2 TIMOTHI 1:9 - KARANU KABI SAMTAM

⁹ Mpounii nyiigo keipyii takle sateichii kamatei kalat teipii nyiigo lat pyii takle, nyii tha taiswisii makle, nlenii mpoumah kamaning sateichii jumage kapyii taiswisii lat pyiile. Jumage kapyii ai ndou kareiki Krista Jisu paito mpounii nyiigo pyiitakle.

2 TIMOTHI 1:9 Iomraidhean Croise

METIU 1:21

“Mpoupeinii nah sapfiimei hangninii lungtangle, sateichii nang- nii mpou zei Jisu sii lat tangle, daponii mpoumah mei hang go ahnyii mah kem kito Ahnii keipyii tangle.”

LUKNII KARYII KABI RASAM JUKAMATI 10:21

Tei tinglang sek-kii mpounii rangii kamatei mah teimaham paito ka-ntapii tokryiisii tamle, “He gu pfii sating ninado Sazyii pouryii mah Bangpii, Inii n-go halang takle. Dapochiinii nangnii aihang aigo kasakai ninado katimei dato poi kabaibam siinii nahmei kacheng meihang dakii mangoupyii takle. Nle, gu pfii, dapochiinii aipiinii go mikjot kito kasat teile.

JONNII KARYII KABI RASAM JUKAMATI 17:24

“He Pfii-o, nangnii sazyii pouryii tii mpat kasunato n-gu lung- kasyii kito nangnii gudakii kapyii gumah pumtei kava tei ahnyiinii ngoumatu tang karam jangpii, Inii kalei nitei ahnyiiniido n-gu kaswisii lei matu katu Inii maraile.

JONNII KARYII KABI RASAM JUKAMATI 17:9

“Inii ahnyii jangpii riitasii bamle, Inii sazyii pouryii jangpii riita makle, nlenii nangnii gudakii pyii kabam ahnyii jangpiiniile, kadapokii ahnyiinii gomahle.

JONNII KARYII KABI RASAM JUKAMATI 6:37

Gu pfiinii gudakii kapyii hangtei guda gongtangle, sateichii guda kagongmei hang gotei Inii baasang baatoi lakle.

TIILAMLWI KAPYIIMEI THA JUKAMATI 15:18

karei kito sam hang ai mati kapyii Bangpiinii tamle.’

TIILAMLWI KAPYIIMEI THA JUKAMATI 2:47

Ahnyiinii Saraago tam matoisii meihang doitodo tiikaha tei doule sateichii keikapyii dou kalumeihang gotei bangpiinii sating kata ahnyii dakii kai mpam pyiile.

ROMMEI 11:14

Mazhiileponii gupum guzai lamto n-gu njoisii kalei Jehudimei gotei tii maimhii pyiisanii ahnyii mei cheng- niikiigo keiwo tang karam jangpii- niile.

ROMMEI 11:29

Kadapokii Saraanii kalai kalu ninado satoi toikapyiimei mah kaang kito mpou switei kalimakle.

ROMMEI 16:25

Aitoinii gumah kabi rasam taiswisii sateichii kamakum sam mati mangoupyiisii Jisu Krista mah kaang kito tam rali kapyii taiswisii, gonyiigo tiisangting pyiiwo kabui mpoudakii Inii gonyiigo pyii leile.

ROMMEI 3:20

Kadaponii ajatingshang mah atha teipiinii mpou mikjot kito meigo kado tiima- jyiipyii lakle, kadaponii ajaiting- shang paito kem katu tei tigongle.

ROMMEI 9:11

kadaponii nahmei tei lung kasunakii sateichii mah kata kabi mak-kii kashyii hangninii kado tiikasunakii kalai mpat kalu tai swisii Saraa mah kamaning kito tatjou matu tang karam jangpii katunii, tha hang jangpii supii, nlenii mpounii lat kapyii jangpii,

ROMMEI 9:24

Ka- daponii mpounii lat kalu mei tei nyiile, Jehudimei hang kak kito roinii makle nlenii lui kaki kakimei hang kak kitodole.

