2 TIMOTHI 2:15 - KARANU KABI SAMTAM

¹⁵ Kasang mah samtei tiigatpii jum majyiisii kalei nroutang karam kaang kaga tha katiimei, Saraanii lukai kalumei hangninii tiisii gopum Saraa dakii pyiitang karam tei mahunglo.

2 TIMOTHI 2:15 Iomraidhean Croise

METIU 13:52

Teito mpounii ahnyii dakii tamle, “Teijangpiinii sating gam sazyii jangpii ralikapyii doukalu ajaitingshang kati ojamei hangteinii mpoumah poi ka-ndwi ki shang kiteito pot kasatai ninado kaham poi mpatsii kalei ki apumpii hangninii takumle.”

MARK 4:33

Sateichii ahnyiinii shii wokabui tiisii Jisunii aikakum ndasam hangka tiisii ahnyii dakii samtei tam ralipyiile.

LUKNII KARYII KABI RASAM JUKAMATI 12:42

Teito Bangpiinii tamle, “Teitii lepochiinii tapii tei malum kabui ninado kasakai ki kaleipiipo? Teiteinii ki apumpiinii kalung mah sanglosii mei hangniniigo kaibam taklepokii mpounii kikaleimei kaki- mei hang go tinglang tiisii kachii kasak jaipyiisii kabampii teile.

TIILAMLWI KAPYIIMEI THA JUKAMATI 2:22

“He Isrelmeinah, sam hang ai shiipyiilo–Nazaretki Jisu, Saraanii gonyii kak kito mpou tha kadi ninado kamadat tha hang sateichii tiika- mangou hang kamangou, teipiinii mpou ai Saraanii mazhii kapyiimeile katu tei gonyii pum sekpiiniido tile.

TIILAMLWI KAPYIIMEI THA JUKAMATI 20:27

Kadaponii Saraa mah kamaning hang kito gonyii dakii tam ka-mpat kito Inii nkhiimakle.

ROMMEI 14:18

teipiinii Krista nga ngakaleimei hangtei Saraa doito lukai kamajyii sateichii meiniido kamazhii teile.

ROMMEI 16:10

Krista zei kito mazhiipyii kalei, Apehlisgo salam pyii leile, Aristbulas ki kalung mpung kito kaleimeihang go salam pyii leile.

ROMMEI 6:13

sateichii gonyii gonyiimah pum pot, njaihang tei kashyii kahong mah beitui takumpii kem kikii pyii aisulo; nlenii gonyiimah pumsek tei katai kito pang nlaigong kapyiimei takumpii, sateichii gonyiimah pumpot mah njai hangtei kasang kamajyii mah beitui takumpiinii pyiilo.

1 KORENMEI 2:6

Teitii kido swirek kabi mah samtam tei katingmei kak kikii nyiinii tam mpat pyiile. Nlenii sazyii pouryiimei mah swirek kabi tei makle, mak-kii gatang karam sazyii pouryii apum katiimei mah swirek kabi tei makle.

2 KORENMEI 10:18

Kadapokii ah roinapiinii ahgo tam kamatoi mei gotei lukaipyii makle, nlenii Bangpiinii tam kamatoi mei gotei lukaipyiile.

2 KORENMEI 3:6

Sat tang karam karanu samtam mah nga kangamei tiitang karam tiikamajyii tei mpounii nyiigo pyiile, ainii ryii kabam ajaitingshang tei- makle, nlenii rangii mahle. Kadapokii ryiikabam ajaitingsang teinii katai tei poigongle, nlenii rangiinii karing tei pyiile.

2 KORENMEI 4:2

Kamakum ninado ka- nrou kasangam tha hangtei nyiinii tiiloi sutakle; meigo satui sadzyii katii kachui tha tei nyiinii tiimakle sateichii Saraamah samtam gotei tamtaisii tam makle. Nlenii kasang- mah kava kito nyiinii Saraa doito lungsii kabi kashyii tikabui meihang- mah lungswi kikii nyiinii nyii roinapii tam matoi matule.

