2 TIMOTHI 2:12 - KARANU KABI SAMTAM

¹² Nyiinii kamage kalak hangtei pungwo leponii, nyiiniido mpougo kaswisii sagong tiisii magongsii lung tangle; nyiinii mpougo mazhiisu leponii, mpouniido nyiigo mazhiipyii lakle.

2 TIMOTHI 2:12 Iomraidhean Croise

METIU 10:33

Nlenii meihang doito n-gu mazhii kasumei gotei Iniido sating gamto kalei gu Pfii doito mazhiipyii lakle.

METIU 26:35

Pitar-nii mpou dakii tamle, “Inii n-go kaswisii taitang karam pat tuchiido Inii n-go mazhii kasu tei tiisang tiilakle,” sateichii boumei hang teiniido tei takumpii njoisii tam takle.

METIU 26:75

“Ruigangnii kong kasunakii nangnii n-gu hangtum kashang tiisii mazhiilakle, sii Jisunii tam kabam samtei Pitarnii maning gong takle.” Teito mpounii saba tatpatsii lung hungsii hatle.

MARK 10:33

Mpounii ahnyii dakii tamle, “Julo, nyiinii Jerosalemki tatpi leile; teito meinah sapfii mpou gotei Tingdimei ninado Ajaitingshang kati ojamei bah kikii pyiitoi tang takle, teito ahnyiinii mpougo tam mashyiisii gitoi tangle, sateichii lui kakimei bah kikii pyiitoi tangle;

MARK 8:38

Kadapokii mei-nou mainahgo kachyii ninado kakui kama ai-haki aito kalei mei kata kangkanii gujangpii ninado gusam jangpii n-rou lepochiinii ah dato meinah sapfii mpou teinado n-rou tangle, mpounii kamatei sating gamlui hang go kaswisii Pfii mah pumtei kava kito kagong kak tei.

LUKNII KARYII KABI RASAM JUKAMATI 12:9

Nlenii meihang doito n-gu mazhii kasumei gotei Saraa mah Sating gamlui doito Mei- nah Sapfii Mpou teiniido mazhiipyii lakle.

LUKNII KARYII KABI RASAM JUKAMATI 22:29

Sateichii gu pfiinii Gudakii Sagong Sazyii hangninii julosii pyii kabam takumpiinii,

LUKNII KARYII KABI RASAM JUKAMATI 22:30

gonyiinii gumah Sating Sazyii kito gumah tak kachii bam gamto kaswisii chii sak kabui jangpii, Inii gonyii dakii Sagong Sazyii julosii pyii leile.

LUKNII KARYII KABI RASAM JUKAMATI 9:26

Kadapochii gujangpii sateichii gusamtam hang jangpii mei kata kangkanii nrou leponii, meinah sapfii mpou teinii mpou doito nrou- tangle–mpoumah pumtei kava kito sateichii sating gamlui mah pumtei kava kito mpounii kagong kak.

TIILAMLWI KAPYIIMEI THA JUKAMATI 14:22

Bamlyii hang ki teito boumei lung tiisangting pyiisii kamalum kiteito taksupiinii bam matutang karam jangpii katwisii kamage kalak hangkago kaswisii nyiinii Saraa mah sating sazyiiki liit tang karamlesii tam ralipyiile.

ROMMEI 5:17

Kadaponii mei hangninii mah kem jangpii katai teinii, tei mei hangninii jangpii sagong takumpii magongsii lungleponii, jumage kapyii katokryii sateichii matapii kapyii kasang kamajyii tei doukalumei hangnii mei hangninii katunii, Jisu Krista jangpii tiilung kito Kisii disii sagong takumpii lung tangle.

ROMMEI 8:17

Sateichii Saraa nahmeile ponii mahtou katoumeido takle, mpougo kaswisii nyiinii pumtei kava tei dou njoitang karam jangpii Kristago kaswisii nyii kamage kalak pung njoi leponii, Saraa mahtou katoumei sateichii mpougo njoisii mahtou katoumei takle.

PILIPIMEI 1:28

Gonyiimah saryiimeigo hing sulo, tinglang kaleita rai kulo, sateichii aipiinii ahnyii koutang takle sateichii gonyiinii nam tang takle katu tei ahnyiigo maning riirhii katu gasii tiimangou tangle, kada- pokii ngam matu wokalu tei Saraanii gonyiigo pyiile.