1 KORENMEI 1:18

Kadapokii Kristanii Krosh gamto kataimah samtam ai magasii kaleimei jangpiinii kamangle, nlenii keikapyii doukalu nyii jangpiinii teitei Saraa mah teimaham teile.

IPISAMEI 1:11

Saraanii tiikanyii kamaning kamarei taiswisii mahlyii hang ai tiibam takle; sateichii saroi roisang kito mpounii kamaning gotei jubam- sii, mpoumah tiikanyii kamaning kamarei roinii jangpii, Kristago nyiinii njasii kalei kito, mpoumah mei tiimatu tang karam jangpii, Saraanii nyiigo kalai wotakle.

IPISAMEI 1:9

Saraanii tii- tanglesii kamaning tei mpounii sat kalu tiitang karam kamakum kamaning tei nyii dakii matipyiile.

IPISAMEI 2:5

nyiimah kakui kama kito nyiinii rangiilamto taika- lei tinglang kitodo, Kristago kaswisii mpounii nyiigo tiimaringpyiile. Gonyiigo keikapyii teinii Saraamah jumage kapyii kitole.

IPISAMEI 3:11

Saraanii saroisekto raang kabam teiswisii mpounii tiile, ai ai pat matutang karam jangpii mpounii Krista Jisu nyii Bangpiigo poisii tha tiitakle.

PILIPIMEI 3:14

Krista Jisu paikito Saraanii sagoi gamto lung tang karam mah lhang tei doutang karam jangpii mikleeng kabam lam teikii Inii majyiitoksii pak leile.

1 THESOLONIKAMEI 4:7

Kadapokii Saraanii nyiigo kashyii kahong kito lung matu tang karam jangpii latmakle, nlenii kamatei kito lung matu tang karam jangpii latle.

1 TIMOTHI 1:1

Nyiigo Keikapyii Saraa ninado nyiinii kamalum Krista Jisumah mwija taiswisii Krista Jisumah tiilamlwi kapyiimei hangninii tiisii kalei Pol dato.

2 TIMOTHI 1:1

Krista Jisu dato kalei karing mah riishii taiswisii, Saraanii kama- ning kamarei kito Krista Jisumah tiilamlwi kapyiimei hangninii tiisii kalei Polnii, Gumah lungkasyii gunah Timothi dakii: Krista dato kalei pyiitang lesii riishii tiikabam karing tei tam matilosii lang kai kabam Polnii–

TAITAS 1:2

chuisang chuilei kasu Saraanii pyiitanglesii ndouto riishii tiikabam kalui kaga karing tei doutanglesii maning kamalum kito,

HEBRUMEI 3:1

Teijangpii Saraanii lat kalu, kamatei gukangsanamei, nyiinii tam mpatsii kalei kamalum mah kanat kajum tingdipii tiimatu tang karam jangpii Saraanii lang m-mang kapyii Jisu gotei maninglo.

1 PITAR 1:20

Sazyii pouryii tii mpat kasunato Saraanii mpougo kalaiwo takle, nlenii kalui tinglang kinii gonyii jangpii mangoupyiile.

1 PITAR 2:9

Nlenii gonyiigo kamyii kito mpounii sung kaga kava kikii lat mpat kapyii mpoumah kamadat tha hangtei saa mpat matutang karam jangpii, kalai kalumei lui, sagong- mah atingmei, kamatei lui Saraamah mei tei gonyiile.

MATIMANGOU KAPYII 13:8

Sateichii gikalei Jaonah mah karingmah larekbung kiteikii sazyii pouryii tii mpat kasunato zei ryiikai hai kasu, sazyii pouryiito lungkalei hangnii ahgo mata tangle.

MATIMANGOU KAPYII 17:8

Saramkow tei tinglang hangninii kinii ringsii leile, nlenii ringsii bamloi sutakle, ahtei nlai kaga ahom kangto patlesii leitakle ninado ahnii tiikamaga kitei tat tutakle. Sazyii pouryii tii mpat kasuniito karing larek bung kikii zei ryiikai kasu sazyii pouryiito lung- kalei ahnyii hang teinii saramkow- nah gotei jusekchii sung gatangle, dapodinchii teitei tinglang hangninii kinii ringsii leile; aitoinii teitei ringloi sutakle, nlenii teitei gongloi tangle.