2 KORENMEI 5:9

Teijangpii Bangpii dzyii karanga tei nyiinii kalei bamlyii kito, nyiimah sazyii pouryiimah tiilung kito kado, mak-kii gongtang karam kana tiilung kito kado nyiinii tiinyiile.

GALATIMEI 1:10

Meinah mah kamazhii doutang karam mak-kii Saraa mah kamazhii doutang karam jangpii Inii fiileipo? Mak-kii Inii mei dzyiibi tiitang karam jangpiinii tiisii leipo? Inii aitoi katang mei dzyiibi tiitang karam jangpiinii tiisii leipo? Inii aitoi katang mei dzyiibi tiisii leileponii, Inii Krista mah kikaleimei hangninii tiilak tang karamle.

IPISAMEI 1:13

Sateichii gonyiigo keikapyii karing poigong kapyii kasang kabi rasam tei gonyiinii shiikalu kito, gonyiiniido Saraamah mei tei tiiwo takle, sateichii Kristago gonyiinii malum wotakle; ninado mpounii go- nyiigo pyiitang lesii riishii tiikabam, pyiisii kalei rangii kamatei teipii Saraanii mpoumah apum katiimah siiti tei gonyii phyiiryiikii toukai pyiitakle.

1 THESOLONIKAMEI 2:4

nlenii Saraanii nyiigo kabi rasam tam matu tang karam jangpii mazhiikapyii takumpii, nyiinii mei dzyii karanga tei tiitang karam jangpii makle, nlenii nyii lung go jaijusii kalei Saraa dzyii karanga tei tiitang karam jangpii nyiinii tam leile.

1 THESOLONIKAMEI 5:14

Sateichii kangsanamei, nyiinii gonyiigo tam katwi leile, kamahat meigo mahat sulosii tampyii ralipyiilo, rangii kasuimeigo lung tiimadi pyiilo, kasuimeigo tiihalo sateichii ahnyiihang dato lungleh tilo.

1 TIMOTHI 4:6

Nangnii sam hang ai kang- sanamei lung kikii kaipyii leponii, nangnii kamalum samtam hangteipii sateichii nangnii swikalei kabi karali hang teipiinii n-go tiisangting pyiisii, nang Krista Jisumah kabi kikaleimei hangninii tiitangle.

HEBRUMEI 4:11

Ahnyiinii katam swikasu jangpii tiidou kasu takumpii nyii kak kito mei kado tiidou kasu tei tiikasu tiisii nyiinii ngam kabuita teimah ka-ntak kitei liit kalu tiide.

JEMS 1:12

Jaikaju lehsii kaleimei sadoi bile, kadapokii jaikaju kiteito mpounii satto sekchii, mpougo lungkasyii meigo Saraanii pyiitanglesii riishii tiikabam karingmah phyiihung tei mpounii doutangle

JEMS 1:18

Mpoumah karing kounah hang kak kito nyiinii riiti karei hangninii tiimatu tang karam jangpii mpoumah kamaning kamarei kito kasang mah samkang teipii mpounii nyiigo manaapyiile.

2 PITAR 1:10

Teijangpiinii kangsanamei, go- nyiigo lat kapyii ninado kalai kapyii tei katika tang karam jangpii kisii teibuisii tha tiilo, kadapokii gonyiinii tei tiileponii, gonyiinii madou kado kousang koulakle.

2 PITAR 1:15

Sateichii Inii majutu kalei taito aihang ai gonyiinii maning gong kabui tiisii Inii tiikabuita tiitangle.

2 PITAR 3:14

Teijangpii lungkasyiimei, gonyii- nii aijangpii koikalei taiswisii, mpou mikjot kito sajek ninado kama gasii, majungsii gonyiigo mpounii dou wokabui tiilo.