHI 2:18 - KARANU KABI SAMTAM

¹⁸ Aitoinii katai kito ringkakhii ai maju taklesii tamsii kasangmah pwidi kito mpaasii tat tukaleimei ainii mei kangkiimah kamalum tei tiimagasii leitakle.

2 TIMOTHI 2:18 Iomraidhean Croise

METIU 15:13

Mpounii khekalatle, “Sating gamto kalei gu pfiinii ling kasu ruibang hang gotei maa pai mpat tangle.”

METIU 22:29

Nlenii Jisunii ahnyiigo kheka- latle, “Gonyiinii ma-aitakle, dapo- dinchii gonyiinii kabi rasam ninado Saraa mah teimaham gotei tisu takle.

LUKNII KARYII KABI RASAM JUKAMATI 8:13

Kuitu phyiiryii tak kaliit teinii, ahnyiinii kabi rasam tei shiitakle, sateichii ntasii lukaiwo takle. Nlenii maa kaga jangpiinii tinglang shangniikii malumkai takpokii, ajai kaju tinglang gong sek-kii, ahnyii tei koutakle.

TIILAMLWI KAPYIIMEI THA JUKAMATI 5:39

nlenii Saraa datoleponii, gonyiinii ahnyiigo tiimagapei wolakle, Saraanii mazhii kasudo gonyiinii kadoutu tangle!”

1 KORENMEI 11:19

Kadapokii kasang kito kalei mei gotei juti tang karam jangpii gonyii kak kito pakchet chet katu aido leitang karam sekle.

1 KORENMEI 15:12

Aitoinii Kristago katai kito tiimaringpyii takle katu samtam tei tam ralipyii takleponii, katai kito ringkhii tang karam gasang galesii gonyii kak kito mei kangkanii kada takumpii tam wotangpo?

KOLOSIMEI 3:1

Gonyiinii Kristago kaswisii ring- khii takle, Kristanii mpoumah sagongmah bam kito Saraamah bah ajiilamto bamsii kalei, sagoi gamto kalei mah pot hang gotei fiilo.

1 TIMOTHI 1:19

Sateichii gumah kamalum ninado kamatei lungswi titang karam lungswi tei leilo. Mei kangkanii ahnyiimah kabi kashyii titang karam lungswi gotei shii supii ahnyii mah kamalum tei tiimaga aitakle.

1 TIMOTHI 6:10

Kadapokii sanahgo kamarei ainii kashyii hangmah abang teile, mei kangkanii ai ai hangkapii doukanyii kito ahnyii tei kamalum kito dhiisii tat tutakle sateichii ahnyii lungtei swi kamage katu teipiinii ngiipii kahui kumpii hui aitakle.

1 TIMOTHI 6:21

Kadapokii swirek kati ai mei kangkanii tam mpatsii ahnyiinii ahnyii mah kamalum mah pwidi tei maga aitakle. Saraamah jumage kapyii tei n-go kaswipyii matulo.

2 TIMOTHI 2:14

Ahnyiigo aihang ai tam maningpyiilo sateichii samah kado kabi kaga; kashiimei hang go tiika- maga sam kasousii kajyii matulak tang karam jangpii, Bangpii doito ahnyiigo tam kakhat pyiilo.

TAITAS 1:11

ahnyii mwi tei makat tang karamle, dapokii ahnyiinii seh sanah lukanyii jangpii ahnyiinii tamlak tang karam sam tei tam ralipyiisii, ki kalung mpung hang go tiipaksii leitakle.

HEBRUMEI 3:10

Teijangpii Inii teiha gotei rarhiisii tamle, ahnyiinii tinglang kaleita ahnyii mah lung kiteito dhiisii tat tule, ahnyiinii gumah pwidi timakle.

JEMS 5:19

Gu kangsanamei, gonyii kak kito mei kata kangkanii kasang kito dhiisii tat tuleponii, sateichii mei kata kangkanii ahgo pang nlaigong leponii,

1 JON 2:19

Ahnyiinii nyii dato tatpat takle, nlenii ahnyiinii nyiimah makle, dapokii ahnyii ai nyiimah leponii, ahnyiinii nyiigo kaswisii lungjousii leitangle, nlenii ahnyii hang ai nyiimah makle katu mangou tang karam jangpii tatpat takle.