1 TIMOTHI 5:8

Nlenii mei kata hangninanii ahki kalungmeigo, rou- tiisii ahki kalung mpungmeigo jusu- leponii, ahnii kamalum tei mazhii kasu tiitakle sateichii malum kasumei sungdo ahnii kisii shyiitakle.

JUD DATO KAGONG CHITI JUKAMATI 1:4

Ka- dapokii Saraa haikasu mei kangkii makumpii gonyii kak ki liitto takle, mei aimeinii doutang karam kaset kalak teinii kabi rasam kikii ndouto reipii tambam takle. Ahnyiimah tingshangrali kashyii gotei gomnei tang karam jangpii mei aimeinii Sa- raamah jumage kapyiimah samtam gotei jumle, sateichii Jisu Krista ai nyiimah pumpiile ninado Bangpiile katu tei ahnyiinii mazhii makle.

MATIMANGOU KAPYII 1:6

sateichii nyiigo sagong sazyii ninado mpoumah Pfii Saraamah bam kiteito kanat kajum Atingmei tiimatu kapyii mpou dakii pumtei kava ninado magongsii kalung tei kalui kaga tei matulo. Amen.

MATIMANGOU KAPYII 1:9

Gonyii sanapii ninado Jisutai kaswimei hangninii tiisii gonyiigo kaswisii kamage kalak, ninado sagong sating sazyii ninado lung leh kati mah njai dou njoisii kalei Jon Inii Saraamah samtam ninado Jisunii kamati kamangou tei saa ka-mpat jangpii Patmos-sii kalat dwipii maguisii kalei sazyii kiteikii n-gu kai aitakle.

MATIMANGOU KAPYII 2:13

Nangnii lungkalei bam tei Inii tile, teikito seitanmah sagongbam leile, Sei- tannii lungkalei bamni teito, malum kabui gumah sakchyii, Antipasgo kagi tinglang kikak katangdo, gonyiinii gu zeigo kamalum tei toi aimakle sateichii gonyiinii gudato kasangle.

MATIMANGOU KAPYII 20:4

Sateichii sagongbam hangtei Inii ngoutakle, sateichii teigamto bam kaleimeihang dateikii samtak katii- mah teimaham tei pyiitakle. Satei- chii Jisumah sakchyii kapung jangpii sateichii Saraamah samkang jang- piinii phyiibaatoi kaleimei hangmah, ninado saramkownahgo mak-kii ahmah tingtu paramgo mata kasu ninado ahnyiimah seiphang gamkii mak-kii bah gamkii siiti tei doukasu ahnyiimah rakot hang gotei Inii ngoutakle; sateichii ahnyiinii ring- khiisanii, Kristago kaswisii tingkum tangkii magong takle.

MATIMANGOU KAPYII 20:6

Karei ringkakhii kito njai poi njoi katumei tei sadoibile ninado mateile; tei kakum mei phyiiryii teito hangna kashang katai teinii teimaham gale; nlenii ahnyii teinii Saraamah ninado Kristamah kanat kajum atingmei tiitangle, sateichii ahgo kaswisii tingkum tangkii magong tangle.

MATIMANGOU KAPYII 3:10

Gumah lung leh kati samtei nangnii swikalu jang- piinii, sazyii pouryiito lungkalei hang go jaiju tang karam jangpii sazyii pouryii bamlyii hangki gongtang karam jai kaju tinglang kiteito Iniido n-go jupyii tangle.

MATIMANGOU KAPYII 3:21

Inii ngam wosii gu pfiimah sagongbam kiteito ahgo kaswisii bam kalei takumpiinii, ngam kalu ahgodo n-gu kaswisii sagongbam kiteito kaswisii bam matutang karam mah amajyii tei Inii pyiitangle.

MATIMANGOU KAPYII 3:8

Nangnii tiikalei tei Inii tile, julo, mei kaniido takampei wokalak laat kabam takam hangninii Inii godoikii kaibam takle, katunii, gomah teimaham chengniikii leile sateichii nangnii gusam swile sateichii guzeigo mazhii kasu tiimakle.

MATIMANGOU KAPYII 5:10

Sateichii ahnyiigo kanat kajum atingmeimah sagong sazyii hangninii tiipyii takle, nyiimah Saraamah nga ngamatu tang karam jangpii, sateichii ahnyiinii sazyii pouryiito apum tiitangle.”